الجمعة، 19 نوفمبر 2010

عيدكم مبارك

لك مني...


كــــل لحظة بالحياة بتصير

ذكرى..

وكل ذكرى كانت بالحيــاة لحظة


فجعل للحظاتك معــنى


.....


عيد اضحى سعيــــد

الجمعة، 29 أكتوبر 2010

شذنبيـــــ ماكنت اختيارة

لك مني...


شذنبي زفـــــوه لغيري معــرس

شذنبي ما كنت اختيــاره

اقرب الناس لي يلومني بعيون لــوامه

شذنبي ما كنت اختياره؟؟

ينطلب مني احضر عرسه و اغني

لهالدرجة القوة جردت احساس الأنسانية مني؟؟

ابــــــد ما تمنيته لي

بالعكس فرحت بخبر زواجه

بس ليش احضر عرسه و اصفق و اغني

عشان اشوف حســـرة امي؟؟

وانظار اهلي تاكلني بعيون شفقانه

وارد البيت واعيش بغربة لوحدي

واتذكر نظرات مافارقتني.. بالأبيض تمنيتوا استقبله

وعلى اغاني هب السعد عالكوشة تزفونه لي

ولكن..

ماني كسيرة لجل تذرف دمعتي له..

محد ينزف لي غير حبيبي واستقبله

بالأبيض مهنا زفوه لي وابي اقبله
أحبك مهنا

السبت، 23 أكتوبر 2010

حتى الدموع عيت تعزيني

لك مني...




كـــل ما مرني الحزن و الهم

دموع عيني تعزيني

تحرق وجنتي شوي

وتطفي نيران قليبي



ولكن من صدمتي اليوم

حتى الدموع عيت تعزيني

من كثر اوجاع القلب مدري جفت بها عيني

يمكن من مرارة الجروح قست انا عيني



لكن!!

وش الي بطفي جمرة الغد

اذا النيران بدت تشتعل فيني



________________

يعطيكم العافية

الأربعاء، 20 أكتوبر 2010

قبلة مغتصبة

لك مني...



منذ ان بدأ بالهتمام بي و انا معلقة بهواه

فأينما هب هواه ذهبت حيث هو

وعندما تتلاقى الأعين عينه تلامس قلبي و جسدي..

حتى طلب مني مرافقته للسينما في أحد الليالي ..

لم اتردد ابدا فقد كنت تحت تأثير هواه

التيقت به جلسنا لوهله نتبادل الأحاديث

كانت المرة الأولى نجتمع لوحدنا

فقد كان الموعد الأول لي..

لم يطل جلوسنا كثيرا فقد اعتراه البرود..

ركبت معه بسيارة الفخمة حتى يحين موعد الفلم

نتجول بالطرقات العامة تارة ومن ثم المعتمه..

حتى اخذنا الطريق لما اسماه بدرب الغرام..

طريق تلامست فيها الشفاه

لامس ثغره وجنتي وعنقي..

اخذت يديه تتسلل على جسدي

كأنه يريد حفظ جسدي بيديه..

ارتجف جسدي مع تناغم يديه

ابعدته عني رغم عدم توقف قبلاته..

قبلاته الي كانت تغتصب كل ذرات الغذريتي فيني

قبلته الي كانت نفسي تتلذذ بها

ولكن جسدي.. جسدي اللذي لم يقاوم القذاره

فقد كان يرتعش من قبلته المغتصبة ..

ايقنت وقتها بأن الفتاة قد تغتصب بمجرد قبله

بمجرد مشاعر زائفة تسلي قلبها العفيف

وان الأغتصاب الفعلي ليس بتصال الأجساد

بل بما يتسلل من مشاعر واحاسيس قذرة لقلوب الفتيات

...

روحي خانت جسدي لوهلة

منذ الصغر وآذاننا تسمع

ان الأجساد قذرة والأرواح النظيفة العفيفة

ولكن تتضارب المشاعر والروح و الجسد امام

القبلة المغتصبة



الجمعة، 15 أكتوبر 2010

عجز و صراع رجل للحيــاة

لك مني...

يحــــاول يتمرد على القدر,, ويطالع بياض السما الي بصعوبة يشوفه ويصارخ بأعلى صـوته: لااااا.. لااااااا

نووور خافت بأعلى قمــة مايوصل لهم منه شي ينور عليهم.. ينتظرونه 24 ساعة بس عشان يعدون الأيام فيه ويتعلقون بحبل أمـــل ضعيف انهم يطلعون من هالمكــان و يردون لأهلهم..

تحت الأرض عشــرات من الناس, شافوا روحهم بظروف ماكانوا متهيئين لها ولامستعدين,, ظروف اتسيروا لها وانجبرت عليــهم ماتخيروا فيــها ابدا..

