السبت، 31 ديسمبر، 2011

2012

لك مني...




وشلون بهنيك بالعام الجديد



والله من غلاكـ ماني لاقيه لك كلام



احترت اهنيك فيها ولا اهنيها بوجودكـ فيها



بس عسى ربي فيها يحقق كل امانينا



ويكتب ربي فرحتنا فيها



أحبكـ



أحبـكـ



أحبــكـ



كل عام و انت بخير



2012

الثلاثاء، 27 ديسمبر، 2011

صباحكم خير

لك مني...


صباحكــ خير


صباحك خير يلي وجودك في صباحي نعمة


صباح ادعي ربي بطلتك دوم يدومه
صباحك خير يلي وجودكـ بحياتي غير


السبت، 24 ديسمبر، 2011

لك مني ...






فتح الصباح ستار عيني الناعستين



فتتطايرت عيني على الوسادة التي فارقها منذ ايام



اغمضت عيني لأتذكر كم من لحضات جميلة عشناها



كم من ذكريات شهدتها هذة الوسادة



وكم هي الأيام الأن تسرق مستقبنا



احتضنت الوسادة بحرقة وشددت عليها بكفي الصغيرين



امتزجت المشاعر.. مشاعر حنين إليك ومشاعر الكره للأشياء التي فرقتنا



كم تمنيت ان اكون تلك الوساده بحضنك



كم تمنيت لو ان الأيام تعود وتتوقف عجلة الماضي



فتحت عيني المشدودتين فالدموع الحارقة مزقت شدة احتباسي لها



اغمضت عيني بسرعه لم يعرفها العلم



لأكمل الحلم اللذي شهدت نظرة عيني



اخجلت عيني قبلاته العطرة



فتفحت عيني كالورد في الربيع الملون



لتحتضن عينيه وليبصر الحلم بالحقيقة



فإذا بيديه المخمليتين تسحبني لحضن دافىء لحضن اضعته منذ ايام



لحضن فيه اتعرف كل معاني الحضن الدافىء و الحب و الحنان



لحضن اشتقته لحضن لم ولا اريد ان اتعرف احد سواه



لحضن فيه اريد المكوث طول العمر والأيام



.....



حضنك حبيبي غير



ضمني الشوق عذبني



ضمني بصحى بحضنك



ضمني والليل ماهو ليل الا بحضنك



ضمني عطشانة لعطرك



ضمني حبيبي حضنك حبيبي غير

الخميس، 22 ديسمبر، 2011

رغم الجروح




لك مني...








قلبي بحبك يرتوي





وفيك اجدد كل مشاعر خافقي





الشوق لعب بحسبتي





ولساني صار يلطم بالجوف





يعبر لك عن ماجرى بوحدتي





ودموعي تدمع احساس الحزن والخوف





باجر ترد لي و بحضنك ارتمي





وتقول سامحيني بعدتني عنج الظروف



..



حبك بالحشا ماتغيره ظروف الزمن





الأربعاء، 16 نوفمبر، 2011

دعاء الحزيـــن

لك مني...


أنـاجيك يا موجودا في كل مكان لعلك تسمع ندائي فقد عظم جرمــي وقل حيائي



مولاي يـا مولاي, أي الأهوال اتذكر و ايها انسى ولو لم يكن الا الموت لكفى, كيف ما بعد الموت اعظم و ادهى.



مولاي يـا مولاي, حتى متى و الى متى اقول لك العتبى مرة بعد اخرى ثم لا تجد عندي صدقا ولا وفاء فيا غوثاه ثم واغوثاه بك يا الله, من هوى قد غلبني ومن عدو قد استكلب علي, ومن دنيا قد تزينت لي, ومن نفس امارة بالسوء الا مارحم ربي.



مولاي يـا مولاي إن كنت رحمت مثلي فارحمني وإن كنت قبلت مثلي فاقبليني يا قابل السحرة, اقبلني يا من لم ازل اتعرف منه الحسنى يا من يغذيني بالنعم صباحا و مساءا, ارحمني يوم آتيك فردا شاخصا إليك بصري مقلدا عملي قد تبرأ جميع الخلق مني, نعم و ابي و امي وم كان له كدي وسعيي فإن لم ترحمني فمن يرحمني, ومن يؤنس بالقبر وحشتي, ومن ينطق لساني اذا خلوت بعملي وسألتني عما انت اعلم به مني, فإن قلت: نعم فأين المهرب من عدلك وإن قلت: لم افعل, قلت: الم اكن الشاهد عليك.


فعفوك عفوك يا مولاي قبل سرابيل القطران, عفوك عفوك يا مولاي قبل جهنم و النيران عفوك عفوك يا مولاي قبل ان تغلي الأيدي الى الأعناق, يا ارحم الراحمين و خير الغافرين.



" اللهم صل على محمد و آله, وارحم ذلي بين يديك و تضرعي إليك, ووحشتي من الناس و انسي بك يا كريم يا كائنا بعد كل شي لا تفضحني فإنك بي عالم و لا تعذبني فإنك بي قادر".



اللهم اني اعوذ بك من كرب الموت ومن سوء المرجع في القبور و من الندامة يوم القيامة, اسألك عيشة هنيئة وميتة سوية ومنقلبا كريما غير مخز و لا فاضح.



اللهم مغفرتك أوسع من ذنوبي ورحمتك أرجى عندي من عملي, فصلي على محمد و آل محمد, و اغفر لي يا حيا لا يموت.



الفاتحة الى روح المرحوم


هاني الطبيخ


والى ارواح المؤمين و المؤمنات

الثلاثاء، 15 نوفمبر، 2011

لكـــ الحمد ربي على نعمكــ

لك مني...







لكـــ الحمد ربي على نعمكــ


لك الحمد


الحمد لله





السبت، 12 نوفمبر، 2011

لك مني...






سلمولي على اللي ســم حالي فراقه



حسـبي الله على اللي حال بيني و بينه

الأربعاء، 9 نوفمبر، 2011

ريفيجاتي

لك مني...


