الثلاثاء، 22 ديسمبر 2009

I have to been tagged

I was tagged by sun shine (( fyonkat)) thanx dear
اسم المدونة:
بحرينية قدساوية
اسمي:
زينب
احب الألوان؟ الأيام؟ الأرقام؟
اسود, اصفر
الخميس
7
برجك وتاريخ ميلادك؟
الثور
1991-5-16
اهم مميزاتك؟ واهم عيوبك ؟ ماهي الصفة الي تتوفر فيك؟
مميزاتي: جدية وقت الجد و متفائلة
عيوبي: عنيدة عصبية ومترددة
الصفة الي اتمناها: الحلم عند الغضب
ماهو مكانك المفضل ؟
البحر و غرفتي
شنو هوايتك المفضلة؟
مشاهدة التلفاز و تصفح النت
ما المقولة الي تؤمن بها؟
يوم لك و يوم عليك
اجمل هدية قدمت اليك من مين؟
من شخص عزيز عليي
اسعد يوم في حياتك و اتعس يوم؟
كل ايامي سعيدة حتى ولو مرت بها ثغرات لا بد منها
موقف طريف لا ينسى من ذاكرتك؟
مرة طلعنا من المدرسة وقعدنا نقز حولين المدرسة
و كان في بيت في جلب وتحرشنا فيه و قعد ينبح عليينه و نط من فوق السور ولحق ورانا
واحنا قعدنا نركض P:
معاك ثلاث وردات لمن تهديهم؟
امي و ابوي
واسرتي مستقبلا
معاك ثلاث رصاصات لمن تطلقهم ؟
لثلاثة يتمنون يطلقون عليي الرصاص
مارأيك بالحب و لمن تقول كلمة حب ؟
الحب احساس جميل يخليك تستانس بالجو
لكل حبايب قلبي
المرأة في نظر الرجل ... كمل ؟
نصف المجتمع
الرجل في نظر المرأة...الأمان...كمل ؟
والأستقرار
ماهو اسعد خبر سمعته لهذا العام واتعس خبر ؟
اسعد خبر وايد اشياء اسعدتني بهالسنة
اتعس خبر حمد الله ماكو خبر تعيس مر عليي
لمن تهدى التاج؟
being one
fishah
شاي الضحى
mercii


الأربعاء، 9 ديسمبر 2009

photography assignment

heeeeyz all
3eedcom mubarak
oo 3sacom mn 3wada
i know its very late
but i miss u all
i was little bit busy on my assignments specially the photography one
its talks about human values
and we have to choose one
so i decided to choose
the national
then i started taking pictures
and these was the end of the work
.
.
.















































































i hope u like the my pictures
0
0
sorry for
CHay el'97a also ROro
i saw ur comment but there was a problem with the photo
thanx sweeties

الأحد، 8 نوفمبر 2009

ليش انا مو انا؟؟!!


لك مني...




ابي ابجي ابي حضن دافي يلمني

تعبت و كل التعب هدني

مخنوقة والعبره تقتلني

ليش الدنيا جذي غدارة

ليش الواحد منا يتألم وليش الواحد منا يتمنى مرات يموت يتمنى ان ما انخلق في في هالدنيا

ليش احنا بأيدنا نسوي خطايانا

ليش الصبر يعذبنا والأنتظار يقتلنا

ليش عيونا ضيقة عالناس وحتى لو الفرحه ترتسم على ويهنا

ليش الي نحبهم يروحون

والي نبي قربهم تفترق عنهم

ليش القراب منهم مايفهمونها و ينتظرون بعادنا عنهم

ليش البسمة على ويهنا و الدمعة بعيونا

..

ليش ماعدت احس بالسعادة

ليش صلاتي ماتنقبل ليش هذا احساسي

اللي حوالني يقولون قلبي نظيف

ليش اللي بقلبي ما يبان عليي

اداري غيري و الغير مومهتم فيني

لمتى بعطي والله اعلم متى باخذ

بقلبي كلام و هموم لمتى ما بطلعه

لمتى بظل الكتومة متى بطلع الي بداخلي

وليش انعزل ليش كل بوحدتي

لمتى بسكت

متى بقول


ليش انا مو انا

حبيبي

لك مني...

ايقضتني انفاسه الدافئة وهمساته المتقطعة ...

واذا بطفل يختبأ خلف جثة رجل طفل في قمة حالاته الوردية الرومنسية

طفل تبكي شفاته عطشا...

رغم حزني وغضبي تجاه الرجل طفلي استقبلته بحضن دافئ وباذرته تعطشه, حاول ابعاد جسده والتوقف عن ثورته

محولا محاسبة نفسه وتعذيبــها , الا انني احتضنته بحب و حرارة ممــا جــعلته يتــرك ثقل الــدنيا وهمـها من كتفيـه ويلقـي بهــا على جســدي فقد اكتفيــت بتعذيبه لنفسـه ومعـــاقبته لــها ولم اترك عيناه تغمض من دون اية قبــلات وحنــان ..

السبت، 24 أكتوبر 2009

الله يرحم الجميع برحمته الواسعه


لك مني...



هلا بلوقرز شلونكم عساكم بخير واحشيني وايد والله


الواحد صاير مايحس بالأيام تمر بسرعه


حدي مشتاقة للتدوين ومشتاقة اخربش على صفحات مدونتي بحرينية قدساوية


من بديت دراسة احس روحي هملت اشياء وايد


هملت الناس الي يحبوني و حتى هملت نفسي


مرات الدنيا تاخذنا من الناس الي نحبهم بس من الي يتحكم بمصير دنيتنا غيرنا احنا


على طاري الدنيا قبل جم يوم كتبت بوست عن ريفيجتي توفى خطيبها ثاني يوم العيد بطريقة بشعة


لكن للأسف ما صار نصيب انشره مره وحده امسح مادري شلون


راح احاول اكتب سالفتها على هيئة قصة وانقل لكم كل الأحاسيس الي عشتها لما كتبت البوست


.

.

لكم

.

.


