الأحد، 19 يوليو 2009

علي ودانة

لك مني...


...: دانة.. دانة
وتلتفت دانة للصوت: نعم
علي مع ابتسامه: نسيتي موبايلج عالطاولة
دانة من زود الفشلة سحبت التلفون و مشت: مشكور
علي الي كان مستانس وايد ان كلمها : و اخيرا يس.. يس
طلعت دانة من المجمع على طول وركبت مع السايق طول الطريج تفكر شلون نست تلفونها عالطاولة : و الله اني صج غبية

بالليل

دانة مستحوذة على تفكير علي نهائيا: ادق ولا لاء .. انزين اذا دقيت شقول لها
ودانة بالطرف الثاني تستذكر الموقف و تنتبه ان ناداها بأسمها : ياربي اكيد يعرفني شبقول الريال عني
وتغطي روحها بالكمبل و ترقد
اليوم الثاني
تطلع دانة من البيت متأخرة تركب سيارتها و على طول الدوام تذكر ان اليوم عيد ميلاد زميلتها بالدوام
تقرر تاخذ لها بوكيه ورد و علبة ككاو توصل المحل و تنزل ومن السرعه تدعم بريال و اطيح نظارتها بالأرض: نظارتي
ينزل الريال: آسف .. تفضلي
وتنصدم دانة و تفتشل زود وتبتسم : لا لا انا آسفة
علي: حصل خير بس حاسبي مرة ثانية يعطيها النظارة و بيمشي لسيارته
دانة وبكل عفوية: تسمح اعزمك على قهوة
علي يطالعها و اهوه رافع الحاجب ومن داخل قلبه طاير من الفرحة
دانة تبتسم: اذا سمحت يعني
علي: انا اسمي علي
دانة: والنعم.. تفضل نروح الكافية
تمشي دانة لسيارتها وعلي الي كان ماد يدة بالنظارة يصعد سيارته و يمر على دانة و يدق هرن انها تلحق وراه و يلوح لها بنظارتها
دانة: واااااي هذا وقته يا نظارتي..
وتحرك دانة ورا علي
يتبع

هناك 9 تعليقات:

بانوراما يقول...

بإنتظار التتمة ..

جنون الكويت يقول...

دانه جريئه بس جراتها وين بتوديها ؟؟؟؟؟؟؟؟؟؟؟؟؟؟

fatto يقول...

عاد اتصدقين انا داشه بلوقج عشان اطلب منج تكتبين قصه :) لأنج من زماان ماكتبتي .. وسبقتيني :)

The.One يقول...

قصة حلوة :)
وقلمــج مُبدع
بانتظـار التكملـه

bhr.qadsaweya يقول...

بانوراما

خلك قريب يا خوي p;

يعطيك العافية

___

جنون الكويت

دانة عفوية و طيبة وجريئة
وجرئتها حلوة وبتحلي حياتها


=) يعطيج العافية

___

فاتـــي
والله كاتبه جم قصة
من الي قلبج يحبهم بس ادز لج اياهم بأيميل لج بروحج P;

بس قولي لي وين بوستاتج ؟!

يعطيج الف العافية

bhr.qadsaweya يقول...

THE ONE

انتي الأحلى حبيبتي

و الأبداع كله عندج

يعطيج العافية يالغالية

رورو الشخبوطه يقول...

هلا قدسويه..

متابعتج ان شاءالله..

بس دانوه الله يهداه نست تاخذ البوكيه خخ ..

متابعتج بس لا تخلينها وايد جريئة اهي لحقته ع ابو تبي نظارتها :)

مرسو..

Fishah يقول...

ناطرين الجزء الثاني

بس عندي استفسار بسييييييييييط جدا جدا

الحين دانه مو وراها دوام وروحة حق ميلاد رفيجتها؟ ويييييييين عندها وقت تروح كافيه مع علي :)

bhr.qadsaweya يقول...

رورو


حبيبتي والله

خلج متابعة و بتعرفين

يعطيج العافية يالغالية

___

fishah

اول شي منورة المدونة بمرورج حبيبتي
*
بعد البنت امس الريال معطيها موبايلها و بعد يوم هم تصادفة و طلعت جدام الريال عبيطة مو تنسى ميلاد ريفيجتها و الدوام ذيك الحزة من زود الفشلة تنسى اسمها ..

تسلممين عالمرور
يعطيج العافية و لاتقاطعين عزيزتي