SlamzZ


اول شي


عيــــــدكم مباركـ كلكم


ولووو ان متأخر


___


اليوم تاريخ 9-11


كنت انطر هاليوم من زمااان


اليوم الغالي برد من بيت الله عسى ربي يتقبل منه يارب


:)


هم صارت اشياء حلوة بهاليوم من دون تخطيط


والله صج يوم اصدقائي 100 %


خالاقول لكم السالفة شلون بدت




ريفيجتي مريم كلمتني امس " ريفيجتي حسبة أختي " : موتنسين يوم الخميس


كانت تعزم على عرس اختها كانت حفلة عائلية اوريدي اهمه مسوين حفلة خطوبة و لابسة ابيض و انا حضرت ووجبتهم


عاد انا رديت عليها : ابأه ابلني


قالت لا لااااااا نطري بقول لها ادق عليج انا ما شفت الكلام الا متأخر توني بكتب لا ولا تلفوني يرن


العروس: لالالا مايصير بتيين يعني بتيين


انا: لا انزين بحاول


....: مو على كيفيج اني و امج فاهمه


المهم قلت لها اوكي ان شاء الله


وسكرت منها جان يرن تلفوني مرة ثانية والا العروس هم داقة: سمعي عندج شي المغرب انتي و اختج


قلت لها اختي بالدوم ومابترد الا 11 بالليل " اختي نظام شفتات" جان تقول افااا ابيكم تمرون عليي و نقعد نسولف و نشرب قهوة


انا: ههه و لاهمج باجر نطلع نتريق الصبح بشوف اختي ارد عليكم جان تقول لي اوكي انتي ضبطي السالفة وي اختي و بنطلع


سكرت و سيده كتبت الى مريم نققققققققققققققققققققققققط " نقط يعني كل شي مو زين عن الكلام السوقي بس نقول حق بعض نقط"


مريم قعدت تضحك قلت لها شوفي زعلانه منج لا تكلميني لساعه 8 ونص


قعدت تضحك " احنا اذا بنزعل نقول بنزعل الساعه 8 بس يازعم انا زعلانه وايد قلت لها 8 ونص"


المهم خذيت خواني و طلعت خو الدنيا عيد ردييت البيت و طول الطريج كنت اكلم ريفيجتي نووور " نوور حدها فصله و اهيه هم بتدخل قفص الزوجية يوم الجمعة ملجتها" كانت حدها خايفة و اعصابها متوترة قالت تقول ابي اطلع معاكم انتي ومريوم طبعا غيرت السالفة على اساس بشوف طلعه اختي و اخت مريم وانا اصلن مطنقرة من مريم شوي


كسرت خاطري نور جان ادخل على مريم و اقول لها فيج طلعه باجر الصبح ... ادري مو 8 ونص بس طوفي هالمرة


ضحكت قالت اي عادي قلت لها بس انا و انتي و نور قالت لي اوكي


قلت لها نور ماتدري للحين بضبط السالفة وياج بعدين


المهم اتفقنا عالساعه 9ونص نتيمع عند لاشوكولا بعدين نروح الكوفي شوب الي بنروحه


كلمت نور و اجلت روحتها الصالون و طبعا ما كانت تدري شسالفة و اللي خله الموضوع احلى و احلى ان نور سيارتها خرباانه فقالت


لازم احد يمر عليي قلت لها خلاص انا امرج 9 ونص جهزي عمرج و مو تلبسين كعب قالت لي انزين وين بتودوني قلت لها سر p:


انا و مريم اتفقنا نوصي على كب كيك وردي بما انا نونووووز تحب اللون الوردي و يكون على الكيك دبل و اسمها و بالكب كيك مالتها تكون اسم خطيبها و نييب ورد و نعطيها طبعا مريم استانست عالسالفة


المهم دقيت على ليلوز جان يقول لا يبي له وقت مايصير قبل يوم لازم قبل بعدين صفينا على كافية كواكب انا بروح اييب الكيك ومريم بتروح تييب نور و بتييب الورد قبل و انا بكون بنطرهم بالمكان اللي متفقين فيه


صار باجر الا اهوه اليوم قعدت 8 على طول طيران كواكب و لا جان انصدم راعية الكافية ريفيجتي من ايام العدادي المتوسطه سلمت و كلمتها و خذيت رقمها وقالت لي عن باجي البنات وطلعت من الكافيه رديت البيت جهزت جان مريم تتصل تقول لي اهمه جريب الكافية الي بنروحه وانا للحين بالبيت صج صج اويلااااااااه بسرعه بسرعه اخد السويج و مغيرين الشوارع و ما ادل جان تشوفني حرمة و تقول بدلني و انا مو متعوده اسوق بشوراع ضيقة و سيارتي اصلن ماتطوف شوي شوي واوصل القلعه من ورا و اهمه اصلن وصلوا و ينطروني بالمدخل وصلت عال 10 ونص وانا ما كلمت الويترز حتى اول ما نزلنا سلمنا و مريم عطتني الورد و بوكس الكب كيك عندي جان نمشي و نور طول الوقت تقول شفيكم اول مرة تيي المكان اشرت لمريم انا بدخل من الباب الي بره انتوا روحوا من باب البحر


كلمت الويتر و اتفقت معاه و رحت لهم طبعا لا تشوفون نوورو ام الفناتق ماخلت شي ماصورت معاه " المكان كان حده شي تراثي على سياحه قلعة البحرين و طبعا بحر و مسوين مثل المتحف الصغير عن القلعه و كافيه على البحر يعني شي واوو و كان حده مافي احد "


تمشينا شوي و رحنا قعدنا سوالف عن فستان نوور و تجيهيزاتها طبعا حبي نونيييز ام الفناتق مسوية فستان الحفلة اسود تتخيلون اسود @@


و ماتبي تدخل ابجوتي وانتوا بكرامة تقول بطيح ما بعرف امشي


عاد انا اتطنز عليها اقول لها شوفي اذا صار ما صار و طحتي سوي روحج تلعبين جمباز و خطيبج بشيلج ضحكت عليي من قلب و قالت اي على اساس حركات و بخليه يركض فيني ... مسخره و الله