شيوم: هلا هلا فطيم

فطوم: هلوات حبيبتي وينج متى بتشرفين تستقبلين الغالي

شيوم: يلا شوي وايي و انا بآخر كشختي

فاطمة : اي من قدج الغالي برد اليوم

شيماء: اي حبيبتي ليش محتره يلايلا سكري و تعالي كا وصلت بيتكم


تدخل شيماء بيت عمها وتستقبلها عمتها ( خالتها ام خطيبها) الي كانت قاعده بالليوان (حوش البيت)

ام عبد الله : هلا بالورد كله يابنيتي حياج حياج حياج

تروح شيوم تبوس راس عمتها و ترد عليها السلام وتنزل فطوم وتلم مرة اخوها: وــي عشتووو شيوم قاعده مكاني بحضن امي ما اقدر وينك يا عبود تشوف

ام عبد الله تضحك على شطانته بنتها: يوزي عاد عن البنية


شيماء كانت رايحه بيت عمها تستقبل خطيبها هناك الي كان برد من سفرة سريعه, كانت وايد فرحانه و كاشخه احلى كشخه بتستقبل حب حياتها وصدمة بتنهي حياتها..

تظن ان
عالظهر الكل وصل بيت بوعبدالله من اهل وحبايب عشان يستقبلون عبدالله الكل كان مستانس و شيماء ادق على عبدالله بس ابد مايرد كانت تظن ان عبدالله يبي يشوقها له ويتغلى عليها حقرته و قامت اتصلي الظهر خلصت صلاة ربها و قعدت اطالع تلفونها و لا عبدالله داق حدها استانست : تستاهل ماني راده عليك

ورد قلب وويه شيوم مثل الورد المتفتح وطلعت من دار عبدالله و راحت الصالة .. وهني استقبلت الطامة الكبرى استقبلت خبر حبيبها الي كان مسافر اسقبلت قلبها استقبلت وجوه ناس تبجي وجوه ناس مقهورة استقبلت قلب ميت و جسد مجفن جسد مجفن بقماش ابيض سمعت ناس تنوح و تصرخ من قمة راسها انصدمت بويه ام مقهورة تضرب على راسها عشان ولدها شمعة شباب و انطفت

استقبلت نواح ام بدل يباب عرس..

من زود الصدمة تيبست و عيونها مادمعت ماصدقت الي صاير و طاحت مكانها تضحك ضحك لحقه صراخ قلب محروق

ولحقة حلاو ام عبدالله وزعته بزفة ولدها اقصد بجنازة ولدها وحيدها (( كللو حلاو ولدي حلاو عرسه )) تنفر و تقطط عالأوادم حزن و دموع فراق ضناها حبيها وقطعه من قلبها و لحمها ..


عالمغرب الخبر انتشر بكل داعوس من دواعيس المحرق و الكل كان ياي يعزي, ويموت قلبه من شكل شيماء و ام عبدالله الأوادم الي كانوا يايين يعزون ويخلفون مايتجرؤن و يواسون قلوبهم لأن ام عبد الله كانت تنهار و يا تطرد الناس برا و لا تضحك و توزع حلاو

شيماء قفلت دار عبدالله عليها و كسرت كل شي بغرفته اتلملت على روحها فوق سريره قعدت تبجي تبجي قدر شوه صورة الحياة بعيونها وهمش بقايا حياتها.. طول الليل وعبدالله ابالها تشم ريحة ثيابه وتذكر حلم بدى انه ينولد على شاشه الحياة ..


اليوم الثاني وصلة جثة عبدالله البحرين الي كانت بسيارة بأحد شوارع دبي للرده كان مخنوق بثاني اكسيد الكربون ماقدر يقاوم النوم نومة سلبته حياتها كان نايم بالسيارة و مسكر الدرايش و الأيسي (الوحدة) يشتغل والله اخذ امانته وارتفعت للسما..

وصلت الجثة وسيدة على المقبره يغسلونها الكل كان رافض ان شيماء تروح المغسلة وتشوف حبيبها اخر مره الا ابوها قال لازم تروح و تشوفه عالأقل لآخر مره (( هاذي اخر مره تشوفه خالتودعه )) وراحت شيماء المقبره الي اول ماتفتح باب المغيسل ماتت الف مره وحية بكل لحظة كانت تبي تسوي اي شي بذيك اللحظة عشان بس يرجع شافت شريط ذكرياتها و احلامه معاه لما كانوا يقلبونه ويغسلونه بجت دم ولول كان بيدها الموت جان ماتت معاه و اندفنت معاه بقبر واحد ماقدرت الا اطالعه من اقرب مكان مافي رياييل ماقدرت الا تمرر يدها على سواد شعره الي صار سواد حياتها يزيده بآلاف المرات وصار وحلت لحظة الوداع الأبدية الي مابعدها شوفه بعد الا عند الله سبحانه, طاحت على الأرض تبجي وتبجي تشوف حبيبها يرفعونه وبالأرض يحطونه وبالرمل بيرمونه قعدت تبجي وتبجي وشوي شوي تزيد المسافه بينهم لحد ما لطخ التراب ويه وانحطت صخره على قبره وقبرها الفرق الوحيد ان اهو ميت عند ربه و اهي ميته بالدنيا ..

صارت الناس شوي شوي تروح و اهي قاعده تبجي ابوها ما جبرها تقوم وتروح راحت عند القبر وباست التراب ابوها عز عليه يشوف بنته تتعذب حملوها و رجعوها مثل الجثة كانت تبجي من زود الجرح الي جرح قلبها والي زيد وجعها عمتها ام خطيبها تناديها: تعالي اكلي من غذا عرسج تعالي....


الله يرحمه و يغمد روحه الجنه و يرحمه برحته يارب



الريال مات و ان شاء الله مرتاح برحمة ربه ريفيجتي صعب عليها تنسى او تتناسه الي كان

الحزن اشوفه بعيونها كل يوم اشوفها وتتلاشاه بضحكات مو من قلبه


لكن لليوم اهيه مو قادره تنسى اصلن اهيه للحين مو مصدقه و قالتها لي مو مصدقة للحين

قاعده تشيل صورة ملجتها و تقص له صورة بروحه عشان يحطونها له في قرآن بيتوزع له بأربعينيته


الله يصبرها و يرحمها



تقول: شقد الدنيا غداره و شقد احنا نسوي لدنيتنا و ناخذ و نودي لكن في النهاية محد ياخذ معاه شي بقبره الواحد في الموت يرد لأصله تراب والى التراب.. لو اقدر ارده بأي شي بأي ثمن ارده ...


