الاثنين، 31 مارس، 2008

لنا موعد يا حبيبي


انا اليوم يا حبيبي وحيده

اتذكر تلك الأيام الجميلة

بين الطرق الفسيحة

اسير باحثة عنك

لعلي القى الحبل الي يوصلني اليك

يا حبيبي ... يا حبيبي

هل انت تبحث عني؟؟

من اجل ان تلقاني

يا حبيبي لا تبحث عني

لعلي القاك هناك في نهاية تلك الممرات الطويلة

التي كنت تبحث فيها عني

((جدتي كانت تقول لي ذلك بأني سوف القاك من جديد))

لنا موعد يا حبيبي

**اوعدك يا مهنا لما القاك ما اخليك**

الجمعة، 14 مارس، 2008

ليلة الأحد



اهداء الى اول ناس تقره اول قصة لي

يكسر الهدؤ صوته حبيبتي شرايج امشج لك شعرج امد له المشط وارسم له احلى ابتسامه اطالعه من المنظره شلون يمشط شعري جنه قاعد بغرفة عمليات اضحك عليه من قلب طالعني بنص عين: شله بالله تضحكين
انا : لا بس شكلك يضحك
مهنا: لا والله عيل مشطي شعرج بروحج مسكي مشطج ياخذ المشط معاه و يروح يقعد عالسريراروح له اقول له: مهنا حبيبيي
رد عليي: عيوني انتي ادري فيج يايه تراضيني خو ماتقدرين على زعلي
انا: مهنا ابي مشطي يسكت عني ولا يرد اكرر مهناااااا ابي مشطي
مهنا:هاج عبالي يايه تراضيني همج شعرج و لبسج اسحب المشط من ايدينه وفتر من عنده امشي خطوتين جدام وارد افتر له و اروح ألمه
انا: من لي غيرك انا يعني اتغشمر معاك لا
مهنا: وخري عني وخري عني مو خذيتي مشطج شتبين بعد
انا: ابيك يالغالي تنور سماي وابوسه في كل ويه واقعد على ريله يعني انا اذا اتعدل عشان منو مو عشانك واهوه يوخر ويه عني
مهنا: خلاص خلاص رضيت رضيت بسج بوس فيني
انا: لا لا لازم اتأكد
مهنا: خلاص قومي فتحي التلفزيون وتعالي يمي عالسرير خلنا نشوف شي اقوم افتح التلفزيون و ايقول لي عفيه عفيه عالبنوتات الشاطرين انا احب جذي البنيه الي تهتم بريلها ، ابتسم له ابتسامه كله خبث افتح التلفزيون واحط على الراي و ادري ان الليله سيرة الحب و ادري ان اهوه يكره هالبرنامج وما يحبني اشوفه
مهنا: شنو هذا بدلي بدلي خل نشوف فلم اكشن وايد ابرك
انا: حبيبي عشاني انا زنوب حبيبتك عشاني خل نشوفه اليله
مهنا: ياعمري عشانج كل شي يهون بس انا ما استحمل اشوف هالبرنامج ولا ابيج تشوفينه احس فوزيه الدريع تشوش الحريم
انا : بلعكس... يقطع كلامي
مهنا: شنو من متى اطالعينه من وراي ها
انا: لا بس اسمع ريفيجاتي بالدوام كل يدقون عليه ومايلاقون الخط يعني انا اقل اذا جذي اكيد مواضيعه زينه وابتسم ابتسامه برائه :)
مهنا: مالنا شغل سكري هالتلفزيون و تعالي بلمج و بنرقد اروح لعنده ركض يقول لي طالعيه باجر بالأعاده عالغده انا معاج بس الحين ما اقدر اصبر عليج احبج زنوووب
انا:اعشقك مهنااااااوي

السبت، 8 مارس، 2008

ان شاء الله بدايته مسك

بسم الله الرحمن الرحيم
الحمد الله
واخيرا بعد سنة كامله من قراءة المدونات
سويت لي بلوق خاص فيني
ان شاء الله اكون خفيفة عليكم
ما اطول عليكم عاد باجر عندي اختبار ...لوول
باي