قلت لها خفي عالريال ترا ظهرة منكسر من مصاريفج لاتخلينه ينكسر من وزنج عاد.. ههه طالعتني بنظرة و قعدت تضحك


المهم جان نطلب بعدين ايوون كل الويترز و يحطون الكب كيك نونييييز هني شوي و تصيح تضحك و تصرخ لاااا و قامت تلمنا


طبعا الهوااا شقاقي شوي و يطير الي بالطاولة قعدنا لل 12 و ريدنا طبعا نوور كل شوي تغير صورة البيبي مالها


مو صاحية هالأدمية و الله


___


رديت البيت و كان ضايق خلقي امي تبي تودي نغصة حق عمتها جان اقول اي اي انا بودي و خذيت خواني معاي بالطريج كل ضحك طبعا بس هم ما طولنا .. خواني كانوا يعدلون مادري شنو على اساس بييون بناية مادري متى فطلعوا اشياء من المخزن جان الاقي بكس مالي كبير في شغلات تبع العدادي "المتوسط" مذكرات ريفيجاتي كاتبين لي فيه


ولقيت رقم جم وحده فيهم ... دقيت على بيت مروة مو مكلمتها من 6 سنين ادق مفصول مادري شسالفة عصرت مخي و تذكرت رقم امها طبعا امها اجنبية و عيب عندهم داقة 2 ونص الظهر جان ترد مع محاولتين قلت لها ابي مروة عطت مروة التلفون جان اقول لها سلااااام اهيه عليكم السلام من؟؟ اقول لها قولي من زنوووووووووووووووووووووووووووووووب جــ .. قلت لها اي


وطقيناها سوالف وخذيت البن مالها و رقمها وسوالف عن البنات و شخبارهم


جان هم لقيت رقم ريفجتي ريم " ريم كويتية درست بالبحرين سنتين و كانت تقعد معاي طاولتها يمي"


عاد كان مكتوب رقمين توقعت واحد رقم امها و كاوا مكتوبين قبل لا يحطون قبل الرقم 9 و 6 دخلت الوتس اب جان الاقيها شابكة


انا : سلام


...: هلا و الله


انا: خالتي ام طلال انتي و لا ريم


...: منو انتي انا ام طلال


" ولا عمري حتى كلمت امها بالتلفون اللهم مرة شفتها كان ياية تاخذها"


"طبعا سبب دراسة ريم بالبحرين امها انفصلت على ابوها و امها حبت تكمل دراستها بالبحرين فيات مع ريم و طلال اخو ريم الصغير ولمنا تخرجنا من العدادي نقطعت علاقتي فيهم ريوم غيرت رقمها و انا لهيت بالثنوي "


نكمل


انا: انا ريفيجة ريم لما كانت تدرس معاي بالبحرين توني لقيت ارقام كاتبتهم لي بدفتر قديم .. انا زينب جــ .. كنا نقعد يم بعض حبيت اسلم و اسأل عليها


ام طلال: الله يسلمج قلبي وعيدج مبارك, حبيبتي انا بسيريلنكا بقول لريم و بدز لج رقمها مشكورة اعرفج زينب و عطتني رقم ريوم الكويتي


انا : مشكورة خالتي و انتي هم عيدج مبارك


ام طلال: يسلمج بعد قلبي خلينا على تواصل


انا: اي اكيد ان شاء الله


...: حبيبتي


انا : تردين بالسلامة يارب وسوري و الله اذا ازعجتج


ام طلال: لا افا عليج انا مستانسة الناس الطيبة نفسج اللي تذكر حبايبها انامن كثر ما كانت تكلم عنج ريم احبج بس المشكله ريم تلفونها راحت كل الأرقام


انا: تحبج العافية والله هم انتوا عزيزين و ريوم غالية عليي


..: بعد قلبي انتي خليج متواصله معاها بدز لها رقمج و تحت امرج ماكو ازعاج


انا: فديتج و الله ان شاء الله لا توصين

..: حبيبتي


___


حدي استانست على خالتي ماشاء الله عليها شرحــه اذكر كل البنات كانوا يتحجون عنها انها وايد حبوبة


كلمت ريم بالليل بس ماردت عليي و لا قلت لها منو انا


عالليل وصلتني اضافة من وحده من ريفيجاتي فطوم خميس وسألت مروة عن ريفيجتنا وحده اسمها امل تزوجت واحد قطري و يابت ياهل سألتها عن رقمها قالت بتعطيني اياه..


كملت باجي اغراض البوكس شفت صور كنا يهال بمدرسة حليمة


كنا صج شياطين


والله ايام زمااااااااااان


وحشتوووووووووووني كلكم


اتفقنا نتلاقى على يوم و نتيمع


....


ربي يوفقكم وين ما كنتوا


والله ولهت عليكم ووحشتوني يا خوات الجحلــة


" كلمة بحرينية سب و دلع بنفس الوقت"


p;

ان شاء الله يعدي اليوم على خير

والغالي برد اليوم بالسلامة

يعطيكم العافية






الاثنين، 31 أكتوبر، 2011

بالسلاااااامـــة ترجع يارب

لك مني...


اقتـــــرب موعد رحلة الأشواق
وأذن في الناس بالحج


فهنيـــــئا لكل كم كتبت له الحجة هذة السنـــــــة




بــــــاكر تغيب وينتقل فينــــي الشـــوق

وجــــدام عين الأمنيـــــات اتبعثـــر

لكــــن قسم بالله بـــــــا اعز مخلوق

كـــل مـــايزيد الحزن أحبكــــ أكثـــر

.....

بالسلامـــــة حبيبي

بالسلامـــــــــــــــة يا حاج بترجع

بالسلامـــــــــــــــــــــــــــــــــة

بوهاني

حج مبرور وسعي مشكور وذنب مغفــــور

الخميس، 27 أكتوبر، 2011

يـــــارب سبحانكــ ربي

لك مني...