كلمات قالها وبتقولها طول عمرها بقلبها


.

.

.


خلك مع الناس الي يحبونك و لا تتخلى عنهم و الله يحفظنا و لا يحرمنا منكم يا كل البلوقرز
.
.


الله لا يحرمني منك يالغالي يا بو هاني

لاتزعل على هالجم يوم الي مروا



احبك

اعشقك

اهواك


الله يحفظكم

ويعطيكم العافية





الاثنين، 5 أكتوبر 2009

Driving license

لك مني...



شلونكم بلوقرز عساكم طيبين

وشلونكم مع الدوام ان شاء الله مرتاحين

وكل شي سهالات

.

.

حمد الله على كل حال


آخر اخباري حمد الله كل شي اوكي طلعت كشه بسهالة

بس حدي متوهقة بالمدرب ماني لاقيه مدرب خير شي كل الي دقيت عليهم يقولون ماكو كلش ضغط

واحد ضحكني يقول لي ماكو الا بشهر فبراير

ولما رضخت للأمر الواقع و قلت بحجز عنده لشهر فبراير قال لي بس خلاص ما اسجل عندي 50 واحد وما ادري شلون بدربهم

انزين يا ولد الحلال دامك ما بتسجلني عندك جان قلت لي من البداية بعد ليش تقول لي ماكو الا بشهر فبراير

وانا اصلا شنطرني لشهر فبراير

وما زالت مسيرة البحث مستمره


:"(


ادعولي الاقي مدرب


ويعطيكم العافية



الخميس، 24 سبتمبر 2009

wa7ashtoni

قوة بلوووووقرز
شلونكم شخباركم عساكم طيبين
والله انا بخير الحمد الله
تشتاق لكم العافية يالغاليين.. و الله وانتوا بعد وحشتوني وايد و الله
لوووووووول P;



سامحوني عالقطيعه بس شسوي لوووووووية رمضان و العيد
(عييييدكم مبارررك )!!!




وكل هذا بصوووووب و اني بديت دوام جامعة بصوب ثاني
يلا يمشي الحال و الوضع آمن ماشي و مستتب
لاحضوا ودققوا على آمن !!


بداية الداوم صباح الله خير قبل ما ندخل عند البوابة فحص انفلونزا H1N1
شهالبداية الجميلة , و المشرقة و المبشرة


(لا تسألون شلة ما اجلوا لنا لأن احنا نفسنا ماندري


يمكن احنا حالة خاصة فينا مناااعة قوية جدا جدا جدا )


وبعدين طقيها يا بحرينية قدساوية مشي للمبنى لأن ماكو مواقف للطلبة داخل الجامعة


^
^
حالة يرثى لها و الله
__



شوفوا بداية سكشاتي
حدها مأساة

هاذي الثانيه ما قبلتها على نفسي و فتحت صحة و بديت من يديد و النتيجه كانت احسن

حتى الأستاذ قال لي: شكلج ما راح اتعبيني

وحدي تشققت



وهاذي يد ....


لا تحاولون تقرون الكف p:

وبـــس

....

التخصص الي خذيته ابدا ما كان اهو الي في بالي

بس حبيته في البداية و ان شاء الله ابدع فيه بالنهاية

,,

شكرالكل كم سأل عني ماقصرتوا و الله

يعطيكم العافية يالغاليين

الخميس، 20 أغسطس 2009

رمضان كريم

لك مني...


ما باقي شي على شهر الخير شهر رمضان

الله يعوده علينا و عليكم بكل خير يارب

.