رياييل كل واحد فيهم يشوف بعيون الثاني العجز الي مسيطر عليه,, واليأس الي لما يذكر عياله ويشتهي شوفتهم تسبقها دموع وافكار ان خلاااااص ماراح يشوفهم ماراح يسمعهم و يلمهم خلاااص مابشمهم و يلاعبهم... خلاص هني اوهو بموت هني, هني نهاية عمره، بموت بتعذيب وبشوق لبيته مثل ما توقف قلب صاحبه قبل شوي واوهو يلفظ آخر الكلمات: عيالي .. احبكم بوسوهم.. احبهم ....... .

وروحه طارت للخالق وعيونه لاحت للسما تحمي روحه وتسلمها لراعيها لصاحبها...

بهاللحظة تعجز روحك و تتجمد عروق ايدك وتتحجر مابهون عليك تسكر جفون صاحبك وتخفي عيون اشتهت تشوف الحبايب بس ,, بس ,,بس: آآآآآآآه ... انشال و انحط على باقي الجثث...

ويعدي نور الشمس و يطفي و يرد ينور و يطفي... و تمــر اليام, اطالع الي حواليني الي ظلوا ينوحون يلطمووون منهارين و اطالع نقيضهم في الطرف الثاني جثث متكادسة فوق بعضها في هدوء بصمت الحياة "مقبرة"..

من العجز الي فيك ترفض الواقع تستجمع كل قواااااك المكنونة و تصرخ ..لاااا لاااا, صراخ تسبح فيه مآت الدموع تضرب الصخر وتحتضنه مثل ياهل بحضن امه...تذكر عيالك : آآآآآآه يا عيالي ما ادري اذا بلمكم و لالا بلاعبكم مثل اول و لا انتوا الي بتلاعبون تراب قبري .. حبيبتي زوجتي ولدتي و لا للحين ,, تذكر اخر مرة كان معاها كانوا متهاوشين على اسم بنتهم اهي تبي سارة و اهو يبي نورة ..

تدمع عينه من جديد دموع حارة معها ابتسامة حزن تواسي الدموع :خلاص سميها سارة ,, بس يااارب ما ابي بنتي تتيتم قبل ما تنولد يـــارب

ياخذ نظرة مخنوقة من زاويته يشوف الي ظلوا 5 ولا 6 ويرد يكلم قلبه و ربه: ما ابي اتجفن بأجساد ربعي يـــارب ارحمني يـــارب ارحم عبدك يارب بشوف عيــــــــــــــــالي يارب بلم امي وبضم زوجتي وبشم بنتي يارب.. ما ابي اموت يارب بمقبرة جماعية تحت الأرض يارب..

بكل قوة مكنونة وبكل عرق وشريان ينبض فيه الدم يبجي و يصارخ : يــــــــــــــــــااارب

يناجي ربه و يطالع نور السما ينتظر لحظة فرج خلاااص حبل الأمل شوي شوي بدى ينقطع منه يتذكر وجوه زوجته و امه و عياله من كثر مامروا على باله نسى ملامحهم ولكن بعد الظلام نور..

نجى .. اي نجى, بعد العذاب و العجز يطالع الي ظلوا معاه الي صارعوا بكل قوتهم عشان يتماسكون .. يطالع رفيجه الي مات يطالع الجثث الي جفنت بعضها البعض لحد ماوصول فووووق فوووق للقمة للنور لعياله و زوجته و امه..

يغمض عيونه و يذكر العذاب و الأيــام و ربعه الي ماتوا و الوصايا..

يـــاخوي مــاودي انا ابعد و اخليــكـ

يــاخوي سامحني اذا اتركــ ايديـــنكــ

وارحل بدونـــــــكـ و اتركــ الموت و يــاكـ

ويــاك

.

تمت

للناجين من انفجار منجم روسيــا

ولكل من عاش هالظروف بحرب و لا ظروف انجبرت عليه

يبتعد عن اهله و حبايبه

.....

يعطيكم العافية

الاثنين، 11 أكتوبر 2010

تبجيـــــن!!


لك مني...






نعــــــــــــم..

تبجيـــــــــــــن !!

عسى مـــــــــــــاشر,, رملة بعيـــنج دخلت


شقول انا من الآآآااااااااه

شقول انا من الآه

وقبل الهــــــاء القلب ينزف دم

شقول انا..

شقول انا و احجي عن من لملمني بعز حزني

واليوم منه انا ابجي دم..


تبجيـــــن ..؟

تبجين لجل جرحي

ولا للخاين الي فيج تـــم


انا من الحزن رسمت لوحات واسمي انخط من الدم فنان

وانتي توه دمعج هل توج ذكرتي انسان مــــات فيني


مسحي دمعج و كملي دربج

لونشف دمج مايساوي ربع اليي جرى فيني

السبت، 9 أكتوبر 2010

احبج ايمانوو يالمينوونة



لك مني...