ربي حبيبي إن اردت شيئا قلت له كن فيكون




فسبحانك ربي اجعل من امانيني معه ان تكون




واهده ربي وجعله من نصيبي يكون




يــــــارب ان كانت امنياتي ليس بها الصلاح لي




فصلحها لي ربي يــاعظيم فأنت قادر على كل شيء


يــــــــــــ قدير ــــــــــا




يارب بحق ليلة الجمعـــة اجمعني مع من له بقلبي الكثير




يــــــــــــــــ ربي ــــــــــــــــــــا




يـــــــــــــــــــ كبيــــر ــــــــــــــــــــــا

الثلاثاء، 25 أكتوبر، 2011

مجنونتكـ

لك مني...




حبيبي مجنونتك انا مجنونتك



بحبك انا كلي لك وبروحك



بدفى حساسك و حسك بحيى لك



على حس صوتك ولمسة ايدينك



انــــام الليل بحضانك



حبيبي انا لي بروحي وانا حبيبتك بروحك



احبك و لك مجنونتك



....



أحبك ميهــاوي

الأحد، 23 أكتوبر، 2011

محد يستاهل 2

لك مني...


تضحك ودموعها على خدها تضحك على حظها: يقول تعبان شقول انا عيل شقول... طقت السكان بيدها بقوة و غيرت طريجها راحت عالبحر تمت بسيارتها...



مابي ارد البيت مابي ارد هناك كل شي يذكرني فيه حتى نفسي اتذكرني فيه ,مسكت راسها : تعبت ياربي تعبت من زود التفكير بس اطلع من راسي...



رن تلفونها و نورة كانت المتصلة عطتها نمبر بزي وكتبت له بالتلفون سوري بس حابه اقعد بروحي,, طلعت من السيارة و قعدت تتمشى, طيوور بكل مكان والهوا يطير شعرها و يطير معاها دموعها... آآآه ياليت ماعرفتك و لا كنت بحياتي يوم...



بهالوقت مافي الا هالكلام يعبر عن احساس و شعور سارة



...



شنهـــي الحياة بليـــاكــ



من دون دفا حضنك وقلبك



يشهد عليي ربي


ابيكـ و أحبك و اهواكـ



ولكن قلبي تعب من كثر طعناتك



جرحتني و انا الي حسبت انا بس الطعان



إلا أنت لو اشوفكــ مع غيري كنت اقول يمكن



يوني من زود غلاه ودها تشوفك بكل مكان

\

لكن من بعد العــشرة و الحب تجيني بكلام معانيه انا خاين



ماتخيلت شبصير فيني...؟



عدل مجنونة اي مجنونة انا مجنونة و للحين بهواكــ



ولليــوم ابغيـــك من حشى قلبي أبيك



بس تكفى مو بخياناتك



___



قعدت تذكر قعدتهم عالبحر بس طبعا مو البحر هذا ما كان ودها تروح ذاك البحر عشان ماتبي تتذكر اكثر كافي ان اوهو ما يطلع من بالها


مسكت تلفونها و فتحت على صوره وابتسمت و دموعها طاحت عالشاشة: ليش ياروحي؟


...: شذنبك حبيت تصارحني لجل على قولتك تعدل عيوبي


ماحسبتها صح يا عمري انت ذبحتني و الله ذبحتني


غمضت عيونها: ما اقدر امسح صوركــ ما اقدر امسح تسجيلات صوتك


وقعدت تذكر تسجيلات الصوت: حبيبي لا تسوي خوشي خوشي عفية


أحمد: خوووش خوش


سارة: شنو حبيبي نمت لاااااااااااااا... مامي قوووم


واوهو يستعبط


قعدت سارة تتمشى واطالع اللنج و اطراريد و الشارع بالصوب الثاني و البيوم الي اطل على ممشى البحر و تقول بقلبها: شلون الناس عايشة حياتها, تتأمل الناس بالمطاعم شلون يضحكون


وقعدت تقول: الدنيا مــاشية مـــاشية معاكـ و لا بلياكـ


تذكرت كلام يدها الله يرحمه


كان يقول الحين يا سارة لو سويتي حادث بالشارع محد بوقف لج بتشوفين كل السيايير تمشي محد بيتعطل


ماله داعي توقفين على هالشي


محد يستاهل


انا اشتري لج احسن لعبة...


وضحكت هالمرة من قلب: ليت الأيام ترد يا يدي و همي لعبة و حلاوو


تمت


.....





مهنا للحين أحبك ومتعلقة فيك



كلام القال و القيل مايفرق بين عشرة العمر و السنين



يبي لي وقت عشان انسى او اتناسى بس ابي وقفتك معاي



ابي نتيك تكون صافية لي بروحي



اصيــح و ادق و ادق و تسكرة وماتــرد



مويعني انت ماتحبني



خذ وقتك و ابيك لي بنية صافية



أحبك



محتاجة لحنانك و لحضنكـ

__


اقترب مني ترا الدنيا فرص

أحبك

الاثنين، 17 أكتوبر، 2011

محد يستاهل

لك مني...

ريـــم تأشر لسارونة من بعيــــد


ســــــارة: قـــوة ريوم شلونج


ريم: هلا هلا بخير حبي انتي شلونج


سارة تبتسم: حمدلله ,, يلا مشينا الكلاس


ريوم اطبطب على سارونة ويمشون مع بعض, ريم رفيجة سارة الكلوز تعرفوا على بعض بالجامعه و صاروا اكثر من خوات كل روحاتهم و يياتهم مع بعض...


بالسكشن سارة قعدت يم ريم بأول صفة وعالصوب الثاني الطوفه "وماقعدت بمكانها المعتاد"...


دخل أحمد المحاضرة و عيونه طارت على الكراسي اللي بآخر القاعه حط راسه بالأرض و راح قعد فيهم,, دخل الدكتور القاعه بدى ينادي عالأسامي... جان ساره بسرعه بتيي بتطلع عشان محد يحس عليها بس صوت الدكتور و ريوم كانوا اسرع...