. ماوصيكم عاد بالستغفار و قراءة القرآن بالهالشهر الفضيل


___


اللهم صلي على محمد وآل محمد

يا سامع كل صوت ويا سابق الفوت

وياكاسي العظام لحما وناشرها بعد الموت

اسألم بأسمك العظيم الأعظم

الأكبر المخزون المكنون

اللذي لم يطلع عليه احد من المخلوقين

ياحليما ذا الأناءة لايقوى على انائة احد

يا ذا المعروف اللذي لايقطع ابدا ولا يحصى عددا

فرج عنى

يــــــــــــــــــــــــــــــــــــــــــــا

اللــــــــــــــــــــه



سامحوني اذا غلطت بحق احد فيكم


يعطيكم العافية

الأحد، 9 أغسطس 2009

علي ودانة .. النهاية

لك مني...
تطلع دانة من الفندق تلبس نظارتها تتمشى بروحها توصل لعند جراند سبا تقرر تاخذ جلسه سبا وتدخل
__
علي كان حاول يهدي الوضع ويقنع مديره انه رجعتهم بتكبر من المشلكة لكن المدير ابد ما كان راضي يقتنع و كان مصمم انهم يرجعون: الكل يزهب اغراضه باجر الساعة 9 الصبح راجعين
علي تتلامع عيونه شسوي مايبي يرد و يترك دانة بروحها والمدير كان رافض تماما انهم يقعدون يركب داره و الدنيا سوده بويه فتح جنطته ويقطط بملابسه ويرد يشيل.. مرت ساعتين تقريبا و جنطته خاليه والملابس محذوفة عالأرض و عالسرير يقعد عالكرسي و يشبك بالنت قعد يكلم مسؤولة بالديرة ويقول له كل الي صار عن المشكلة و طمنه ان بكلم المدير الي معاه و انه مايحاتي شي..
طبعا علي ما كان مهتم بالشغل ذاك الزود بس كل الي هامه ان يقعد بدبي طول ما دانة تكون موجودة
__
صارت الساعه 2 تقريبا دانة خلصة من جلسة السبا و كانت حدها مستانسه و مرتاحه طالعت تلفونها علي ما دق: انا متأكده انه شافني لما طلعت اليوم ياربي شسالفة خل اوصل السويت و ادق عليه
توصل دانة السويت تبدل و ادق.. علي ما يرد ينشغل بالها زيادة تقعد عالسرير تفكر... تسمع صوت احد يدق باب الغرفة تقوم تسأل من و يطللع علي اهوه الي عند الباب: دانة انا علي اذا ماعليج امر يصير تنزلين باللوبي ..
دانة: دقايق و انا نازلة, تسنع دانة نفسها و تنزل تلتفت يمين يسار ماتلاقي احد تشكك في روحها قعدت في اللوبي ربع ساعة و هم ماكو حس ولا خبر تمسك التلفون وادق و عيونه ادور علي
علي كان قاط تلفونه بالغرفة ما كان له خلق يسمع اي شي عن الشغل وكان قاعد ينطر دانة بقاعة المطاعم وعصب ليش انها ما يت وتأخرت راح اللوبي وشاف دانة واقفة توه بروح يمها بكلمة و لا يشوف بو يوسف ريفيجه: هلا علي
علي: هلا فيك
بويوسف كان يطالع دانة الي كانت باين عليها يايه عند علي: ام العيال هاذي
علي ضحك في قلبه و استانس وايد على كلمة ام العيال وبكل فرحة يرد وهوه شاق الحلج : اي نعم
بويوسف: خلاص عيل ادناة يوم يبيله قعده و نعرف الحريم على بعض
علي: اي ليش لاء
بويوسف: اخليك انا الحين و يمر يسلم على دانة الي كانت واقفه وراهم و سمعت كل الي دار بينهم
علي طالع بويوسف و اهوه يروح وراه و انصدم ان دانة كانت وراه وتغيرت ملامحه و لون ويه
دانة الي كانت مستحية ومستانسه وكلها خجل وفي بالها مر الف سؤال ليش اهوه قال جذي ؟ اهوه يحبني يعني ؟ حس اني احبه ؟ احبه .. انا احبه ..
ويقطع تفكيرها و تساؤلاتها صوت علي العصبي الحاد: ويييييينج انتي الف ساعة انطرج وماتيين
..دانة الي تقفل مخها هني كلام علي حسسها انها ياهل حسسها ان شخصيتها انمسحت كل الناس كانت اطالعهم ويها صار احمر.. تبي تركب جناحها تقفل على روحها تسكر تلفونها ماتبي ماتبي هالأناني عيونها فضحتها وسالت دموعها بسرعة صعدت جناحها تبجي ,علي قتل كل احساس الحب الي فيها له
علي الي عصب زود من كلامه ماترك لها اي مجال انها تتحجى خلاها تصير منظر الكل يطالعها ركب داره والضو يطلع من عيونه عصب من روحه طق يده على حافة السرير وانسدح مسك علبة الزقاير وقعد يدخن من غير مايحس بنفسه, مرت ساعة.. ساعتين.. تلفون علي كان يرن و يرن كان مسؤوله يدق عليه و اهوه مو معبرة يسوية سايلنت و يولع زقارة يديدة .. تندم علي وايد على الي سواه بدانة
___
دانة الي كانت تبجي على سريرها متكورة على نفسها وبصوت يختلط فيه البجي: انا شلي سويته ييت مع واحد ما اعرفه .. اكره كره .. خلاص انا ما ابي اقعد معاه بهالمكان تقوم و تمسح دموعها الي ماوقفت ورفعت شعرها خذت جنطتها و قطت كل اغراضها فيها
__
علي الي ماقدر ينطر اكثر شكل دانة ودموعها على ويها قطع قلبه وسيدة راح جناح دانة يدق يدق عالباب بس ماكو وقف ينادي : دااانة .. دانة انا علي .. عفية فجي الباب
يود تلفونه و قعد يدق ويدق دانة ما كانت ترد حط اذونه عالباب يبي يسمع صوت التلفون بس ماكو: مستحيل تسوية لا لا ماتسووية
وبسسرعة نزل للوبي يركض بين الممرات, كانت دانة بهالوقت واقفة تبي تحاجي الريسبشين تبي تسوي شيك اوت شافها علي و بسرعة راح لها ومسك جنطتها و دانة كانت تحاجي الموظف عن الشيك اوت بس كان يقول لها ان لازم السيد علي اهوه الي يسوي الشيك اوت راحت دانة عند جنطتها و لاتشوف علي حامل الجنطة و ياي لها: آسف ما كان قصدي اصرخ عليج
دانة ماده يدها تبي جنطتها و حاطه النظارة تخفي دموعها..
يطالعها علي ويشوف دموعها تحت النظارة : سامحيني مو قصدي.. ويعلي صوته موقصدي صدقيني
الناس بالمكان بدت اطالعهم و دانة مشت راحت عن الكراسي و علي وراها علي الي قعد من زود التعب و حاضن الجنطة ودانة الي قلبها مكسور واقفة ..
علي يمد يدة لدانة عشان تقعد: عشاني اذا لي شان عندج
تنتبه دانة لأيد علي الي صارت كها ضربات بنفسجية و قعدت على الكرسي الي يمة, علي عدل روحه و قابلها: ليش تبين تطلعين عشان انا صرخت عليج و الله انا كنت ناطرج هناك صدقيني
ودانة منزله راسها و لا جنه علي يكلمها..
علي بصوت كله ترجي: صدقيني
تقاطعه دانة: انا الي كنت ناطره و قعدت ادق عليك مو انت قلت نطريني باللوبي.. و تطالعه وتكمل صح و لا لا اخرتها احصل زفة منك... و تسكت
علي انت ماتدرين شصار فيني اليومو كل عشانج .. دانة انا احبج
دانة سكتت و لا جنه تسمع شقال و علي كمل بكلامه: انا باجر الشغل يبوني ارد الديرة و مزاجي متعكر و ما ابي اخليج بروحج هني وسويت كل الي اقدر عليه عشان اقعد معاج بس ماكو فايدة
دانة : خلاص نرد الديرة انا تعبت هني زيادة كنت يايه عشان ارتاح
علي: خل تعدي الليلة و انا اوعدج نرد
ويقوم علي حامل جنطة دانة و يوصلها لجناحها: دانة انا آسف على الكلام الي سمعتيه بيني و بين صاحبي ما كان لازم اقول جذي .. بس صدقيني انا مكلم يدتي قبل ما ايي هني ووعدتني لما ارد تخطبج
دانة الي منصدمة من كلام علي مستحيه زعلانة كل احاسيس الدنيا فيها ..
علي: انتي شرايج .. دانة شرايج .. انتي للحين زعلانة مني؟
دانة ترفع النظارة و طالع اييد علي : شفيها ايدك ليش صايرة جذي ؟
علي يلتفت لأييدة و يطالع دانة: ما ادري بس اكيد منج
تبتسم دانة وتاخذ الجنطة منه
علي و يمثل السذاجة: انزين انتين ليش تبجين ؟
يوصلون جناح دانة: علي انت من وين تعرفني ؟؟
علي يبتسم: شرايج نبدل و ننزل نتعشى لأن انا ميت من يوعي حتى ريوق ماتريقت .. واقول لج السالفة
دانة : خلاص احط جنطتي و انطرك تحت
وراح علي داره و دانة نزلت تحت قعدت شوي اطالع الي رايح و الي راد نزل علي وراحوا يتعشون في منهاتن جرريل طلبوا و كل واحد يطالع الثاني ..
دانة الي ماعجبها الوضع : يلا ممابتقول لي السالفة
علي: والله يا محفوظة السلامة اخوج سلمان
ودانة مبققه عيونها شعرفه بأخوي: اي.. كمل
علي: يصير ريفيج اخوي نادر .. تذكرينه؟؟
دانة: .. اي بس يعني نادر متوفي
علي: اي متوفي من زمان .. و انا مره كنت رايح السوب ماركت و شفتج وي سلمان .. تذكرين؟؟
دانة: لا و الله.. يعني انت الحين تصير اخو نادر الله يرحمه
علي: اي .. وقوليلي الحين للحين زعلانة مني
دانة تبتسم: اممم.. شوي هههه
بعدها تعشوا و كل واحد راح داره فرحان و مستانس على الي بصير بالأيام اليايه
واليوم الي بعده ردوا مع بعض الديرة عقبها بجم شهر ملجوا وتزوجوا و عايشين الحين مبصوطين مع بعض
.
النهاية