الساعه 7 ونص الصبح
تفتح ايمان عيونها وتنتبه للساعه و اتفز لحبيبها: سلوم.. سلوم
تروح تاخذ الروب و ترد لسلمان تبوسه على راسه: حبيبي يلا قوم الساعه 7 ونص قوم

سلمان يتقلب يمين و يسار و يسحبها عنده عالسرير وبعصبيه منه تحذف عليه الروب و تقوم تاخذ شور

طبعا سلمان يفز بسرعه يعدل السرير يلبس له شورت و يروح الحمام الثاني يغسل بسرعه و يرد الغرفة يتعطر يطلع شي احمر من تحت السرير و يحطه بكبت الملابس..

يروح المطبخ يسوي النسكافيه مثل ماتحبه ايمان و يطلع ورده حمره من الثلاجه و كب كيك يحطهم بصينيه و يسحب ورقة ويكتب عليها...

" كل عام و انتي بحياتي الأحلى و الأجمل ,, أحبج لأخر نفس بروحي"



عيد 9-10



وريني شلون بتروحين الدوام



حبيبج سلوم



على فكرة انا احبج

يرروح الغرفة يروح يم الحمام و يصرخ: ايماااااااااانووو يلا شلون يعني مطوله
يحط الصينية عالسرير ومعاها الورقة, يطفي الوحده و يسحب له تيشيرت يلبسها و اوهو طاالع من الشقة
ايمان تعجل روحها: انطر شوي يالمينون محد قال لك تعبث بالمنبه
وتطلع من الحمام مبلله بالماي: سلمان عطني روبي ,, سلمااااااااااان ياملقك تروح يم الروب عالسريع وتشوف الصينية تاخذ الورقة تقراها وترتسم ابتسامه على ويها واطالع صورة حبيبها المينون وتكلمه: أحبك و الله أحبك
تنثر شعرها عالسرير و تحط الورده عليها تمسك التلفون ولا تشوف مسج منه..
فيج خير جربي اتعتبين بره الشقة صدقيني اطلقج بالثلاث P: فديـــتج , فجي الكبت و لبسي الأحمر نص ساعه و انا عندج على ماتشربين قهوتج

تبتسم ايمان للمسج ولا ايها مسج ثاني ..:ايماااانو بالمينوونة قومي فزي وريني طولج ولبسي ترا اطقج يلااا لاتضحكين ..
تقوم تفتح الكبت و تشوف فستان احمرحرير طويل بلون الدم عاري الصدر..

ادق على سلوم مايرد : ياربي من صجه هذا .. ادز له مسج : سلوم بالمطفوق لا تفكر ابدا اني بكشخ لك بالفستان وبطلع فيه معاك ,, يلا انا رايحه الدوام و خل كيكك و قهوتك ينفعوونك

طبعا امون تبي اطفر سلمان و تبيه يرد البيت عشان يتخبل عليها و تتغدى فيه قبل لا يتعشى فيها.. صج لقالوا ان كيدهن عظييم..

تلبس النفنووف الي كان روعه عليها و الي كان اطول منها فلت شعرها الطويل الأسود ورسمت عيونها بالكحل واكتفت بالحمره, لبست سلسه ذهب طويله لنص صدرها تزين فيها انوثتها.. يدخل سلمان الغرفة وجنه يدورها ينتبه انها ماحست له ويقرب منها بهدوء ويهمس بأذونها.. أحبج ايمااااااااااااني
تخترع منه و اطيح بحضنه.. وسلمان ميت ضحك عليها يلمها و يبوسها: أحبج يالملاك



اطقه على ظهره و اهي لامته: سخييف و بظل سخيف



يوخرها عنه و يمسك ويها بيدينه وبحنان يكلمها: كل عام و انت نور عيوني ويبوس راسها

ترد تلمه وبقوة: أحبك يالغالي

يطلع من جيبه تذكرتين سفر ويوريها: عندج 5 ساعات بس اتجهزين روحج و اغراضج الساعه وحده مسافرين لروما ومن دون اي نقااش