الدكتور: ســارة علي...


سارة قعدت مكانها و بقلب كله ضيقة: نعــــم موجوده


ريوم مسكت سارة من ايدها: هدي حبيبي ساروونه


سارة طالعتها و بعيونها تسبح الدموع جنها تقول لها تكفين بشم هوا مخنوقة نزلت راسها ماتبي احمد يشوفها ماتبي تجابل احد بذكرها فيه كافي دخلتها القاعه...


ريـــم تقاطع الدكتور: دكتور لو سمحت ممكن نستأذن انا و رفيجتي,, عفية واستأذوا و طلعوا


سارة : انا بروح الحمام


مشوا للحمامات و طول الوقت اهما ساكتين


سارة كانت تبجي بحرقــه بالحمام و ريم لامتها و تهديها: سارووونه ساروووو ميخالف انتي لازم تصيرين اقوى قطي كل شي ورا ظهرج


ترا محد يستاهل,, خلاااص سارونوووه بسج ترا ابجي معاج


هدت سارة وغسلت ويها عدلت شعرها و شالت اغراضها و طلعت مع ريــم: ريوم انا برد البيت مالي خلق شي


...: ودي اقول لج لا بس ما اقدر تبيني اوصلج؟


سارة: لا حبيبتي انتي كملي محاضراتج , ابتسمت لها ريوم باستها وراحت سارة عند سيارتها


توها بطلع الرموت جان تشوف احمد جدامها وقف عند باب السيارة: سارة


انتبهت سارة عليه: وخــر


...: سمعيني بس ,, قلت لك وخر شتبي بعد


قرب بيمسكها جان اطقه بالكتب على يده مسك الكتب بيده: سارة حبيبتي


...: جب شتبي بعد اللي سويته لك عين تجابلني,, طلعت الرموت و فتحت السيارة


احمد مسك باب السيارة و نزل لعند ريلها: سارة صدقيني انا تعبان


تقاطعه وبضحكة استهززاء: هههه تعبان من شنو مني انا,, احسن يعلك


مشت بالسيارة لجدام وسكرت الباب عن احمد وساقت بجنون


بجنون حبها و عمرها الي ضاع وحب حياتها الي انتهى بفعل غبي من شخص حسبته بيوم عمرها و قلبها وبدلته مكان اهلها و دنيتها...



يتبع



الخميس، 13 أكتوبر، 2011

:(

لك مني...










هـم شفهمهم






بالحب أصلن !!






شفهمهم بالقلــوب؟؟






غير الجرح ماعرفوا يقدمون






وغير الكلام و الوعــود






وبالنهــاية أكبر خاين للحب ولي يطلعــون






مسكيــن يا قلبي






...






مابقول شفيها من زود عني بس شلي حلاها بعيونكـ






وشلي غير نظرتي بعيونكـ






انا كل يوم قاعده اعيش هالجرح كل يوم






صورها تمر جدام عيوني






مثل الكلام لي وصــار لها :(






تعبت والله تعبت






اذا تقرين كلامي عفية كلميني ارحمي حالي انا ميته صدقيني






اكابر بجرحي بضحكة ميته






عفية كلميني يرحمج اللي بالسما رحميني






...






اللي بعرفه بس شغله وحده






اهي تستاهل تهدم اللي بنيناه مع بعض؟!






تستاهل عشرة ست سنين؟؟






شفت لهفتي لما قلت لي امزح؟؟






شفتها






شفت شلون رديت ياهل بكلمة






آآآآآآآآآه وآآآآآآه و آآآه






شقول شقول






ربي يسامحك






يارب يارب شافي قلبي






تعبت من التفكير من الشك من الدنيا الوصخه






تعبت ودي بلمـــة قبر






كل القلوب الي بهالدنيا تخون






وكل البيوت فيها مشاكل






الا البيت الأخير






يارب اجعل حسناتي اكثر و قربي لك






ولبيت الأخير و لمت قبرك






قربني يارب

الثلاثاء، 4 أكتوبر، 2011

بيـــت الله

لك مني...


بســم الله الرحمن الرحيم



شلونكم عساكم بخير




ولهت على بلوقي و عالناس اللي قبل كانت اتابع بلوقي





اتمنى ان الكل بخير
...




بالفتــرة الي راحت كنت وايــد تعبانة نفسيا و كل شي





بس الحمد لله وألــف الحمد له





زرت بيت الله





والحمد لله رديــت بنقسية جديدة





بطاقة جديدة بفكر جديد





حمدلله ان شاء الله بكل شهر و لاشهرين راح اروح





___





الشي الي حز بخاطري وضايقة للحين عشانة





لما وصلنا بيت الله اول نظرة لي مابجيت و لا اقشعر بدني





كل اللي كان وياي كانوا يبجون الا انا





يمكن عشان ذنوبي كانت ماشاء الله




استغفر الله




بس الحين ودي ارد ابجي و الم بيت الله ودي اقعد هناكــ
وما ارد
راااحــــــة نفسية سبحان الله



بس ودي اقعد و اطالع الناس اطــوف وتدعي



video





حمدلله على كل شي



عند النبي



كانت دقات قلبي واضحة بطريقة مو صج


ولكــل نعمة الحمدلله

الاثنين، 26 سبتمبر، 2011

حرقت قلبي وعيت الدموع تطفي النار





لك مني...











تعبـــــــــــــــــــانة ياربي






ابي اموت وارتاح






كل شي توقعته الا هالشي






كنت بعيوني ملاك منزل ماتغلط ابد






شلون تقول لها بيبي ماي وايف قلبووو






وتقول لي اياه نفس الوقت تذكر






كنت اقول مو كلامك ادري مو كلامك






حبك غير صدقني






من سنة و اليوم من سنتين لهالدرجة انا ساذجه غبية






طعتني يا مهنا طعتني شلون هان عليك






بعيوني كنت كل الدنيا






كنت تقول لي ديري بالج عليي






ماظن اني قصرت






وانا قلت لك اياها ديربالك عليي بالفترة اللي راحت ...