الخميس، 30 يوليو 2009

علي ودانة 4

لك مني...

ترجع دانة البيت و موب عارفة شتسوي تسافر ولا لاء
حطت راسها عالمخدة تحاول ترقد بس هيهااات التفكير ذابحها.. شنو بصير هناك.. اروح بيت ريفيجاتي ولا اقعد بالفندق: بس خلاص ماابي افكر بروح والي فيها فيها
ويرن تلفونها اطالع الرقم غريب : مالي خلق ارد
تسوي تلفونها سايلنت و ترقد
____

علي الي وصل دبي و وصل الفندق وكان معاه مجموعة من زملائة بالدوام كل واحد فيهم راح غرفته واهوه المسكين قعد يتصل على دانة على اساس اذا تبي تحجز معاه بجراند حياة ولا تبي بفندق ثاني بس ما كانت ترد و قال بروح اريح و يتغذى..

اخذ له شور سريع ونزل بروح ياكل له شي
راح وطلب له من اندياموو وعلى ما يجهز الأكل كان يحاول يكلم دانة بس ما كانت ترد عليه: اكيد ناسية تلفونها بمكان هالبنية تنسى روحها عادي ماكومشكله..
فر راسه ولا يشوف واحد من ربعه الي مو شايفه من زمان وقام و سلم عليه: هلااا بو يوسف
بو يوسف: هلاااا علووي شلونك شخبارك
علي: بخير انت شمسوي وينك ماتبين اول مطيح عندنا ومرة وحده اختفيت
بويوسف: بعد شنسوي مشاغل الدنيا بس حلات هالصدفة الي خلتنا نشوفك هني
علي : شفت شلون عاد بالديره مانلاقي بعض وبهني انتصادف
بويوسف: اي والله انا استأذن الحين بس اشوفك مره ثانية ان شاء الله خو انت نازل هني
علي: ان شاء الله.. على خير
ويروح بويوسف مع ولده و مرته الي كانوا ينطرونه, علي كان يطالع ريفيجه و تمنى لو انه يكون مكانه و معاه دانة ..
وصل الأكل و علي تغذى وخلص, قعد يتمشى بالفندق شوي لحد ما تعب كلش وماقدر يقاوم اكثر راح غرفته و رقد من زود التعب
__

عالمغرب جذي دانة قعدت من النوم تسنعت وتعدلت و طلعت مع ريفيجتها تعشوا وتمشوا وشرت لها جم شغله كانت اهيه تبيهم وردت بالليل قعدن تفكر: علي قال بيتصل وما اتصل.. تذكررت الرقم الغريب الي دق عليها قبل ماترقد على طول قالت يمكن علي طالعت المكالمات و الرقم الي دق عليه قبل مايسافر وطلع اهوه وقالت بتصل فيه: يرن مدة طويلة .....الو
علي الي قعد من النوم ورد: ياهلا... نعم
دانة: حمد الله على السلامة
علي الي استوعب انها دانة: هلا هلا الله يسلمج
دانة: خير انت متصل علي الظهر
علي: اي و الله كنت بسألج عن الفندق اذا تبين بجراند حياة ولا بفندق ثاني
دانة: اممم انا متعودة انزل بفندق ثاني بس مو مشكله انجرب بجراند هالمره
عليي: خلاص بعد شوي احجز لج متى توصلين انتي
دانة: الساعه 7 يعني 8 عندكم جذي
علي : خلاص انا بكون بنتظارج
دانة: ماله داعي انت بتكون مشغول
علي: لا لا ماعليج ... يرن تلفون الغرفة
علي: دانة انا اخليج الحين باجر الصبح اتصل فيج ان شاء الله
دانة: اوكي باي


تسكرالتلفون وتقوم ادور جنطتها وعلي الي عصب لان طلعوا داقين على رقم الغرفة بالغلط: يلا بعد مره وحده اقوم احجزحق البنية

