الأربعاء، 22 يوليو 2009

علي و دانة 2

لك مني...
توصل دانة الكافية وتبركن السيارة , علي الي كان وايد ذرب كان ناطرها عشان يدخل معاها
..يدخلون ويقعدون و يطلبون
علي وبسلوب جنه يلومها فيه : نظارتج هم نسيتيها؟
دانة و بقلب طيب: الصراحه انا وايد مفتشلة و موقصدي
علي: لا لا ولايهمج
دانة: امس الجهاز و اليوم النظارة لو انا تصير معاي بقول اكيد مقصودة
علي: خلاص قلنا و لا يهمج .. تصير بأكبر العوايل
دانة تبتسم وبقلبها تقول: ياربي شهالنفسية
علي و يدقدق عالطاولة: ييتي هالمكان من قبل.. ووايد حلوة و هادي بهالحزة
دانة: الصراحة انا و لا مرة دخلت كافية و قعدت العادة اطلب و امشي
علي ولايهتم للي تقوله ويسوي روحه يدندن مع انغام الموسيقى
دانة انقهرت من حركة علي و قررت الصمت وكل ما يقول شي تكتفي بهزة الراس او الأبتسامة
...وصل الريوق ودانة يدوب كانت تشرب القهوة و تحرك الشوكة يمين و يسار على عكس علي الي كان ياكل بكل شراهه ولاجنه في بنت جدامة ولا حتى كلف نفسة يقول لها علامج ماتاكلين..
علي وياخذ نفس عميق : الحمد الله
دانة: اطلب لك بعد.. وتأشر تبي البيل
علي يطالعها و رافع حاجبه: الحمد الله
دانة تدفع الحساب ولاجنه احد جدامها: انا مضطرة امشي مشكور على كل شي يعطيك العافية
وتسحب النظارة و تمشي .. تطلع بره ولاتشوف اكو سيارة موقفة و را سيارتها وماتقدر تحرك سيارتها
وهني عصبت و تنرفزت اطالع يمين يسار ماكو احد , دخلت السيارة ومسكت جهازها تدق على زميلتها و تهنينها بعيد ميلادها : حصة حبيبتي كل سنة و انتي طيبة
حصة وبتمثيل: لالا انا زعلانة منج توج تذكرتي
دانة: لا و الله ذاكره بس صار لي موقف خايس ما انحسد عليه بعدين اقول لج عنه
ودانة تشوف ان علي ياي لها: حصحص حبيبتي شكلي انا اليوم ما بداوم
حصة: لاااحبيتي عبالج بتقصين عليي بهالكلمتين و لا عبالج ..
علي ايي و يدق الدريشة على دانة
دانة: حبيبتي بعدين ادق عليج باي باي .. و تسكر
علي : خير ان شاء الله
دانة : مثل ماتشوف
علي: انزين دخلي داخل عن الشمس
دانة : لا هني احسن عشان اول ما ايي صاحب السيارة احرك
علي الي ظل واقف يم السيارة و يتلفت
دانة: علي ممكن سؤال
علي: تفضلي
دانة: انت تعرفني
علي: لا
دانة: عيل شلون ناديتني بأسمي امس
علي ابتسم ابتسامه صفرة و فر ويه
دانة: ماجاوبتني..
وبعد صمت علي يروح عند السيارة الي موقفة ورا سيارة دانة و يكلم واحد بعصبية
و الريال يدخل داخل سيارته و يحرك على طول , علي ايي عند دانة الي حركت سيارتها تعدلها عشان تطلع من البارك
علي يقرب من السيارة و يغمز حق دانة: لاتدعميني هالمرة
دانة تبتسم: اسويها ترى بس مابنسى شي ثاني
علي يمشي لسيارته و دانة تمر عليه بالسيارة : بس تراك للحين ماجاوبتني
علي يبتسم و دانة تمششي عنه و اهيه واثقة ان في يوم بتلتقي فيه وبتعرف الصج
يتبع

هناك 10 تعليقات:

BaNgBaNg2 يقول...

اللـــــــــه
يلااااااا متى اتكملينها شديتيني !!!
بعرف شنو راح يصير
كالعادة مبدعه في كتاباتج
:)

رورو الشخبوطه يقول...

السلام..

جم باجي جزء ترا تحرمصت بعرف شصار؟؟

طولي الجزء الياي ازا بتريدي..

ومرسي خيتو..

bhr.qadsaweya يقول...

bangbang2

حبيــــــــبتي ولهت عليج

منوووورة و الله منورة

يــــــامن حظي و الله الغالية كاتبت
لي كومنت ..

و الله انتي المبدعة حبيبتي

يعطييييييييييييج الف عافية


______

رورو

وعليكم السلام حبيبتي

اي اي لازم اسوي سيسبنس p;

عيوني لألك حبيبة ألبي

يعطيج العافية

شاي الضحى يقول...

ماشاءالله رووووعة .... منتظرين التكملة :)

bhr.qadsaweya يقول...

شاي الضحى

حبيبتي انتي الروعة والله

:) اسعدني مرورج

يعطيج العافية

إنسانة يقول...

و الله من زمان ما قريت قصص ،،
لأني ما فضيت ،،

ان شاء الله يوم بفضى بدخل و بقرا هالقصة ،،
حبيت عنوانها ،،

^_*
دمتي بود حبوبة،،

Fishah يقول...

شوقتيني شلووووون عرف اسمها :))

يالله يالله ناطرين التكمله :>

bhr.qadsaweya يقول...

انسانة

يالغالية
مدومنتي ترحب فيج بأي وقت.. تأكدي من هالشي

يعطيج العافية

____

fishah
نطري لا تستعيلين

بتعرفين كل شي p;

يعطيج العافية حبيبتي

fatto يقول...

جنه قام انرفز .. ليش جذي يعاملها ؟؟

ناطرين التكمله :) لاتطولين حبيبتي :)

bhr.qadsaweya يقول...

فاتوو
D= نطري الصبر زين

ان شاء الله يالغالية

يعطيج العافية