من يدير باله عليي انا من يديرباله عليي






رخيصة انا عليك مهنا






حرقت قلبي يا مهنا حرقت قلبي






اضر الدنيا ولا اضرج زينب اضر نفسي الا انتي






مو هذا كلامك هذا ولا لا






نهايتها طعنة بالظهر وصور و عشرة






ماراح انسى مستحيل ماراح انسى






الا هاذي عذبتني فيها






ليتني مت و لا دريت






حياتي بتصير كلها شك بشك






ولا راح اوثق باحد هزيتتني






ماودي اسامح بس قلبي يحبك






مادري شلون بعيش مادري






بس اللي اكيد منه احبك اي






الله يساعد قلبي ويسامحك الله






....






ربي خذ امانتي






برتاح






الخميس، 15 سبتمبر، 2011

مصيـــر الليل ينتهي

لك مني...






النــــــــــاس بدى يــــــــومها الثاني



وانا للحين لســـى ليلي مــــــــا بدى



اعيــــش قصة حب مع شخص غالي



وكــــانه لــــحبي عــيى



حتى الورق بجــى من احــــوالي



وانت عيــنيك قست حتــى من النــظر ليى



شلــي غيرك حبيبي وش اللــي نفرك مني



وانا اللــي حسبت نفســي انا كونك



واليوم عفتنــي منه كلــه



بــاجر بعد سواد القلب تعود تدور عليه



مرد الليــل مهما طـــال سرمــده ينتهي



والصبح بــإذن الله مجبــل عليـه



الخميس، 8 سبتمبر، 2011

لقى من الغرام

لك مني...


تــواعدنا وعالحــب تقابلنــــا




ومــن لهفــة الأشــواق تســامرنـــا





ولـــسدل الظـــلام اول نجمــات الــــفراق





نســـأل باللقــى وبالحــــب قبل الــــوداع





ولـدرب المحبيـــن نغنــــي لللقــى أحلـــى كــلام





وبمــــرور الوقــــت والســـاعات صـــــار اللقــى ذكــرى بســم الغـــرام





ولجـــــت الرمـــــوش تحضـــــن بعضهـــــا





بتلمـــع بعيــني صورتك وبذكر الرحمــان و بنـــام




....




أحبــكـ

السبت، 3 سبتمبر، 2011

خجلان منك اشكي







لك مني...



كلي خجل و منك انا اشكي




وش حيليتي يا يبا و منك انا اشكي




وش كثر ذنبي عند ربي و انا عنك احجي




كلي خجل والله




هداني التعب و الهم ... ياكبر انا همي




بيتك يا يبا اللي اهوو بيتي ضاق فيني




عن هموم البيت اببتعد انا ودي




عيب انا عليي عليك ادعي




ولا علمتنا هذا ولا هو ديني و طبعي




ياربي انا بدعوة طلبتك و بدعي




حشى عليي ان قلت اخذا بعيد عني




ماني كافره و لا بشرك انا بربي




من بعدك يا حبيبي بكون اهوو ربي




ولكن دعوتي ياربي سببه ضيقتي




ضاقت عليي الهموم وهم بيتي




طلبتك ياربي خدني انا البعيد ولبيتي الأخير خذني




وكلي خجل اليوم منك انا اشكي





الأربعاء، 17 أغسطس، 2011

اكهل الدمع جفني




لك مني...












بدأت الهموم تكهل جفني الرقيقين





فعجزت نفسي امام اثقال التعب



فأصبحت استدير لمن هم حولي



واذرف القليل من دمعي



ويصحوا من نفسي صوت الإراده وتقبل القدر



فتهم يدي مكفكفة حرق الدموع



لعل عيني تقبل بمن كشف و مزق نعومة الجفن




فأيقنت لوهله لماذا اسميت بناعسة الهدب






وإن كثرت هموم الحيـــاة فجعل للبسمة طريق

الثلاثاء، 16 أغسطس، 2011

ذكريات المدرسة




لك مني...




وحدة من المسلسلات الي اتابعها برمضان اهيه




بنات الثنوية



حبيتها واتابعها

يمكن عشان تذكرني بنفسي ايام العدادية

والله ايااام كنت بمدرسة حليمة السعدية

وكنت من البنات اللي كل شي اهمه بالمدرسة

زهرات ونظام و اذاعة و كل شي

وكنانت شنو شطاااااانة ضاربة الألف

لا عاد ثاني سنة بثاني عدادي

كنت توني بداية الشطانة بداية الأندماج وي البنات كنا بنات ثاني ستة

اسم الصف يعني وكانت هبة الموبايلات بذاك الوقت

وانا كان عندي تلفون من خامس ابتدائي فكنت وحده مافوقي فوق

استاذه يعني

وكل يوم مودية تلفوني المدرسة و تفتيش وصايدينة عندي

مرتين انصدت والثالثه عاد مارجع لي التلفون تم بالمدرسة شهرين

عاد يعني بعدين تسنعت و كسرت خاطر المشرفة "الناظرة" استاذة كميلية الله يذكرها بالخير

على كثر زفاتها لنا الا انا نحبها ومرة من المرات من كثر حبنا للدراسة لعبنا معاها صيدية شلون؟!