وتسبح و تعطر و نزل يحجز لدانة وهني توهق مايدري يحجز لها جناح و لا غرفة قرر يحجز جناح صغير حجز و خلص و دز لها مسج : امورج كلها جاهزة بس بقى عليج تشيل جنطتج و تيين :)

دانة الي حتى جنطتها مولايقيتها وتعكر مزاجها بس استانست على مسج علي وردت عليه: شكلي بهون جنطتي الي احبها مو لايقتيها مادري بشنو بحط غراضي

علي ضحك من قلب على مسج دانة وراح غرفته بكمل نومته


اليوم الثاني دانة قعدت الصبح تفطرت مع اهلها و راحت السوق تدور لها جنطة صغيرة توسع اغراضها لقت بسرعة وردت البيت ولما كانت بالطريج علي دز لها مسج: صباح الخير.. بشري لقيتي جنطتج

وصلت دانة للبيت و ردت عليه: صباح النورو السرور اي الحمد الله لقيت يعني بشرف اليوم دبي..

علي الي توه كان بدخل المؤتمر رد عليها: اشوفج


قعدت دانة اتعدل اغراضها وترتبهم خلصت وتأكدت من كل شي سكرت الجنطة و قضت باجي اليوم مع اهلها

عالساعه 5 تقريبا راحت المطار كانت تتحاتي شوي شبصير هناك وخصوصا ان علي ما دق عليها وماحبت اهيه ادق عليه قعدت تتمشى وشوي ودق علي عليها ضحكت و ردت : هلا

علي: يلااا متى بتيين

دانة: بالطريج أقصد بالسما

علي : ههههه يلا ناطرج بالمطار موتضيعين

دانة: لا لا ادل يلا انا لازم ارروح

علي: فمان الله

كملت دانة طريجها و ركبت الطيارة من اول ما ركبت مسكت كتاب بيدها وقعدت تقرا لحد ما هبطت الطيارة ونزلت بس كان فيها شوية خوف خصوصا ان محد من ريفيجاتها يدري ان اهيه بتيي..
خلصت شغلها و شالت جنطتها و طلعت تمشي و خطواتها كلها ثقل و ارتباك و خوف و مره وحده علي يطلع بويها ياخذ جنطتها منها و يسحبها: حمد الله على السلامة.. نورت دبي و الله
دانة مع ابتسامة خجل: الله يسلمك
علي يمشي بسرعة و دانة كانت تمشي وراه ويلتفت لها: نتعشى و نروح الفندق شقلتي
دانة: لالا سيدة نروح الفندق احسن
علي: على راحتج
ويروحون الفندق وطول الطريج اهيه ساكته و اهوه يتكلم و مرتاح عالآخر يحس بخجلها و خوفها لكن كان مستانس على هالشي , وصلوا الفندق و علي وصل دانة للسويت الي حجزاه لها و تشكرته وايد على الي سواها وياها ودخلت السويت وعلي راح غرفته بس كان يغلي يبي يشوفها ما كفته هالدقيقتين يبي يكحل عيونه فيها ودق على دانة: الو
دانة: يا هلا
علي: عندش نص ساعه و تنزلين شلون نبي نتعشى
دانة: بس..
يقطها علي: من دون اعذار يلا ناطرج
دانة: ان شاء الله
تسبحت ووتعطرت و بدلت: اشوه يبت لي بدلات سنعة هقيت بقضيها كل بجامات نوم
ونزلت لعلي المسكين الي كانت عيونه طايره حوالي البنت الي طلعت من اللفت دانة كانت ادورة لكن بسرعه لقتها لان كان واقف مسطول جدامها وراحت له: والله اني تعبانة لكن ما حبيت اردك .. يلا
علي: .. يلا
دانة شوي خافت من عيون علي الي كانت اطالعها و بقلبها كانت تقول الله يستر, راحوا و قعدوا بمطعم هادي ستايله نيويوركي طلبوا و قعدوا يسولفون: تذكرين لما عزمتيي على الريوق
دانة: اي و قتنها كنت نحيس معاي واايد
علي وبنظرة حادة: لأنج بطيتي جبدي .. يزات الخير .. تلفونج ونظارتج
دانة: بل بل اجرك على الله
علي: يبا مانبي منج شي انتغشمر ههههه
دانة: انت شلون تعرفني و تعرف اسمي
علي الي تبلعم: يعني
دانة الي بدت تستجوبه: اي يعني شنو.. توهق البطل
علي: هههه لالا انت شتبين تعرفين الحين
دانة: اسمي انت ناديتني بسمي
علي: ... يعني انتي كلش ماتذكرين منو انا
دانة: لا و الله منو انت
علي: افااااااا هذا الي انا الحين اقول عارفتني اخرتها اطلع ولا شي.. يلا يلا كاوصلت الشوربه خل ناكل
وقعدوا ياكلون طبعا على الي وهق دانه و خلاها تفكر منو اهوه و لكن في الأساس اهيه ماتعرفه و لا شي
بعد الأكل كل واحد راح غرفته وكل واحد شاغل باله بالثاني
دانة الي تغسل و اطالع وويها بالمنظره: منو هذا ياربي شكله يعرفني حيل
علي المنسدح عالسرير: ياربي ياربي شلون افاتحها بالموضوع و شلون ببرر جذبتي
ويغط كل واحد فيهم في سبات عمييق
اليوم الثاني عالساعه 9 ونص دانة تقعد من النوم تاخذ شور ادق على اهلها و اطمنهم عليها و طبعا حصلت زفه محترمه عشان كانوا يدقون عليها و اهيه راقده ماتدري عن روحها بعد ما خلصت من التلفون طلبت ريوق للغرفة قعدت تاكل و تاكل .. لأن اهيه من النوع الي تودي بالأكل لكن ما يبان عليها وبالعشى مع علي ما كلت براحتها
خلصت و قالت بتقعد تقرا بالكتب الي يايبتهم معاها. .قرت ساعه وحده تقريبا وملت : ياربي انا يايه احبس روحي هني و قالت بتطلع بتتفرفر بره شوي, بدلت و وخلصت و نزلت باللوبي كان وايد زحمه و كان في ناس تصرخ وكان بينهم علي ماحبت ادخل روحها سلمت الكارد وطلعت..
علي لمحها و اهيه طالعه بس ماقدر يلحق وراها عشان كان وايد مشغول صارت معاهم شغله بالمؤتمر و تهاوشوا و قالوا بردون الديره , علي كان يحاول يهدي الوضع كانت الوحيده الي شاغله باله دانة شلون اهوه يخليها بروحها هني و يرد الديره ..
يتبع