تبوسه و تشكره ويرد عليها ببتسامه: بتنور روما فيييج ... أحبج ايمااانووو




النهاية
يعطيكم العافية

السبت، 18 سبتمبر 2010

بداية جديدة

لك مني...
سلام
شلونكم شخباركم
انشاء الله بخيروطيبين
مثل ما الكل يعرف
باجر اول يوم دوام وانا اعشق البدايات مع ان يعتريها شوية خووف
لكن حاسه بحماس بداخلي..
ابي هالسنة تكون غير ابي اخذ منها وابي اثبت نفسي من دون ماتاخذ مني نفسي
وابي اعيش فيها حقي مو حق الناس و لا عشانهم مو انانيه مني لكن لازم احب نفسي عشان اقدر اعطي..
بالفترة الي عدت اتعلقت بناس اكتشفت معاهم ذاتي و بنفس الوقت اثروا عليي بناحية سلبية
قررت اوقف و الاحظ الناس الي حواليني واكتشفت ان محد فيهم عايش عشان احد كلهم عايشين عشان نفسهم والحياة ماشية ومحد يهتم للي يوقف فيها.. بالضبط مثل الي يسوي حادث بشارع عام راح يوقف على صوب وباجي السيارات راح اطوفون وتمونر ومحد بيوقف لك ..
قررت ان يصير اسبوعي للدراسة و بس و اشد حيلي و ما اتكاسل و ما اقول ليش الدكاترة يسوون لنا جذي؟؟ وليش يبيون يتعبونه ؟؟ مع العلم ان كل شي عشانه...
واخلي الويك اند لي حقي عشان احس فيه
والله يوفق الجميع
.
.
يعطيكم العافية

الاثنين، 13 سبتمبر 2010

عيدكم مبارك و تقبل الله طاعطتكم

لك مني...
سلاااام
شلونكم وشخباركم
عساكم طيبين
مبارك عليكم شهر رمضان وهم
عيدكم مبارك
ادري حدي متأخرة
ومقصرة معاكم بالبوستات شوي
بس اعذروني شوي انشغلت
....
هاذي اخر اعمالي
عبارة عن رسمه بنت بالزي البحريني والخليجي التقليدي

وماسكة علم البحرين
طبعا راسمتها بالتركش كوفي و النسكتفية
اتمنى تعجبكم



يعطيكم العافية

الثلاثاء، 10 أغسطس 2010

ارجع لي..


لك مني...





ارجع لي و نور دنيتي


من دونـكـــ دنيتي ظلمة




ارجع لي واحيي العمر فيني


من بعدك انا ميته




ارجع لي واررسم الفرحه بوجنتي


في بعدكـــــ انكسرت البسمة




ارجع لي واسحبني من غربتي


في فراقك تأسرني الوحدة




ارجع لي ولون معنى حياتي


في بعــادكـ ماللحياة معنى




ارجع لي ورجع معك كل دمعات حبي


واخذني بحضنكــ وبكل لهفة




الجمعة، 6 أغسطس 2010

انكتبنه نكون لبعض


لك مني...


شكثر كان مستانس واهو يتحجى ويقول لي ان واخيرا لقى حبيبته

ومومصدق متى راح يتزوجها.. حسيت باللمعه بعيونة و اهوه يتكلم

وقلت: الله يوفقك يعني بعد سنة بتكون متزوج؟!

وبكل لهفة: لااااا اكيـــد قبل ان شاء الله

..

وقتها حسيت بالفرحه المخنوقة اهووو صديقي شلون وشلون ...

تمنيته يكون لي شلون يصير حق غيري .. حسيت بالغيرة تمتزج فيها فرحه سطحيه ماتتعدى ابتسامتي على وجهي و يغلب عليها الحسد..

من كثر ما كنت احبه كنت اتمنى له الخير كان بنظري انسان مثالي ماتخيلت ابد انه يغلط ونسيت ان كلنا نغلط ومافي انسان كامل..


مرت السنين وانقطعت اخباره لحد مــا لقيت نفسي اردد رقم تلفونه وكتبت مسج :slam

ترددت واايد و انا اكتب رقمه عشان ادز المسج.. شقول له و شبقول لي و مو عدله بحق زوجته مايصير..

لكن كتبت رقمه ودزيت المسج , حسيت بأنانيتي للحظات مو محقي صار لازم افهم

نطرت ساعات ولكن مافي رد ورددت بقلبي الله يهنيه و يـــاهنيالها مرته فيه

..

بعد ايام يرد عليي slam

اجذب لو اقول اني ماطرت من الفرحه بوقتها ورديت عالمسج: انا فلانة تذكرني شلونك حبيت اسأل عليك سوري عالأزعاج..

ومسج ثاني منه: واااااااااو.. اكيد اذكرج انا بخيير انتي شلونج مشكووورة عالسؤال انا كنت بره البحرين من جذي مارديت بسرعه

انا: wellcome back

..: thanx i just arrived home

كانت الساعه 3 الفير تقريبا..


انا قلت اكيد راح حق مرته.. خلاص لازم اخليه بحاله اوهو عنده حياته مايصير اكون اكثر انانيه

وبعد يوم كامل انعدمت فيه الأخبار وصار اليوم الثاني..

صوت مسج افتحه: heey.. oo enty u didnt tell me any things about u

رد بقلبي النور ولكن مارديت..