انا اقول لكم شلون

الله يسلمكم ايام المتحانات النهائية كنا نتفق كل البنات الشياطين طبعا و نروح المدرسة سوالف و قرقه

الناس تدرس ببيوتهم و احنا نسولف و تلفونات و اغاني

عاد يات المشرفة تبي تلمنا تردنا البيت جان اهيه تقول تعالوا و احنا من الطابق الثاني نركض اهيه تيي و احنا نشرد

بعدين لقتنا بالحمام

ههههههه اول كلمة قالتها هلا هلا طالع من ياي الشطاااار

عاد بسنة ثالثة

فرقونه كل وحده بصف

بس بعد اندمجت وي بنات يدد

اجتماعية ما شاء الله عليي

خخخخخخخ

وصار يمي وحده كويتية "ريوم" مسكينة قالت لي تعالي قعدي يمي على اساس

اني هادئة و شاطرة ههههههه مسكينة علمناها الشطانة

طبعا احنا نظامنا غير الدرج تلاقي كل حب و بطاط و فيميتوو

تتخيلون ؟؟

شنسوي بعد اهمه يبيعونه بطول اليوم والشكلة حتى برمضان يبيعونه مادري ليش؟

وبسنة ثالثة بدت الشطانة الأصلية

كنا بين الحصص نروح ندور بالمدرسة كلها و بعدين نمر على صفوف الأولى ندق الباب و نشرد

وخصوصا بحصة العربي مالتهم نتفق معاهم متى حصة العربي مالتهم و نروح لهم ومرة من المرات

رحت بدق الباب و بشرد جان ينفتح قلبي طاح ابطني هني و طلعت عيوني برة جان طلعت وحده بنت بتروح الحمام ।

وقبل الدوام الصبح نتجمع بالملعب على دائرة كرة السلة في الوسط ونغني و سوالف

وضحك

والله ايام ماتنسي وحشوني البنات

بنات ثاني ستة و بنات ثالث واحد

....

عاد صج كنا شياطييين بس من دون قلة ادب

بهاذي المرحلة تتكون او تكتمل شخصية كل بنت

بس حمد لله عدت عليي بخير والحمد لله


الجمعة، 29 يوليو، 2011

عــالم البرزخ

لك مني...


سلام


جمعة مباركــة عليكم جميعا


.....


عالم البرزخ


لمحدث الثقة


((الشيخ عباس القمي))


واحد من الكتب الي منشغله حاليا بقرائته


هالكتااب حلو يتكلم عن الموت و الحياة بعد الموت


اسلوب الكاتب جدا راقي و يجذب


تحس الكلمات مختارة بعناية وبإسلوب فيه من الجمالية من الناحية الحسيه و المعنوية


,,,


مضمون الكتاب




أن شلون كل مسلم عليه يزداد لسفره




"حمل الزاد للرحيل من الدنيا لدار الآخرة"



الواحد لما بسافر من بلده الى بلده يحمل معاه المتاع و الزاد الي يكفيه



شلون لو بسافر للآخرة فلازم يحمل معاه ما يكفيه من زاد




"استعد لسفرك وحصل زادك قبل حلول أجلك"




....


وحده من الروايات الموجوده بالكتاب


والي عجبتني و استفدت منها


وبمــا ان اليوم الجمعة خالأذكره لكم


وانتوا تأملوا فيها و حكموا بإمعان


طبعا الأساطير تجلب الى الجفون النعاس أما اسطورتي فعجيبة تزيل النوم والنعاس عن العيون و الأبصار





ذكر صحابي عن الرسول الأعظم (ص) أنه قال: ابعثوا بهداياكم الى موتاكم,




فسئل عن هدايا الموتى, فقال: " الصدقة و الدعاء"، ثم قال: تأتي أرواح الموتى في كل جمعة الى سماء الدنيا،




امام البيوت وتنادي بحزن، مجهشة بالبكاء، اهلها وأبنائها و أصحابها و تطلب العون و الرحمة:




ارحمونــا رحمكم الله، بما كان لدينا فقد استمتع به غيرنا و علينا حسابها و جوازها،




ترحموا علينا بدرهم أو رغيف أو كساء فيكسوهم ربكم بكساء الجنة" ।




تخيل وياي من كان عزيز عندك بالدنيا ومن حطتك و شالتك و ربتك على ايدها



تتوسل و وتصيح تطلب دعاء تطلب، تطلب صدقه بأسمها




حتى لو برغيف خبز و لا درهم




تخيل هالدرهم الي بتتصدق فيه و لا هالدينار اوهوو الي بيمسح دموع عزيزك



واوهو الي بوسع علىهم وقت الشدة।




نكمل




ثم بكى الرسول (ص) بكاءا شديدا منعه من التكلم


النبي (ص) يبكي





وبكينا معه لبكاءة


ثم قال عليه الصلاة و السلام: هؤلاء اخوانكم في الدين تحولوا بعد تنعمهم في الدنيا الى تراب




ويصرخون من العذاب ويقولون: لــو انفقنا مما كان في ايدينا في رضى الخلق، لما احتجنا اليكم، ثم يعودون بالحسرة والندم، صارخين ينادوون و يناجون: ارسلوا بصدقاتكم إلينا مسرعين।





تأملوا وتصوروا بكاء النبي (ص)




يبكي على حال اخوننا المسلمين من هول المناجاة




____




اتمنى اتعضتوا من الرواية وكل شخص فقد عزيز على روحه يسرع ولو بالدعاء له


فلعلك ادخلته بدعاءك الجنة


ووسعت عليه شدته



يعطيكم العافية


الثلاثاء، 26 يوليو، 2011

ربي.. اشغلني بذكركــ

لك مني...

أعددت لكل هول لا إله إلا الله
ولكل هم و غم ماشاء الله
ولكل نعمة الحمد لله
ولكل رخاء الشكر لله
ولكل اعجوبة سبحان الله
ولكل ذنب استغفر الله
ولكل معصية إنا لله وإنا اليه راجعون
ولكل ضيق حسبي الله
ولكل قضاء و قدر توكلت على الله
ولكل عدو اعتصمت بالله
ولكل طاعة و معصية لا حول و لا قوة إلا بالله العلي العظيم

الأربعاء، 20 يوليو، 2011

الحمدلله

لك مني...









الحمدلله لك ياربي



الحمدلله على نعمك عليي



والحمدلله على استجابتك لداعي يا حبيبي يا ربي



دام دعائي يستجاب معناتها الله يحبني اذا شاء



احس قلبي نظيييف ابيض بالليلة



قبل شوي الدموووع غسلته



والحمد لله على كل النعمة و الراحة الي انا فيها



....






