الخميس، 11 ديسمبر 2008

ذكرياتي بالزباله

لك مني ...


نظرا للأزدحام الشديد الي بداري

قررت اني ارتب اغراضي

واتخلى عن بعض الأشياء الي ما ابيها

اول شي فتحت الأدراج و حطيت كل شي على الأرض

و فتحت الصناديق الي فيها كل ما املك

طبعا بتستغربون لما اقول لكم شنو بالصناديق

وشنو اهمه ذكرياتي الي مازلت محتفظة فيهم من سنوات طويلة

طبعا الي بالدرج كانوا كاسيتات قديمه امي مسجلتهم لنا لما كنا صغار

شلون كنا نتحجه و غلطااتنه

( كانت تقول لي قولي عبدالله كنت اقول اب الله ..

قولي تفاحة .. فاهة, الله اكبر ..الله بر.. و غيره و غيره)

طبعا هذول نو وي اقطهم

وهم في بالدرج ملابس لي و انا صغيره نفانيفي حطيتهم اببوكس

والذكرات الأوتوغراف الي ريفيجاتي كانوا يكتبونها لي حطيتهم بروحهم اببوكس بالدرج

يينا للكراتين (كوارتين)

هذول الكراتين فيهم علب وجبات مال مطاعم سجاجين بلاستك و صحون مال حفلات كنت اغسلهم و احطهم عندي و علب هدايا من ناس عزيزة عليي

طبعا كان عددهم كبير واااااايد فطريت اقط بعضهم :(

شلت علب الوجبات الكبيرة و حطيتهم بجيسه عشان اقطهم

و معاهم علب البيبسي و لوحات كانت تخص حملة منع التدخين

طبعا قمت بقطهم و ابوي يقول لي لاتقطينهم حطيهم بالستور بس بروحه الستور فرق و بذوبون من الشمس

و الحر و بعدين لمتى ؟؟

شلتهم بجيش و انا احطهم يم الزباله الله يعزكم

قلبي يعورني

اطالعهم شلون اغراضي صج اهمه و لا شي يمكن بس لهم ذكريات و من اجمل الذكريات

يعز عليي اقطهم بس شسوي ماكو مكان لهم

ياتني بجوة لما حطيتهم بالأرض و مشيت و الله قطعه من قلبي

^

^

انا بطبعي مخلصه للأشياء حتى لو كانت و لا شي ماديا

بس معنويا كبيره عندي


مادري اقوم و اييب من برا و الله مادري

___


عقبها شلت باجيب الأغراض و رتبتهم بمكان و فضت داري من ذكرياتي


طبعا شكلي كان بالضبط مثل الولد الي بالصورة بالضبط

اقره شي و اضحك و احط شي بجيس الزباله ويهي يعتفس
دنيا تخلي الواحد يسوي شي ما يبيه



هناك 10 تعليقات:

غير معرف يقول...

عاد بيني وبينج حلو انج تحتفظين بذكريات حلوه

تكبرين مع ذكرياتج

:)

bye

joe يقول...

والله وناسه لما يكون عندج اشياء فيها ذكرياتج السابقه
بس حرام تقطينهم احنفظي فيهم حق اذا صرتي كبيره
انا قلبي يعورني اذا بنقط شي قديم

BrB

bhr.qadsaweya يقول...

STOP
الذكريات حلوة اكيد
و حلو لما تحتفظ فيها و لما تصير عيوز توريها عيالك و احفادك
عأبال مانشوفك عيوز و توري عيالك و احفادك البلوق p:

...

المباركية
هالشي ورثته من ابوي ابوي مرات يطلع لنا شغلات عنده من لما كان صغير رسايل و لا العابه واهوه صغير وهالشي حلو انا لو بيدي ما قطيت شي منهم :(

يعطيكم العافية

THE BOSS يقول...

الذكرى ناقوس يدق في عالم النسيان

ليش قطيتهم جان احتفظتي فيهم

وعطني ولعه

Om MoD يقول...

أنا بعد جذي أموت على الذكريات واحتفظ فيها بس لازم يمر وقت وترتبين أغراضج وتضطرين تتخلين عن بعضهم لأن المكان يصير زحمه..

بانوراما يقول...

شدعوة كل هذا بدارج

مخزن مو داار :P

حتى انا حوسة داري

بس ولا مرة فكرت ارتبها

bhr.qadsaweya يقول...

ذا بوس
شسوي ماكو مكان يا خوي

...

ام مود
صح كلامج حبيبتي
شلون ولدج صار ان شاء الله صار احسن؟؟

...
بانوراما
هههه هذا و تعيب عليي داري مخزن
لا لا يبيلك ترتبها و تعدلها D:

يعطيكم العافية

Om MoD يقول...

بخير حبيبتي وايد أحسن ألحين الحمد الله :) ومشكورة على السؤال :)

bhr.qadsaweya يقول...

ام مود
الحمد الله :)
شدعوة
ما يبيلها شكر هذا ولد الغالية
ان شاء الله يصير احسن و احسن يا رب
ويعطييييج العافية

غير معرف يقول...

Very good!