بعد ساعه و شي رديت عليه: umm i'm ok right now am studing on NYIT graphic design.. oo ent whats ur news

....: ana 6l3t mn zain oo al7een ashte'3ol on menatelecome

انا: alla yewafgek ..umm i thought u had married

....: hehehehehe la la still single and happy

يـــــــافرحتي سنقل: happy.. 3ejbatni

...: what about u i thought u married already with that one

انا: no i'm still single too

...: can i call u?

بعد 5 دقايق تفكير و خوف و تردد مسكت التلفون و دقيت كان واضح علينا ثنينه شكثر مستانسين وشكثر مشتاقين لبعض.. قعدنا نسولف و نسولف لحد ما بدت اصوات العصافير تفتح ستار النور ..

سكرنه الخط وتواعدنا ان محد راح يخلي الثاني و ما راح نفترق 8 سنين مر على معرفتنا ابعض عرفته من ايام دراسته بالمدرسة لحد ما راح الجامعه بره البحرين لحد مارد لين ما اشتغل اول شغل له وفنش و لحد ما اشتغل بمكان ثاني ... على قولته انتي مثل امي..


مرت ابالي اخر مكالمة بيني و بينه قبل جم سنة وتذكرت شكثر كان مستانس ان واخيييرا لقى حب حياته و نور عيونة الي خلت عيونة تلمع وشكثر كان واضح عليه ان متلهف..

معقوولة هذا الي يصير.. معقولة غيرتي و حسدي قتلت حبه .. معقولة انا السبب لو تزوج بذاك الوقت جان عنده عيال الحين ..

استغفرت ربي وقمت صليت ماكنت ادري احمده على الي صار و لا اطلب المغفرة على انانيتي بس الأكيد ان احمده واشكره على هاليوم ..

غفيت بثوب الصلاة على السرير ولما صحيت حسيت بالراحه قمت و شلت ثوب الصلاة و رجعت عشان اكمل نومتي: تنهدت وغمضت عيوني و رسمت بأحلامي احلى حياة تجمعني فيه ,, قلبت عالصوب الثاني و لميت لعبتي و الي اذكره شكثر كنت مستاااانسه..

وانكتبنه نكون لبعض


تمت


الواحد منا مايدري شنو بصير له و شنو مكتوب له ولا شبكون باجر

يامااا ناس حبوا بعض سنين بالنهايه كل واحد راح بطريجه

مايصير شي الا بكتبة رب العالمين

الاثنين، 12 يوليو 2010

الكـــأس الأسبانـيــ

لك مني...



مبروووووووكــــــــــــــــــــــ

الكــــــــاس

يــــــــــــــــــــــــــــــــــا

اسبانيـــــــــــــــــــــــــــــــــــــــــــــــــــــا

الأحد، 4 يوليو 2010

الله لا يفرقنا




لك مني...




ان كنت زعلان


ولا متضايق مني


حتى لو شايل بخاطرك عليـــي


اقول لك يـــا حبيبي


أحبـــــــــكـ


وكل سنة وانت الحــب




يـــــــــــــــــــــــــــــــــــــــــــــــــــــــــــا


حبي


يلي تنور دربي




5-7-2006




عمري ماراح انسى هالتاريــخ




أحبـــكـ


حبيــــــبي


مهــــــــــــــنا

الأربعاء، 30 يونيو 2010

حب 30 -6

لك مني...


زينة: حبيبي

سلمان: أمري ياروحي

...: تذكر قبل سنة بنفس هاليوم 30-6

يقاطعها سلمان ويلمها: هههه اذكر شلون ما اذكر الله يسلمج بنفس هاليوم

يبتسم له ابتسامه فيها خبث قاصد انه يطفرها ويكمل: يومها امي كانت داعية عليي

بزعل يمتزج فيه الدلع تدزه زينة بعيد عنها: داعية عليك ها ميخالف يا سلوم .. وتمشي عنه

ضحك سلمان محله ومشى ورى زينة: ههههه حبيبتي .. زيوون اتغشمر معاج

مسك سلمان يده و قربها منه حيل: اي داعيه عليي لأن دعمت احلى قمر ...عذااب اقصد دعمتني

زيون استحت منه وحاولت تبتعد عنه شوي واهوه حس بحركتها وفهمها وسع قضبته ليدها عشان تاخذ راحتها بس كان يبي يطفرها ورد و ضيق على قضبته لها و قربها حيل له اكثر من قبل

وهمس بأذنها: أحبـــج

زيون من الحيا نزلت راسها ونظراتها كانت للأرض وسلمان حده متونس على حياها: أحبــــج صدقيني

زينة وعيونها بالأرض: خلاص.. تدفعه تبي توخره عنها وترفع راسها و عيونها بعيونه

وبنظره كلها حيا وخجل: خلااااص وخر شبقولون الناس.... لا اتنح جذي

سلمان: بقولون شفتوا القمر الي مع سلمان اقصد الي مع زينة ههههههههه

زينة: هههههه تطقه على صدره خفيف: مليق

تدزه بقوة و تمشي عنه وسلمان يلحقها: احبــــج... ههه عمري الي تستحي فديتها

_____


30-6 اول مره التقى فيها سلمان بزينة

وبهالـــ 30-6 كانوا مالجين على بعض
وكانوا مثل طيور الحب

وان شاء الله بالــ 30-6 اليايـــات الله يتمم عليهم
ونشوف ثمرة حبهم


.

