الثلاثاء، 26 أغسطس 2008

غيبوبة (1)

ليال: هلا خالتي ... شنوووو؟!! غيبووبة
سكرت التلفون وماعرفت شتسوي بسرعه بسرعه و دموعها شاحنه ويها خذت بنته (سارة)
وشالت جنطة و عالسريع تقطط فيها ملابس بنتها سحبت اغراضها و بنتها و اهيه راكبه السيارة و طايره بيت امها
سارة البكر و توها طالعه من الأربعين ماتدري شلي صاير حواليها ماتدري عن ابوها الي سوى حادث مروري
ماتدري عن حزن امها الكبير و خوفها من انه ما تقدر تشوف ابوها..
ليال تبجي تبجي من قلب على ريلها , ريلها الي ما شاف بنته ولا حملها وقفت السيارة على صوب و قعدت تبجي و تسمع بجي بنته الرضيعة الي موعارفه شتسوي لها
ليال اطالع بنتها و عيونها مليانه دموع: شتبيني اسوي موذنبي ابوج ما شالج بلفتج
ليال حملت بنتها و قربتها منها و اهيه ميته من البجي: موذنبي حبيبتي و الله و لا ذنب ابوج هذا نصيبنه .. وظلت تبجي
تلفون ليال رن.. ليال شافت رقم امها و حاولت تهدي روحها : هلا يما ..شسوي يا يمه الحمد الله.. اي يلا كاني يايبتها لكم
سكرت ليال من امها و حطت بنتها على الكرسي و كملت مشوارها لطريج بيت اهلها وصلت قطت بنتها عند امها و على طول على المستشفى
طول الطريج كانت تحاول تهدي روحه لكن هيهات الشيطان كان لها بالمرصاد كان يوسوس لها
ليال و تاخذها الأفكار لبعيد و اهيه تسوق منهاره
شنو بصير لوما شفته مرة ثانيه؟
شلون بقدر اكمل طريجي من غيرك؟
بنتك منو بكون ابوها؟؟
مع منو بقدر احقق احلام بنتنا؟؟
آآآآآه تعب الدنيا من دونك
يقطع حبل تهيؤتها صوت الهرن, طافت الأشاره و اهيه حمره
تتعوذ من بليس وترجع دموعها
وصلت المستشفى تصفط بالبارك و قبل ماتنزل تدعي لربها من قلبها تدعي له وماتبي اي شي ثاني غير ان دعائها يستجاب: يااااااارب يااااكريم عافي زوجي و اعطه طولة العمر و الصحة و العافية ياااربي اذا خطيت اغفر لي لا تاخذ مني ريلي ياااااارب و تنزل المستشفى ..

هناك 5 تعليقات:

3bady يقول...

اصار بعدين !

bhr.qadsaweya يقول...

3bady
خلك متابع و شوف شصار
يعطيك العافية

gawga3a يقول...

القصه اتشوق .. ناطره على نار شنو راح يسير :)

وقصه الفراق هم بعد خطييره . الله يعطيج العافيه على كتاباتج الحلوه . الصراحه ال blog وايد حلو .

ملاحظه :

ممكن اتكبرين الخط شوي :) وشكرا

Om MoD يقول...

إي أنا كنت بطلب منج بعد نفس الطلب إنج تكبرين الخط إشوي :)


صج خلصت قصة الفراق ....ما كان ودي تخلص....

وبداية حلوة للقصة بس جان زين لو تزيدين الأحداث خليتينا على نار :)

bhr.qadsaweya يقول...

gawg3a
انتي الي يعطيج العافية على مرورج
و ان شاء الله اكبر الخط عشان عيونكم
تشكرين على المرور حبيبتي
.

.

.

.

.

om mod
هههههههه(انا نظري 6على6 عبالي كل الناس مثلي .. ترا انا اشوف هالخط كبير وواضح)
ان شاء الله بكبر الخط
و البارت الياي بكون طويل و بتملين
يعطيج العافية على تواصلج الطيب