الأحد، 26 يوليو 2009

علي ودانة3

لك مني...
بعد شهر تقريبا من الشوق و الوله الي سكنوا قلب دانة لعلي, وعلي الي كان يتبع كل خطوات دانة ويعرف برنامجها وين تروح ووين تيي ..كله عشان يسرق شوفتها ويكون متخبي ومتأكد بأن ماكو احد بقلبها ..
دانة تقرر تنزع حب علي من قلبها : ياربي مر بحياتي طيف و اختفى
تتمشى في غرفتها و توصل للدريشه اطالع السما و تناجي ربها: دخيلك ياربي اعمي قلبي عن حبه ..
وتنزل عيونها على واحد مار يم بيتهم : منوووو علي .. شفيني قمت اخورة انا لازم اشيل هالأنسان من بالي وتفكيري.. لازم اغير جو وطلع بره الديره جم يوم
وتروح عند امها تخبرها بقرارها
__
علي الي صج اهوه كان مار يم بيت دانة: بودعج انا اليوم فراق بشوق بلقاج.. آآآآه خلاص يا حبيبة قلبي كلها جم شهر و ان شاء الله بتكونين من نصيبي
و بعد يومين
علي يقعد الصبح يزهب جنطته عشان دورة مدة شهر
ييروح عند يدته بكلمها بموضوع: صبحج الله بالخير يالغالية ويبوس راس يدته و يقعد يمها
اليدة: يصبحك بالنور و السرور ياوليدي .. ها زهبت ملابسك
علي : اي يمه.. يمه
اليدة : آمر حبيبي
علي و بحييرة وتردد: ...
اليدة: علامك شفيك
علي: يمه انا ..
اليدة: اي شفيك
علي: انتي تدرين انج بحسبة امي الله يرحمها..
اليدة : الله يرحمها بس شلزوم هالحجي الحين؟
علي وبوهقة: يمه انا شفت بنية و عجبتني وودي لو تصير من نصيبي ان شاء الله
اليدة و بكل فرح: هاذي الساعة المباركة ياوليدي اتعرفها انت و تعرف اهلها
علي: اهيه من عايلة معروفة و الحمد الله دين وادب واخلاق .. بس انا خايف.. متردد يعني
اليدة: ههههه خايف و متردد لو مستحي
علي يبتسم حق يدته
اليدة: بعد الدورة يا وليدي اكلم اهلها وبعيوني اروح اخطبها لك والله فرحتني يا حبيبي
علي وبعفوية: ليييييييش بعد الدورة
اليدة: وييييييييه وييييييه وين الي توه متردد و خايف... بعد الدورة يروح منك الخوف و التردد يا متردد انته ,وتقرب منه و تغير صوتها علي مو انت متردد
يضحك علي على كلام يدته و توعده بعد الدورة تكلم اهل البنت و ان شاء الله خير
عالظهر كان موعد طيارة علي يروح يسلم على يدته و يبوس راسها و ايدها
اليدة : الله يحفظك يا حبيبي و يسر لك امورك.. لو المرحومة موجوده جان ما وسعتها فرحتها اليوم..
ويطلع علي من البيت على دعوات يدته له متجه مع ربعه للمطار فرحان ومطمن قلبه
__
دانة تطلع من الداوم و تروح المطار بتشوف الحجوزات وتحجز عشان تسافر , توصل المطار و تنزل تروح حق الأستعلامات و تسوي كل شغلها تخلص وبعد التعب و تقرر انها تتغذى بالمطار وترد البيت
علي الي باقي على موعد طيارته ساعة و شي قعد يتفرفر بالمطار ويدخل المحلات ودانة المسكينة الي كانت تاكل بكل شراهه جنه مو مصدقة جدامها أكل ...
وهني اطيح عيونهم بعيون بعض علي ودانة بالمطار
دانة المسكينة الي غصت باللقمة و علي الي يه لها مومصدق ان شافها قبل ما يسافر
علي: شلونج
دانة تيود العصير: حمد الله .. تفضل تفضل
علي : صحة
دانة تبتسم : الا هني ؟؟
علي: اي و الله عندي دورة بره الديررة
دانة: تروح و ترجع بالسلامة
علي: يطالع التذكرة بالجنطة الله يسلمج.. وانتي.. شكلج بروحج ؟؟
دانة: ماكو بروح دبي .. تغيير جو يعني
علي مصدوم: صج انا دورتي بدبي
دانة تبتسم: عيل ما بفتك منك
علي يضحك: ههههه اي كلش ماكو فكه.. قوليلي مضبطه امورج هناك
دانة: لا بس ريفيجاتي هناك اهمه
علي: مايحتاج انا موجود انتي بس قولي لي متى توصلين و من اول ما تنزلين من الطيارة انا استقبلج
دانة: لالا ماكو داعي
يقطعها علي: شفيج احنه اهل ديرة وحده و انتي محسوبة عليي بالغربة.. بدبي
دانةالي ماتدري شتقول من كلام علي: لا انا متعودة اروح بروحي
علي هم يقطعها: خلاص قلت لج متى توصلين
دانة زي الهبلة: باجر 7 المغرب
علي: خلاص ادق عليج انا لما اوصل اليومو اخبرج بكل شي اذا ماعليج امر عطيني رقمج
يمسك التلفون و يتصل على رقمه (الي يقول ماعنده الرقم و كاتب عليه دانة قلبي بعد).. يلا كملي اكلج انا اخليج الحين اشوفج باجر على خير ويروح عنها..
دانة المفهيه: ..على خير ...وتكلم نفسها: في شي ما قلت لك اياه بعد صج اني مينونة ضروري اقول له بدبي.. وانا شدرني بعد دورته بدبي.. والله حاله ياربي قلت لك اعمي قلبي عنه مو تجمعني معاه بنفس المكان
يتبع