.

يعطيكم العافية


الثلاثاء، 8 يونيو 2010

ملزوم الوح الوداع يا اغلى قلب


لك مني...



ملزوم اليوم انا انهي اخر جزء من قصة حب

ملزوم اليوم انا ابعثر اوراقنا في حياة تنعدم فيها راحة القلب

ملزوم اليوم انا احرمك نفسي وامسح ذاكرة حب

ملزوم اليوم انا اضحك لأنسان والقلب له ينزف دم

ملزوم اليوم انا اعيش حياة مافيها طعم الحب

ملزوم اليوم انا ارفع ايديني و الوح بالوداع يا اغلى قلب



____


اهداء الى اختي حبيبتي زوز

والى كل شخص ودع حبيبه مجبور
والله الموفق
يعطيكم العافية
_ _ _ _ _ _ _
تحديث
التاج السلطاني
قوانين التاج
1. اذكر اسم من طلب منك حل الواجب :
om mod
being one
2. اذكر القوانين المتعلقة بهذا الواجب
تحدث عن 6 اسرار قد لا يكتشفها من يقابلك للمرة الأولى
حول هذا الواجب الى 6 مدونين واذكر اسمائهم مع رابط مدوناتهم
اترك تعليقا في مدونة من حولت له الواجب , ليعلمو عن هذا الواجب
...
1. لما اكون تحت ضغط نفسي وتعبانة نفسيا ابدا ما ابين عليي و لا احب انه يبين عليي
2.جدية لأبعد الحدود وقت الجد وابدا ما احب الكسل
3.ما اعرف اتصرف و لا شسوي لما اشوف احد يبجي يمي, فأبدا لاتبجي جدامي يلي جدامي
4. لما ابجي جدام الناس وهاي الشي نادرا لازم اضحك و انا ابجي
5. مسالمة لكن !!الشخص الي يجرحني اشيل بقلبي عليه حتى لو اضحك وما ابين له وصعب ان انسى حتى لو طاب الجرح
6.صعب اني اغير رايي بالشي الي انا مقتنعة فية و اسوية حتى لو بضرني
3. اهدي هذا التاج الى :
paris
3bady
كبيرياء ورده
وبس
اسفة عالتأخير

الثلاثاء، 1 يونيو 2010

انت ابو عيالي

لك مني...



يفتح عيونه الي طارت على حيبته وببتسامه يقول لنفسه: يا حلو هالملاك


تنتبه نورة على جاسم: شلونك حبيبي اليوم وشلون نومتك


...: حمد الله اكييد حلوة مو انتي يمي.. انتي راحتي ويبتسم


نورة تقرب منه و تمسح على جيبنه وشعره وترد له الأبتسامه


جاسم: مارقدتي لا


نورة: تبتسم اهم شي راحتك ياقلبي لاحقين عالنوم


جاسم يحاول يقوم و نورة تساعده: شوي شوي


...: تعبتج معاي, تقاطعه نورة ببوسه وسط عيونه يسحب ايدينها ويقعدها يمه: حبيبتي ..


نورة: آمر يا قلبي


جاسم وبحزن: نورة انا حاس فيج وحاس بألمج.. ينزل راسه و يطالع الأرض: ادري شكثر تحبين اليهال وانا ما اقدر ...


نورة تحط يدها على جتفه و تقرب منه اكثر: حبيبي انت.. لاتقول جذي اهم شي انت معاي


جاسم وبصوت يقطع القلب يرفع راسه و يطالعها بعيونه الي تعذب: انا ادري ودج بياهل اليوم قبل باجر وانا ما اقدر اعطيج هالشي.. نورة تسحبه و تلمه مثل الياهل لصدرها: حبيبي انت عمري لاتقول جذي هذا كل بيد الله .. تبوسه على راسه بكل حب و حنان


جاسم ياخذ نفس عمييق ويوقف: نورة خلاص 6 سنين ماكو فايده تنطرين انا ما اقدر اعطيج الي تبينه انتي لازم تشوفين طريجج...


