الأحد، 21 يونيو 2015

مبارك عليكم الشهر

لك مني...

مريت.. ولقيت للحين في ناس قاعدة تدخل البلوق لغاية اليوم
استانست بس هم بنفس الوقت ضاق خلقي.. البلوق هذا كان بأحلى ايام حياتي
أيام جميلة حلوة نظيفة!! شلون نظيفة  يعني بزمن كانت اغلب الأشياء ممنوعة أو خنقول ما كان كل شي متوفر
يعني عكس الحين كل شي بيدنا نبي نطلع نروح مجمع سينما نسافر بأي وقت.. لما توفر الشي زهقنا و ملينه.. تدرون مرات احس ان ليت للحين امي و ابوي مايخلوني اطلع الا لما استأذن قبلها بخمس أيام ليت للحين أبوي يوصلني و يردني المكان اللي ابيه ليت يرد الزمن اللي ابوي يوديني فيه المستشفى وقبل ما ننزل من السيارة يجفس "يطوي" لي الكلينكس.. مو عشان شي بس عشان فقدت الأيام الحلوة البسيطة فقدت حب أهلي وخوفهم عليي لما كنت صغيرة و يمكن فقدت نفسي!!
مرات اشتاق لقعدات البيت اشتاق اقعد بفراشي و اقلب بالمحطات بالتلفزيون اشتاق لنجرتي مع اخواني عالكبيوتر الكبير بو دبه الأبيض اذكر كنا بالدور نقعد عليه.. سبحان الله الحين كل شي متوفر بس مافي وناسة مافي متعة بالشي..

رمضان هالسنة غير كنت انتظره بشوق
واستانست لما يه حيل جنه فرحتنا قبل بيوم الأربعاء و يمكن اكثر
الحياة ماتغيرت الروتين تغير ونفوس البشر تغيرت
اذكر قبل كنا ننطر أبوي عند المدرسة انا و خواتي اهو ايي ياخذنا كل يوم يودينا المدرسة الصبح و ايي ياخذنا الظهر و اندق عليه
لما يتأخر من المشرفة.. شكثر كانت حلوة النطرة و الأيام.
الحين اصغر خواتي تخرجت و باجي بس الجعدة تخرج من عدادي بمعدل ما شاء الله 94 والسنة الجاية ثنوي ربي يوفقه و بعدها يدرس بره مثل حسين أخوي.. على طاري حسين أخوي تاريخ 1-7 برد البحرين توه خلص اول سنة من بره متخصص هندسة :)

ربي يوفقهم كلهم و يوفقكم و ربي يعطينا أيام حلوة تفرح قلوبنا
ربي اغفر لي ذنوبي ذنوبي كبيرة ربي اغفرها لي بأيامك الفضيلة

مبارك عليك الشهر واذكروني بدعوة


الثلاثاء، 4 فبراير 2014

محطمة

محطمة بكل ما تحمله هالكلمة من معنى...
ابي استانس اضحك من قلب.. اضحك اضخك اضحك انفجر ضحك ابجي ضحك.. اموت ضحك..
تعبانة حيل .. تعبانة موت.. ايامي تشبه بعضها..تعبت حيل..

الأحد، 26 يناير 2014

اكرهك

اكرهك واكره اليوم اللي عرفتك فيه واكره قلبي و ايامي وسنيني معاك

الأربعاء، 15 يناير 2014

الاربعاء

واخيرا بكرا الخميس. .
يوم متعب اليوم...ما اصدق انام و افتح عيوني و يصير الخميس ..

تصبحون على حياة سعيدة بقرب ارواح نقية

الثلاثاء، 14 يناير 2014

Perfect day

سلاااااام
اليوم كان بيرفكت من بدايته لحد ماني قاعده اكتب هالحرف...
قعدت الصبح من وقت رياضة سباحة البس اتريق اركب سيارتي اسمع الراديو بحرين اف ام صباحكم رايق .. اوصل من وقت ابركن و انزل الدوام حتى قبل ما يبدي الدوام..
انجاز استمتاع فرج فرح..

ربي نقي نفسي وقلبي من الذنوب ربي اغنني عن حرامك..
ربي ثبت نفسي على مايرضيك..
ربي علقني بك حبيبي ربي قوي نفسي على طاعتك

احبكم في الله

الاثنين، 13 يناير 2014

ليش سببت الفراق

ليش ضيعت الوفى.. ليش غيبت الامل.. ليش سببت الفراق..ليش طفيت الشموع..ليش ترحل يا حبيبي دون سبة او زعل..
صارت احلامي سراب،، صارت ايامي دموع..
وين عهدك وين حبك وين ايام الغزل وين راحت تضحياتك وين تذريف الدموع
يوم بانت الحقيقة راح ذاب حبك و ارتحل
ما اظن انوي الرجوع ما اظن انوي الرجوع
رحت لقيت انسان غيري حب و احلى من العسل
رد لي طعم الحياة من سكن بين الضلوع
انا نايم متهني وانت في قلبك ملل
تكسر الخاطر بدوني دنيتك صارت دموع
الكلامي اللي بقوله صار كله للبدل..
ما اظن قلبي بيرجع ما اظن انوي الرجوع..
ليش ....
ااخ عليك يا عبد العزيز الضويحي.. صوتك ابداع
____________

اليوم طبعا كان اجازة..
اهم مافي يوم قعدت من الصبح عال 6 بس طبعا ل8 بالفراش بعدين قررت اروح عند الكماجي في المنامة عند بيت عودووه.. قبل لا الناس تصحى وتصير زحمة..
وشوي شوي الوقت بدى يمر ساعة تسبقها الدقايق و الثواني لحد ما صار هالوقت وكنت معلقة على هالغنية..
_____________

ربي ثبتني روحي و قلبي نظري و عيني على طاعتك..
ربي عوضني خيرا و اصلح شأني..

