الثلاثاء، 30 ديسمبر 2008

مخطوبـــــة (2)

مأجورين
بمصاب أبو الأحرار سيد الشهداء
ابا عبدالله الحسين
______________________________________________________
لك مني...




اليوم الثاني قعدت الصبح متأخرة بدلت ملابسي وطلعت من داري و نزلت تحت و لا البيت فية غمامة من البخور و خدامتنا و خدامة يدتي ينظفون (( و الله بيتنا يهبل ما يبيلة كل هالحوسة))


انا اكلم الخدامة: لكشمي وين ماما؟؟


لكشمي: ماما طالع شوية هي في يقول سو كول حق هي لما يقعد من النوم


انا: اوكي


رحت المطبخ لأن الصالة ماينقعد فيها من الدخنة و دقيت على امي: صبحج الله بالخيرمريوم


الوالدة وبعصبية: الله لايصبحج اصغر عيالج مريوم


انا حدي مستانسة: مريوم نتغشمر معاج


الوالدة: ردت قالت لي مريوم.. يلا يلا انا عند البيت ايي اوريج


انا: باي مريوووم.. وتسكر التلفون بويهي


انا: شفيها الوالدة معصبة


وشوي و لا اتيي امي ( مريوم)


انا: هلا حبيبتي هلا هلا بالعزيزة الغالية


الوالدة: يودي (مسكي) هذول الملابس شوفيهم حق اليوم


انا: يماااااااااا شكو


الوالدة الي مشت عني: شنو شكو يوديهم و قيسيهم و عشان تروحين الصالون


امي ماتخلي شي ابالها ماتسويه خذيت الملابس و صعدت داري اقيسهم..


طبعا الملابس الي شاريتهم كانوا روعة يهبلون نفنوف ابيض و فية دوائر بيض مع قميص صوف ابيض فية لمعة ذهبية و صندل بكعب عالي ابيض وفية لمعة ذهبية


امي دخلت: شرايج حلوين


انا: اكيييد مو منج


الوالدة: حلوين لأنهم عليج


انا الي رحت لميتها: مشكورة يا اغلى ام.. مريوم


الوالدة و هالمرة بضحكة: ماتيوزين يعني


انا: يما يبيلي عقد لولو


الوالدة: اي عندي اعطيج اياه بعدين


انا: اوكي .. يما يصير اطلع اتغذى مع ريفيجتي وبعدين عالطول اروح الصالون


الوالدة: بس مو تأتخرين عالصالون و ردي مبجر البيت عشان تتزهبين


انا: ان شاء الله


بعد مادقيت على ريفيجتي و اتفقت معاها خطرت لبالي فكرة اني اشيل ملابسي و اغراضي و كل شي و البس ابيت ريفيجتي بعد ما اخلص من الصالون واتأخر عليهم شوي عشان اطفرهم..


عالساعة 1 ونص طلعت من البيت عشان امر ريفيجتي و نروح انتغذى ,وتغذينا و تمشينا الساعه 4 رحنا الصالون و ريفجتي كانت معاي قلت حق المصففة تسوي لي حلزونات و بعدين تسوي لي باف و صج سوت لي و طلع حلو و المكياج حطيت خفيف بلشر على الخدود بلون وردي فاتح و عالجفون بعد مع لمعة البني و اكيد الكحل مسكرة و قلوز وردي و صج رحت بيت ريفيجتي بدلت هناك و امي الي كانت مكسرة التلفون عليي و انا اقول له بقى شوي يما لحد ما وصلت بيتنا


دخلت البيت و كل خالاتي و يدتي كلهم كانو مستانسين و ايببون والكل قال لي اتيننين


امي نادتني و رحت معاها قالت لي: و الله و صرتي عروس


ابتسمت لها ولميتها و اهيه قالت لي لحظة وراحت عند الكبت و يابت لي طقم سلسة مع قلب الماس و تراجي و خاتمهم و قالت: هذول لج بنيتي, و لبستني اياهم


بعد جم دقيقة بس وصلوا اهل يوسف و نزلت مع امي نستقبلهم كانوا حريم وايد بس امي قالت لي ان اول وحده اهيه امه بعدين راحوا قعدوا و امه قعدت تعرفنا على نفسهم و قالت لي تعالي قعدي يمي كانت حيل حبوبة معاي و اجتماعية و مزوحة


بعدين صار وقت العشا و تعشينا بعد ما خلصنا الخدامة يابت الحلو انا خذيت منها و قلت لها انا احط بس امي قالت لي عنج انتي روحي قعدي عند خالتج واول ما قعدت ام يوسف حط يده على ركبتي و قالت: ها اندخله تراه ينطر من مساع

اناحدي استحيت الحركة احرجتني وايد, يدتي انقذتني وقالت لها اكيد بيدخل و امي هدت من يدها الحلو و يات معاي مع امي يوسف و دخل يوسف و قعدنا انا و امي و امه و اهوه بمكان بروحنا طبعا اهوه من اول مادخل قعد يتحجى و انا كنت منزلة راسي و اقول اي ماعليه.. حتى شكله ما شفته


بعيدن اهوه قال لي انتي ودج تقولين شي انا هني رفعت راسي و عيوني يات بعيونه و قلت: انا حابة اكمل دراستي بس


اهوه: طبعا من حقج


انا: بس هذا كل الي ابيه


و بعدين امه قعدت تتحجى مع امي و انا و اهوه زي الأطرش بالزفة...


