السبت، 25 فبراير، 2012

احبك

لك مني...


مشتاقة لكــ حيل


اول مرة اطالع صورك مكسورة العاده اطالعهم وينور ويهي و ابتسم


هالمرة جني اتصدد عنهم او عن حتى علم الكويت مو لأني نسيتك ابد و الله


بس انفجر ماني قادرة اشوف المسنجر قلبي يعورني اتذكر الليالي ولابتوبي 24 ساعة كان مفتوح


الحين بالأيام ما افتحه...


قاعده ارجف وانا اكتب لك مشتاقة لك وجني غريبة بوسط اهلي جبرتني على شي انا ما ودي فيه وصرت ذليلة اي ذليتني يا حبيبي


امم اليوم انت اجازة وانا اليوم رحت سجلت بالنادي مادري ليش وشلون بروح وانا يدي للحين و ركبتي بس بضيع وقت من المعهد على طول بروح النادي للـ 8 جدي انشاء الله ارد تعبانة حيل عشان انام على طووووووووول


ليتك لما تشوف كلامي ترفع التلفون وادق عليي تراني ميته


أحبك


مـــا نســــــــ 24- 5- 2013 ـــيت

الجمعة، 24 فبراير، 2012

مبروكــ خالي حبيبي

لك مني...

البارحــة كان ملجـة خالي " خالي الصغير" متربي معانا وجنه اخونه مايفرق عمره عن عمرنا كنا 24 ساعه مع بعـــض بس مــرة وحده جك بم صرنا ما نكلمه وابتعدنا عن بيت يدتي من بعد ما كنا حيل قراااب..

المهم صار و رحنا بيت العروس وصار وقت تدخيل العروس والمعرس اللي اهوه خالي حبيبي..


ونزل معاها عالدري :) حده اينن كان والعروس هم حلـــــــــوة بس خالي احلى, مسكين وصل عالكوشة وامي راحت لمته واهوه لماها بقوة وحضنها حيــــــــــل وقعد يبجي كل ما كانت امي تبي توخره اوهو مسكين يلمها بقوة ويبجي .. كسر خاطري اول مرة اشوفه يبجي اذكر بوفاة يدتي ما بجى :( .. الكل تم يقول بجيتوا المعرس


المهم شافنه يمه انا و خواتي حده استانس وصار يكلمنا ويضحك وكل شوي يناديني ويساسرني حتى وحده من المعازيم تقول لي انتي اخته .. وطبعا عروسته كل شوي تعطيني نظرة وتبي تعرف شقول لي وانا معطتها السيـــــــــن p:


بعدين قاموا يقطون النقووط عليهم ( بيزات) واحنا كنا يمهم قاعدين فكل البيزات بحضنا و احنا فشلة كبار شلون نشيلهم عيب واهوه كل شوي يطقني بريله شيلي البيزات بحضنج ينقطوون واليهال يشيلونهم وانت ولا جنج تشوفين...


بعدين طلع على اساس الحريم ياخذون راحتهم وهني طلعناه وقعدنا نصور معاه مسكين مو مصدق ان احنا يينا وصرنا عادي مثل قبل لمني وباسني حيل يقول لي مشكوووورة وايد,, حتى ام العروس تضحك وتقول له من الحين ها بديـــنا ..


بالليل هم رد وسلمنا عليه لما يينا بنطلع وباركنا له يقول بتخلوووني بروحي,, كسر خاطري بس كان مستانس وايد


حمد لله خذه اللي يحبها و يبيها


ربي يوفقك يا خالي العزيز مثل ما كنت اناديك p:


يلـــوق ( مهـــدي ) لــ ( زهـرة ) والله يهنيهم


......

لبست القلب الأحمر اللي يبت لي اياه مع عطر المحبة و تعطرت فيه :)

ربي يوفقك ويهنيـــــــــكــ
.


أحبك


مـــــــانســ 24- 5-2013 ـــيت