تصبحون على يوم جديد.. حب و احلى من العسل ♡

ليش سببت الفراق

ليش ضيعت الوفى.. ليش غيبت الامل.. ليش سببت الفراق..ليش طفيت الشموع..ليش ترحل يا حبيبي دون سبة او زعل..
صارت احلامي سراب،، صارت ايامي دموع..
وين عهدك وين حبك وين ايام الغزل وين راحت تضحياتك وين تذريف الدموع
يوم بانت الحقيقة راح ذاب حبك و ارتحل
ما اظن انوي الرجوع ما اظن انوي الرجوع
رحت لقيت انسان غيري حب و احلى من العسل
رد لي طعم الحياة من سكن بين الضلوع
انا نايم متهني وانت في قلبك ملل
تكسر الخاطر بدوني دنيتك صارت دموع
الكلامي اللي بقوله صار كله للبدل..
ما اظن قلبي بيرجع ما اظن انوي الرجوع..
ليش ....
ااخ عليك يا عبد العزيز الضويحي.. صوتك ابداع
____________

اليوم طبعا كان اجازة..
اهم مافي يوم قعدت من الصبح عال 6 بس طبعا ل8 بالفراش بعدين قررت اروح عند الكماجي في المنامة عند بيت عودووه.. قبل لا الناس تصحى وتصير زحمة..
وشوي شوي الوقت بدى يمر ساعة تسبقها الدقايق و الثواني لحد ما صار هالوقت وكنت معلقة على هالغنية..
_____________

ربي ثبتني روحي و قلبي نظري و عيني على طاعتك..
ربي عوضني خيرا و اصلح شأني..

تصبحون على يوم جديد.. حب و احلى من العسل ♡

الأحد، 12 يناير 2014

First day

هلوووو..
اليوو كان بدايته قعدة من النووم متأخر ..تعرف شعور لما السرير يلزق فيك والفراش يحضنك لا تقوم.. بالضبط جذي..
بس قاومت و جاهدت و قمت..
طبعا بسرعة بسرعة بس دائما ما انسى وجبة فطووري الاهم والاحسن على طول.. ومن حسن حظي توفقت في البارك من دون ما الف ولا ادور.. اليوم شوي لوية بالنسبة لي رجعت طالبة تحمل دفتر و قلم فلازم ما انسى دفتري واكلي بيدي والشنطة و التلفون و مفتاحين واحد عشان ابطل الباب والثاني مال السيارة..
بس بفضل الله "ربي لك الحمد"وصلت الدوام عالوقت..
اشتغلت اليوم عالفلنتيان وجم شغلانه يعني بس هالأشيا طلعت عيوني برا وصارت 5 ونص وخلصت الدوام وبسرعه الم اغراضي واطير للسيارة عشان الحق موعد محاضرتي الشي اللي يضحك اني ضيعت المكان مو جني امس من الصبح جاية و مدورتنه المهم خلصت المحاضرة و عيوني توفت لان طول اليوم عيوني عالشاشة كرهت نفسي وخلاص اقتنعت بشي اسمه نظارة حماية بس والله جد بلبسها.. وصلت البيت سبحت صليت وكاني حاليا انسداح تايم اكتب و الشاشة مخفصة الاضاءة على اخر حد رأفة بعيوني..
واشوفكم على خير..

اخر شخص تكلمه باليوم هو الشخص اللي يصنع يومك هو الشخص اللي يستحق الشكر ويستاهل كل دقيقة من عمرك..

أحبكم كلكم .. تصبحون على حب و سعادة و بكرا اجازة اقضوها بحب و تفاؤل بعيدا عن شي اسمه خمول و كسل.. سامعتني روحي..
سلام

السبت، 11 يناير 2014

بداية جديدة

حوالي سنة تقريبا تبعثرت حياتي بلمح البصر..
كنت احاول اسند روحي واوقف من جديد بس كل شي يتهدم..
رغم كل شي لك الحمد ربي على ناس راحت من حياتي وناس دشت بحياتي وعسى وجودها صلاح بروحي..
حاليا رديت ادرس من جديد.. عسى ربي يوفقني بيبدي مشوار الدراسة و كتب و مذاكره و امتحانات بس هالمرة شي انا احبه شي انا ابيه شي بفيدني وشي بختياري جدمت عليه..
ربي وفقني واشرح صدري..
برد اكتب ببلوقي كل يوم كل شي يصيدني بكل يوم احباط فرح دموع نجاح تفاؤل و حلم..
بختصار حياتي بتكون مكتوبة في سطور بلوقي..

في انسان حاب وانا حابه يدش حياتي بس شوي شوي بعقل وركازة بعيد عن الطيش والجنون. .

ربي توفيقك

الجمعة، 1 نوفمبر 2013

غريبة شلون

غريبة الدنيا وشلون..
من كان يسعدك بيوم..
صار هو سبب بدموع عينك..
وشلون تغير الزمن..
وافترقت قلوب سكنت بعضها..
شلون دارت الدنيا..
وصار عزيزك ماينطق السلام..
غريبة الدنيا الغالي امس..
بالرخص بين هوى القلوب بالسوق انباع..
غريبة شلون..