نورة وقفت يمه وويها ملطخ بالدموع: انا ابيك انت , انت ابو عيالي


...: لاتضيعين عمرج وياي كافي السنين الي مرت


تقاطعه نورة و توقف يمه: انا ما ابي ياهل الا منك


يقطعها: وجودج معاي يعذبني خلاص انتي ماتستاهلين انا اتعذب لما اشوف عيونج اطير عاليهال انا ناقص يا نور ناقص


...: اذا عاليهال انا ما ابي ... انت حبيبي انا ابيك ما ابي يهال ليش تبي توخرني عنك عباللك بستانس باليهال من دونك بستانس بياهل من ريال غيرك.. تمسك ويه وبصوت عالي: قولي لي يعني انا بستانس جذي .. قول لي جذي انت تبي


جاسم الي فتح عيونه: ابيج ام والله اتعذب لما الناس عبالها ان العيب منج مايدرون اني انا..


نورة : حبيبي لاتقول جذي انا معاك انا اموت بعيد عنك ..انت ماتفهم


جاسم: بس انا اتعذب و الله جربنا كل الطرق ماكو امل ما ابي اضيع عمرج معاي بس


نورة: نجرب مرة ثانية و ثالثة و رابعه واذا ما اصار الله مو كاتب لنا مو توخرني عنك انت دنيتي


تقعد نورة تبجي عالسرير وتغطي ويها بيدينها و شعرها يغطي ويها.. تبجي ظلم القدر وحظها العاثر الي عمره ما ضحك لها..


جاسم ينزل لعند ريلها: لاتبجين ويسحب ايدنها عفية انا ابي سعادتج


نورة: سعادتي معاك خنجرب مرة ثانية


جاسم: ما راح ننجح ليش نتعلق بأمل ضعيف


نورة : عفية خنجرب ما راح نخسر تكفى جاسم انا اموت و لا افارقك


جاسم: اسم الله عليج.. ياخذها و يلمها: خلاص حبيبتي خلاص نحاول مرة ثانية بس لاتبجين حبيبتي ..بس

.


.


وبعد سنة من المحاولات نجحوا وصار عندهم احلى توم "محمد وحمد" كل من يشوفهم يصلي عالنبي من حلاتهم واهم شي الصحه الكاملة


..


شكثر ناس عايشة هالمعاناة وصابره


شكثر اوادم الله ماكتب لهم الذرية


الله مايضيع تعب وصبر احد


ومابعد الشده الا اللين


..


..


والله يرزق كل ابوين الذرية الصالحه يارب

الجمعة، 28 مايو 2010

اشتاق لكــ

لك مني...

سبع ايام ما سمعت صوتك فيها
ماهمست في اذني كلمة احبج
عيني ما التقت بعينك
ماتعودت على بعدك ابد
بالفترة الي عدت صرنــا بعــاد حيل
كنت اقول لنفسي ان صار وجودك و عدمه واحد
ترد و تروح و وابد ماتغير نبض قلبي
نفس اليوم معاك و بدونك
لكن اليوم وبعد السبوع
صرت انطرك و انطرك
اقول بيوصل اكيد بيوصل
صرت ادق وادق
لكن النتيجه وحده.. الجهاز مغلق او خارج منطقة التغطية
ومر اليوم وصار الجمعة و كنت اقول انك بتيي ما يأست و صرت اعطيك اعذار
اكييد حاشه شي يمكن جهازه ماكو شحن فيه لالا اكيد طالع مع خوانه و لا ربعه
معقوله يوم لقانا تتخلى عنه؟؟
معقولة تلاقي شي اهم تسوي فيه ؟؟
معقولة شوفتي ماعادت اتهمك؟؟

ليش صرنا جذي وليش حبنا تغير ...
احنا الي تغيرنا و لا الطريج مايبي يجمعنا
موقاعده اعاتبك و لا الومك ولا شايله بخاطري عليك
بس انا مشتاقة لك
مشتاقة لك حيل
ادري مو بيدك تييني :)
بس اشتقت لك وولهت عليك
ولهت على عيونك الصغيرة
وقرعتك و سمراتك وايدينك الخشنة و كل شي
تلفوني قاعد يرن وكل مايرن اتمنى بس يكون اسمك و رقمك على شاشة التلفون
مايخطر ابالي كلام لأن شوقي لك مايوصفه اي كلام
بس ابيك تعرف اني بهالسبوع الي مر كنت انطرك وكنت مشتاقة لك حيل
وبهالسبوع الي بمر بحسب الدقيقة عشان يمر الوقت
واطفي نار شوقي بشوفتك يابعد عمري
مشتاقة لك حيل

الأحد، 2 مايو 2010

احبك يـــا هنى عمـــــري

لك مني...
كـــــــــ عام و انت بحياتي الأحلى و الأجمل ــــــــــل
كـــــــــ عام والسعااادة نور دربك ــــــــــل
كل عام و انت بخير وبصحه و سلامه
وعقبال المليون يارب
أحــــــــــــــــبــــــــــــكـ
30_4_1989