الأربعاء، 22 يوليو 2009

علي و دانة 2

لك مني...
توصل دانة الكافية وتبركن السيارة , علي الي كان وايد ذرب كان ناطرها عشان يدخل معاها
..يدخلون ويقعدون و يطلبون
علي وبسلوب جنه يلومها فيه : نظارتج هم نسيتيها؟
دانة و بقلب طيب: الصراحه انا وايد مفتشلة و موقصدي
علي: لا لا ولايهمج
دانة: امس الجهاز و اليوم النظارة لو انا تصير معاي بقول اكيد مقصودة
علي: خلاص قلنا و لا يهمج .. تصير بأكبر العوايل
دانة تبتسم وبقلبها تقول: ياربي شهالنفسية
علي و يدقدق عالطاولة: ييتي هالمكان من قبل.. ووايد حلوة و هادي بهالحزة
دانة: الصراحة انا و لا مرة دخلت كافية و قعدت العادة اطلب و امشي
علي ولايهتم للي تقوله ويسوي روحه يدندن مع انغام الموسيقى
دانة انقهرت من حركة علي و قررت الصمت وكل ما يقول شي تكتفي بهزة الراس او الأبتسامة
...وصل الريوق ودانة يدوب كانت تشرب القهوة و تحرك الشوكة يمين و يسار على عكس علي الي كان ياكل بكل شراهه ولاجنه في بنت جدامة ولا حتى كلف نفسة يقول لها علامج ماتاكلين..
علي وياخذ نفس عميق : الحمد الله
دانة: اطلب لك بعد.. وتأشر تبي البيل
علي يطالعها و رافع حاجبه: الحمد الله
دانة تدفع الحساب ولاجنه احد جدامها: انا مضطرة امشي مشكور على كل شي يعطيك العافية
وتسحب النظارة و تمشي .. تطلع بره ولاتشوف اكو سيارة موقفة و را سيارتها وماتقدر تحرك سيارتها
وهني عصبت و تنرفزت اطالع يمين يسار ماكو احد , دخلت السيارة ومسكت جهازها تدق على زميلتها و تهنينها بعيد ميلادها : حصة حبيبتي كل سنة و انتي طيبة
حصة وبتمثيل: لالا انا زعلانة منج توج تذكرتي
دانة: لا و الله ذاكره بس صار لي موقف خايس ما انحسد عليه بعدين اقول لج عنه
ودانة تشوف ان علي ياي لها: حصحص حبيبتي شكلي انا اليوم ما بداوم
حصة: لاااحبيتي عبالج بتقصين عليي بهالكلمتين و لا عبالج ..
علي ايي و يدق الدريشة على دانة
دانة: حبيبتي بعدين ادق عليج باي باي .. و تسكر
علي : خير ان شاء الله
دانة : مثل ماتشوف
علي: انزين دخلي داخل عن الشمس
دانة : لا هني احسن عشان اول ما ايي صاحب السيارة احرك
علي الي ظل واقف يم السيارة و يتلفت
دانة: علي ممكن سؤال
علي: تفضلي
دانة: انت تعرفني
علي: لا
دانة: عيل شلون ناديتني بأسمي امس
علي ابتسم ابتسامه صفرة و فر ويه
دانة: ماجاوبتني..
وبعد صمت علي يروح عند السيارة الي موقفة ورا سيارة دانة و يكلم واحد بعصبية
و الريال يدخل داخل سيارته و يحرك على طول , علي ايي عند دانة الي حركت سيارتها تعدلها عشان تطلع من البارك
علي يقرب من السيارة و يغمز حق دانة: لاتدعميني هالمرة
دانة تبتسم: اسويها ترى بس مابنسى شي ثاني
علي يمشي لسيارته و دانة تمر عليه بالسيارة : بس تراك للحين ماجاوبتني
علي يبتسم و دانة تمششي عنه و اهيه واثقة ان في يوم بتلتقي فيه وبتعرف الصج
يتبع

الأحد، 19 يوليو 2009

علي ودانة

لك مني...


...: دانة.. دانة
وتلتفت دانة للصوت: نعم
علي مع ابتسامه: نسيتي موبايلج عالطاولة
دانة من زود الفشلة سحبت التلفون و مشت: مشكور
علي الي كان مستانس وايد ان كلمها : و اخيرا يس.. يس
طلعت دانة من المجمع على طول وركبت مع السايق طول الطريج تفكر شلون نست تلفونها عالطاولة : و الله اني صج غبية

بالليل

دانة مستحوذة على تفكير علي نهائيا: ادق ولا لاء .. انزين اذا دقيت شقول لها
ودانة بالطرف الثاني تستذكر الموقف و تنتبه ان ناداها بأسمها : ياربي اكيد يعرفني شبقول الريال عني
وتغطي روحها بالكمبل و ترقد
اليوم الثاني
تطلع دانة من البيت متأخرة تركب سيارتها و على طول الدوام تذكر ان اليوم عيد ميلاد زميلتها بالدوام
تقرر تاخذ لها بوكيه ورد و علبة ككاو توصل المحل و تنزل ومن السرعه تدعم بريال و اطيح نظارتها بالأرض: نظارتي
ينزل الريال: آسف .. تفضلي
وتنصدم دانة و تفتشل زود وتبتسم : لا لا انا آسفة
علي: حصل خير بس حاسبي مرة ثانية يعطيها النظارة و بيمشي لسيارته
دانة وبكل عفوية: تسمح اعزمك على قهوة
علي يطالعها و اهوه رافع الحاجب ومن داخل قلبه طاير من الفرحة
دانة تبتسم: اذا سمحت يعني
علي: انا اسمي علي
دانة: والنعم.. تفضل نروح الكافية
تمشي دانة لسيارتها وعلي الي كان ماد يدة بالنظارة يصعد سيارته و يمر على دانة و يدق هرن انها تلحق وراه و يلوح لها بنظارتها
دانة: واااااي هذا وقته يا نظارتي..
وتحرك دانة ورا علي
يتبع