مثل ما قلت قبل شوي كنت متضايقة و مكتأبة



حبيبي و زوجي اليوم دوامه بالليل



وبسبب الظروف اليوم ما كلمته و لا شفته



وبالفترة الي عدت صرت وايد من يفارقني يحوشني تعب و دورة راس



من اقول له : بوهاني حبيبي كل منك احاتيك



...: وين كل مني مو كلام هذا



صح و لا لا يالكريــــة






طبعا الي مايعرف ابو هاني



ابو هاني شقووول عنه حبيبي.. زوجي.. دنيتي... كوني..



عيوني المركبه.. قلبي الي ينبض بسمه..



بختصاار اهو شي انا من دوونه صفر!!






كبرت معاه و معاه تعلمت كل شي



ههههه قبل كنت انام و اوهووو يقعد يدرس ولما يطلع صووت



يقول لي قعدتج؟؟



ارد و اسوي روحي مصحصحه و لا جني كنت نايمة: قاعده عشانك حبيبي قاعده عشانك






ومرات وايد يكلمني و انا نايمة ويضحك عليي..



عندي عادة من وانا صغيرة اذا احلم اسولف و انا نايمة



يعني لما اكون مندمجة بالحلم اسولف و طبعا الحلو يستغل الموقف و يكمل معاي






بو هاني اوهوووو بطل كل قصصي بالحياة



الي متابع بلوقي بعرف هالشي



...






كنت ابجي خايفة يصير فيني شي و اروح من هالدنيا و انا ما شبعت منه



ماشبعت منك يالغالي صدقني



اليوم قلت لك مشكور على كل شي و مشكور لأنك يمي



قلت..: ياحمارة لا تقولين جذي



بس هم مشكووور على كل شي



الي قاعد تسويه مو مشوية



خصوصا بالظروف الي انت فيها و هم ماتخليني



....



احمد ربي و اشكرة عليك



وعلى قلبك الأبيض الي يخاف عليي من هبة الهوا و من نفسي بعد






أحبك بو هاني



وعساااااكــ لهلك و لي ذخر



قوووووووووولوا



آميـــــــــــــــــــــــــن

الثلاثاء، 12 يوليو، 2011

:(((

لك مني...


واصبر و اقول ترجع

واصبر و اقول تصحى

ولكن هانت عليك العشرة

6 سنين تبيعها لجل صاحب سو

6 سنين يالظالم تنهيها لجل ابرة و شمة

6سنين هانت وتسميها نزوة

6 سنين حبيتك عمري معاك

شسوي قوووول انطق شسوي؟؟

وين اروح قووول.......؟؟

غربة من دووووووووونك

تقطعني العبرة

لو تامر انت بس لو تامر لو ترمش بعيونك

يا ولد الناس بدمع عيوني انظفك

حبيتك حبيت اهلك امك خوانك

يعز عليي فقدتهم

وبالنهاية سامحيني حبيبي

شسامح شسامح


الاثنين، 4 يوليو، 2011



لك مني...


تفقد ساحة الفنانين البحرينية الفنان




على بحر




"صاحب الصوت البحري المميز"

"أميـــرالحزن"


فنان قمة من التواضع




فنان بكت العيون على شجن صوته ... ترحل يا اغلى الناس




وبالأمس تبكي العيون عليك يا علي بحر




ألف رحمة عليك...




مايحز بالخاطر ان الفنان للتو قد انتهي من تسجيل آخر البوم له شوق وذكرى و ألم :((




ولكن من المرض ما قدر حتى يسمعه حتى




الله يرحمك يارب يــا ولد المحرق




تبكيــكـ البحرين اليوم

السبت، 25 يونيو، 2011

الله يرحمك يالعزيز برحمته




لك مني...


شهر ياعمي شهر




وجني اليوم اسمع الخبر




شهر يا عمي وجنه اليوم يوصلني الخبر




شهر يالمرحوم واهل بيتك احزان




شهر واشوف الدمع والقهر بعيون العيال




شهر يالمرحوم وريحتك بالدار




شهر يالغالي والحرقة والقهر مافارقت الحباب




مرحوم ياعمي لو تعدي سنين و قرون و اعوام




الله يرحمك برحمته ياولد الطبيخ


ويدخلك فسيح الجنات


ربي اجعل التربة تكون بردا و سلاما عليه


يارب اغفر له ذنوبه و خطاياه فأنت غني عنها


وضاعف له حسناته يارب


يارحيم احشره مع الأئمة و المرسلين


يارب




الاثنين، 20 يونيو، 2011

حب للجنـــة ام للنـــــار

لك مني...



إن كنت لا تعلم




فعلم يا حبيبي




حبي لك قاتل و جنوني




ومهما احترقت من حرارة القبلات




فعلم ان العشق و الهوا برد




بمقارنته بحرارة جهنم




فزد من حسناتك حبيبي




لنلتقي و نكتب لبعض في الجنة

الأحد، 5 يونيو، 2011

أحبك حبيبي مهنا

لك مني...






ترد من الدوام



وبالولــه عيوني تستقبلك



اطير لحضنك طفل مشتاق



وامه بفرح تبوسه و تدللــــــه



ينطق لساني ... يعطيك العافية حبيبي



تبتسم ببتسامه على شفايفك تنرسم



وتشبك ايدي في يدكـــ



احااول اخطف ريحة ايدينك وابوسها



وهمس بذنك أحبك حبيبي مهنا



والصدى بقلبي يتكرر أحبك حبيبي مهنا



أحبــــكـ حبيـــــبي مهنـــــــــا

الأربعاء، 18 مايو، 2011

مهنا

لك مني...







القلب بيتك ومحد يسكنه غيرك



لا تقيس حبك بفعالي ترا ماني نبي معصوم استغفر الله



ادري والله كثرت زلاتي وزاد جرحي بقلبك و ايااا كبره



يا مهنا يا ولد قلبي ياالي شانك على بقلبي



قلبي مايسكنه غيرك ابد و الله



والعين لو تدمع ما تدمع الا على الغالي وماعندي غيرك يا مهنا يا ولد هاني



ولوو لساني بينطق ما يقول الا مهنا احبك


احبك انا و الله