يوم ميلاد اغلى البشر


يوم انخلق فيه احلى ذكر


يوم بجى فية طفل


وانكتب فيه بداية عمر




كل سنة و انت طيب يا مهنا يا حبيبي




لك مني

همسات تتراقــص بين قلبيـن

مرت سيل من الكلمات بيــنه

نظرات تعانق بعض

وقلب احتضن قلب

ولكن ولا واحد فينا نطق

رغم المسافه و رغم بعده

الا اني احسه ساكن روحي

بدى كل من بالمكان يلاحظ

يلاحظ و يشوف حديث عشاق
بدى الشوق و العذاب يذبحه

وبدت خطواته تجره

وانا بديت الهي نفسي

وابعثر نظراتي

صار اقرب

وحسيت بالحرب الي يبي يعلنه بين اهلنا

حرب اكبر من ان انتحمله..

قطعت خط سير نظراتي

وقررت الأنسحاب و التراجع لدقايق...

وقفت بالحديقة تحت الشجر

كنت بردانه و مغمضه عيني احبس دموعي

واحبس عشق و حب عذبني

وبيدي اوقف هالعذاب واقتل نفسي..

حسيت بيده ودفاها الي لمتني

وحسيت بعطر و شذى انفاسه الي ابد ما فارقني

تذكرت شعور الأمان الي فقدته وفقدته معاه

فتحت عيني وعينه تكلمني: خلنا نرجع ..

نرجع لا توافقين لاتهدمين حب اربع سنين

نواجههم انا و انتي بس قولي نرجع قولي..

وبخوف و سعاده و حزن وفرح و حب لميته

ونزلت دمعه الم محبوسه و مخنوقة مسحها

وطبع بوسة حب بين عيوني

ونطقت شفاتي بكلمة غيرت كل كياني:

نرجع..

نرجع حبيبي... نرجع



سلمت له قلبي قبل عقلي و روحي قبل جسدي

وعلنه بين الناس قصة حب اكتملت و احلى زواج انولد



ونرجع حبيبي نرجع

احبك يا اغلى من روحي

الثلاثاء، 27 أبريل 2010

Enviroment day

On friday there was a event in ATHARI PARK about ENVIROMENT
and we should drow and take some photo
the weather was nice little riny and the place was amazing
.
.
we really enjoyed that day




its was a wonderfull day

الثلاثاء، 16 مارس 2010

تذكــــر ؟!


لك مني...


تذكــــــر ؟

شلون كنا عشاق

واييد باييد وذراع بذراع


تذكــــر ؟

فرحتنا وسعادتنا

واحنا نمشي بالطرقات


تذكـــر ؟

شلون كنا نشوف روحنا

في عيون الحساد


تذكــــر ؟

سهراتنا تحت ضل القمر

وضوا النجمات


تذكـــــر ؟

همساتنا عند موج البحر

وحبنا بين احضان النسمات


تذكــــر ؟

وتذكــــر؟

وتذكــــــر؟


انـــا ..

اذكر دموعي بيوم الفراق

واذكر عيونك يوم تحتضن الدمعات

واذكـر شفاااك الي عانت بالدخان

واذكر كلامك ودفى حساسك ووصاياك

واذكر دمعة نزلت من عينك و حرقت فيها بقاياي
...


الأربعاء، 10 مارس 2010

يــا فراق ارسم




لك مني...




حســــرة في القلب

ودمـــوع في العيــن

ويد ملوحه تعلن عن فراقه عني..


هكذا كنت انا في اخر موعد فراق لنـــا

وهكذا سوف اودعه انا في اول فراق لنا بعد آخر فراق فيه كنا



بهذة الكلمات اجدد وانعش ذاكرتي وذكرياتي المؤلمة

وبهذه الكلمات اعزي نفسي في الأيام القادمة


كم سوف اكون تائهة من دونك يا حبيبي

وكم الدموع سوف تحرق وجنتي

وكم نفسها هي سوف تطفؤ حرقة قلبي


يـــا وحشة الفراش من دونك

ويــا نومة لم تهنئ ابدا بعدم وجودك


لك يا فـراق ارسم,

ارسم مابجعبتك على ايام حـياتي

ولكن بلقـــاء معه اوعدني

حتى ولو بنهاية المــطاف


الأحد، 3 يناير 2010

happy new year


لك مني...


امسك يدي الي تدنسها وتلطخها اوساخ الذوب و احتضنها بحب و حنان

مررها على وجهه محاولا اي يحتفظ ولو بالقليل برائحتها

حاول ان يداعب نفسه بيدي وان يشبع شهوته حتى بالقبلات

ولكن كل محاولاته باءت بالفشل وابتعد بهدوء دون تردد او نقاش

........


فهكذا هي السنين و الأعوام

رغم الأمآسي و الأحزان

ولحظات الفرح

نودع عام و نستقبل عام


.......


كل عام و انتوا بخير


;*


يعطيكم العافية