واخيرا بعد ما حسوا لنا امه قالت عيل نستأذن احنا


امي قالت لها لا تعالي قعدي شوي توه الناس و مشت مع امه وخلوني مع يوسف بروحنا


اهوه بدا بالحجي: انا شغلي يتطلب شوي اسافر بالسنة ثلاث مرات عالأكثر و اذا صار نصيب راح آخذج معاي


انا: حسب الظروف اكيد


اهوه: اكيد


بعدين امه يات و قالت انهم بيمشون


عند الباب بعد ماطلعوا اهله و بقت امه واقفة قالت لي: ياريتج تصيرين من نصيب وليدي يا من حظنا و حظة والله


انا ابتسمت لها وويهي الي اشتعل: ان شاء الله


ومشت امه بعد ماوعدتنا ان لهم زيارة لنا وانهم حبونا وايد


و بجذي خلص اليوم على خير


طبعا بعدين رحت بدلت ملابسي و خذيت لي شور و لبست و لا امي داخله عليي: القمر شنو يسوي


انا: قاعده يما بجفف شعري


يات قعدت يمي: ها شاريج يا بنيتي؟؟


انا: ارتحت له واهمه حدم طيبين و حبوبين


الوالدة: اي امه مسكينة لعند الباب و اهيه ماسكه يدج حتى تصدقين غرت عليج منها


انا: ههههههههه حبيبتي انتي


الوالدة: ترا امه خذت رقمج مني يمكن يوسف قال لها عشان يدق عليج


انا: يمكن


الوالدة: الله يوفقج يابنيتي و يسعدج يارب.. باستني و قالت لي تصبيحين على خير


توني بحط راسي عالمخده و بنام ولا صوت مسج فتحت المسج




(( ما ابي اقول يا نصيبي.. الا لما نملج بس انتي نصيبي وبسوي كل شي عشان آخدج.. تصبحين على خير يلي شاغلة تفكيري يوسف))




ابتسمت عالمسج بس مارديت عليه

.

.

.

.


وبجذي بعد اسابيع قليلة ملج يوسف على نورة

وصارت من نصيبة و عاشوا احلى عيشة




النهاية


هناك 16 تعليقًا:

Om MoD يقول...

أجرونا وأجوركم حبيبتي ...ما أعظم مصابك يا أبا عبدالله الحسين روحي لك الفدا ..


وايد حلو ةالقصة وذكرتني باللي مضى تذكرت يوم خطبتي...

موفقة حبيبتي والله يرزقج بالريال الطيب اللي يستاهلج :)

bhr.qadsaweya يقول...
أزال المؤلف هذا التعليق.
bhr.qadsaweya يقول...

OM MOD
تسلمين حبيبتي :)

اتوقع انها من احلى الأيام
الي عشتيها..

الله يدوم السعاده عليج يارب

ان شاء الله

يعطيج العافية

Om MoD يقول...

:)

حبيبتي... كيكة مقرومة إختي يايتكم البحرين مع الماما باجر :)

bhr.qadsaweya يقول...

OM MOD

هاذي الساعة المباركة
حيااهم الله ينورونا :)
ان شاء الله نفوم بالواجب

وكل سينة و انتي بخير
يعطيج العافية

kAiKa-MGroMa يقول...

عظم الله لكم الأجر ياحبيبي ياحسين..


اي بحرينية استقبليني بورد لونه بنفسجي بليز عشان أميزج لوووووول

باجر بيي وام مود تبي جبن في حبه سوده من المحرق مشكله اللي يتطلبون

P:.

3bady يقول...

كل عام و انتي بخير :)

bhr.qadsaweya يقول...

كيكة مقرومة

اجرنا و اجرج حبيبتي

اي عــاد شلون ماقلتي لي متى بتوصلون
عشان نستقبلج بالبنفسج

ميخالف انتوا تعالوا
و ان شاء الله خير
يعطيج العافية


____

عبادي

وانت بخير و صحة و سلامة :)


يعطيكم العافية

bhr.qadsaweya يقول...

ام مود
يالغالية
ياريت تشوفين ال inbox مال الأيميلات
اوكي
يعطيج العافية

TRuTh يقول...

عظم الله أجرج

و ان شاء الله هذي السنة تتحقق القصة اللي كتبتيها و تكونين انتي العروس
و نفرح فيج
:)

bhr.qadsaweya يقول...

وانتي كذلك حبيبتي

ان شاء الله وياج يالغالية

يعطيج العافية

Om MoD يقول...

يا بعد عمري الصراحة أثبتي لي اكثر طيب اهل البحرين ... وهذا معروف عنكم مو شي غريب ..

بعد عمري إنشاء الله تلتقون إنتي وكيكة :)

وترى جيكت على الإيميل ورديت عليج :)

bhr.qadsaweya يقول...

om mod
اي حبيبتي شفت الأيميل
و كلمت كيكة اليوم وان شاء الله باجر اشوفها
اختج حبووووووووووووبة حيل
ليتها تطول بالبحرين وليتج ييتي معاها..
الله يخليكم حق بعض يا رب
وحلاتهم عيالج يهبلون بالصورة ماشاءالله
يعطيج العافية

jordan shoes يقول...

cool blog

bhr.qadsaweya يقول...

jordan shoes
..thank you =D

materials يقول...

It seems my language skills need to be strengthened, because I totally can not read your information, but I think this is a good BLOG
jordan shoes