السبت، 13 ديسمبر 2008

المكتوب مكتوب(2)

بعد الغذا استأذن خلفان و طلع بعد ما تبادلوا ارقام بعض
رنا طبعا راحت تلعب مع عيالها الي كانت تنسى كل الهموم و المشاكل معاهم لحد ماتعبوا و رقدوا...
اما في الطرف الثاني خلفان كان قاعد بداره يفكر برنا من طلع من بيتها لحد ما اهوه الحين رنا ما فارقت تفكيره, حس بنوع من الألم بقلبه لما عرف ان اليهال عيالها وهم حس بالغيره عليها حقد وكون حرب بينه و بين ريلها من دون ما يعرف اي شي عنه.. و مره وحده تدخل اخته (جوري اصغر من خلفان بسبع سنوات و آخر العنقود يعني الدلوعة) حامله اللاب توب: خلوف حبيبي ابيك تسوي لي شغله عفية
خلفان ابتسم : تعالي يالنزقة شتبين انتي آمري
جوري:هاذي الصورة ابي احط معاها صورة ثانيه وموراضي يصير
خلفان: خلاص خلي انا اسوي لج اياه
جوري تلم اخوها: بعد عمري اخوي فديتك, وطلعت بسرعه من الدار
خلفان الي كان يضحك على عبط اخته مسك اللاب توب وقعد يسوي شغل اخته و بعد ما خلص قال بيفتح ايميله من زماااان مو فاتحه و فتح الأيميل واحد من ربعه الي حيل معاه كان شابك و قعد يكلمه
خلفان: ها بو قفل شلونك
فهد: بخير الله يسلمك انت شلونك يالقرعه
خلفان: بخير دامك بخير
فهد: بشر وين تروح وين تيي
خلفان: ماكو يا دوام يا بالبيت
فهد: شرايك تطلع تقز ويانا كل الربع الليلة متيمعين
خلفان: لا يا معود باجر دواااام
فهد: ياعمي الدوام لله اطلع شوي حاكر روحك بالبيت
خلفان: ماعليه, اليوم رحت زرت رنا
فهد: شخبااااااري رنووي شلونها
خلفان: زينة, تدري انها تزوجت و عندها عيال؟
فهد: شلون ما ادري ناسي اني كنت معاها ندرس برا
خلفان: بس اهيه باين عليها من زمان متزوجة
فهد: اي من 4 سنوات تزوجت واحد بريطاني و يابت منه فرح و نبيل
خلفان: صج؟؟! وينة الحين زوجها؟؟!
فهد: انفصلت عنه
خلفان الي ما كان مصدق: فهووود فكنا زين
فهد: صدقني و الله
سكت خلفان ويقول بقلبه: حراام توه صغيره..
فهد: تدري ان امها توفت
خلفان: لاا و الله متى
فهد: قبل سنة تقريبا توفت بحادث الله يرحمها
خلفان: الله يرحمها
خلفان الي صكت فيه الدنيا:اوكي فهود انا بمشي
فهد: خلنا نشوفك عاد
خلفان : ان شاء الله يلا باي و فصل
قعد خلفان يفكر متى كل هذا صار بنت مثل الوردة تتزوج و تنفصل و اهيه للحين صغيرة
وفووق كل هذا كله امه توفت وابوها كان متوفي من قبل: شلي تحمله قلبج يا رنا الله يعينج
اخذ الاب توب ووداه حق اخته جوري ورد داره تلفونه كان يرن توه برد و لا سكت طالع التلفون منو داق
وطلعت رنا اهيه الي متصله ورد اتصل فيها..
يرفع الخط: الووو
خلفان : السلام عليكم
...: باباه
خلفان ضحك عرف ان واحد من اليهال اهوه الي كان يتعبث بالتلفون: نبيل حبيبي
...: لاااا مو حبيبي
خلفان: عيل فروووووحه
... تصرخ و تبجي: ماماااا
خلفان: فروووحه فرح
رنا: سوري خلفان
خلفان: هههههه لا عادي ياهل
رنا: عاد هاذي ينيه اشطن من اخوها
خلفان: يعني نسيتي روحج زين ما بطيتي راسي
رنا:هههههههه للحين حاط عليي بقلبك ها
خلفان: هههههه لا بس اذكرج يعني بنتج مو طالعه على احد غريب
رنا: اي و الله اوكي عيل خلفان تامر على شي
خلفان: سلامتج
رنا الله
ويقطعها خلفان: يصير اشوفج باجر
رنا: باجر الخميس لا
خلفان : اي
رنا: باجر انا اودي عيالي حمام سباحه يلعبون بس ميخالف ودك تيي
خلفان : اي وناسه
رنا: هههههه ما ابي اسمع رايك الحين بسمعه بع] مانطلع من النادي صدقني بيتغير
خلفان: منشوف
رنا: خلاص باجر الساعه 4ونص امر عليك بيتكم هذا اهو لا؟؟
خلفان: اي ناطرج انا سلمي على فروحه و نبيل
رنا: الله يسلمك
وبجذي انتهت المكالمة بينهم ورنا الي كانت تفكر بشلون خلفان عرف اسم عيالها وخلفان الي كان ينتظر متى يصير باجر عشان يلتقي برنا و عيالها

........................
يتبع






هناك 10 تعليقات:

بانوراما يقول...

متابع بشغف

لا تطوليين علينا

أنتظر التكلمة بفارغ الصبر

غير معرف يقول...

انا اتوقع تموت رنا ...

لوول

بس عاد لا تطولين علينا

bhr.qadsaweya يقول...

اول شي سامحوني عالتحريق( البدليات )

بانوراما
ان شاء الله ما اطول
بس خلك متابع

...

ستوب
حرام عليك تذبح البنية
بس تدري عطيتني فكرة بوست اقول فيها شنو تتوقعون فيه تكملة القصة لوووول
بعدين تعال وين بوستاتك انت مو منزل شي من زمان كل مره ادخل بلوقك نفسه نفسه اخر بوست انتظر منك قصة

ويعطييييكم العافية

غير معرف يقول...

انا والله افكر اسوي قصه ...

بس ما اخليها على اجزاء :)
لوول

الكسل لاعب ابحسبتي صح انشالله اكتب بأقرب وقت

Om MoD يقول...

أول شي تسلم عيونج حبيبتي ..

بس شاللي خلاها تتزوج بريطاني ؟؟؟ استغربت ..والأغرب إنه متنازل عن العيال لها عاد أهم يتمسكو بعيالهم لو لعانه بس :)

اما بدلياتج خليها على صوب لووووووووول :)

bhr.qadsaweya يقول...

stop
انطر قصتك سواءا بأجزاء و لا من دون اجزاء :)

....

om mod
الله يسلمج :)
اهيه حبت البريطاني
و لكن بعدين طلع طايش و كانت ايام دراسه و اهيه توها صغيره تزوجته و ولدت
وقررت ترد الديره بس اهوه ما رضى يرد معاها فالأنفصال احسن خيار لهم :)

عا البدليات حدث بلى حرج


يعطيييكم العافية

اقصوصه يقول...

تدوينه جميله جدا

استمتعت بقرائتها

بانتظار الجديد

تمنياتيبالتوفيق :)

bhr.qadsaweya يقول...

اقصوصة
نورتي المدونة عزيزتي
والله يوفق الجميع يارب
يعطيج العافية :)

runescape account يقول...

i agree your idea ! very nice blog

splendid يقول...

gucci vintage
gucci online
gucci fashion
gucci uk
gucci bags