الأحد، 17 أغسطس 2008

ماقبل الفراق (1)

كنت وياي في كل ذكرياتي
وكنت وياي في كل سفراتي
كان دائما لك بصمة بحياتي
ومازالت بصمة ذكرياتي معاك بحياتي
في الصبح يا انت تقعدني يا انا اقعدك
في الليل دائما كنت ارقد على صوتك
بالطلعات تكون وراي تلاحقني وين ما روح
عسى ما اطلع من البيت اشوف سيارتك وراي
أبد ما كنت تخليني اطلع بروحي
بالليل لما توصلني لعند باب البيت
لما كنت انزل لك من سيارتي و اقول لك تطمنت
تبتسم لي ابتسامة ملاك
لو بيدي اوصلج لدارج عقبها يتطمن قلبي
كنت امشي عنك و انت للحين تتكلم و توصيني على روحي
.... اول ما تبدلين و تخلصين و تحطين راسج عالمخده دقي عليي ناطرج انا
اوصل لغرفتي و عيني على الدريشة اطل و لا اهوه للحين واقف
يلوح لي بيده و يدق علي و اهوه يحرك سيارته
.... : سكري الدريشه و تباعدي عنها و عاد اتطلين منها
كنت بالنسبة لي كل شي و مازلت كل شي
بس حسافة الزمن يفرق حبيبين و يقرب عدوين
.
.
.
معقولة في انسان جذي تتصورين في يوم انه راح يخدعج ؟؟

مدري اهو خدعني و لا انجبر ..
مدري شلي صار في قلب يوم حبني ..
مدري و مدري بس كل الي ادري به ..
انك قلتها( فمان الله) .. و يومها عينك كانت تحمل دمعه


هناك 6 تعليقات:

Meticulous يقول...

if u dont get hurt u wont get stronger inshallah t9eren qawiya o byi youm eli ebtinsaina lana ma7ad yeswa za3alich :) 

bhr.qadsaweya يقول...

meticulous
hehe .. its just a story
but u r right (if u dont get hurt u wont get stronger)
any way thanx oo inshalla achoofch in my blog again :p << cuz thats make me happy

Smarties يقول...

عورتي قلبي =(
ليش جذيه!! بس دام الدمعه بعينه يعني للحين في امل :)

and you never know..

bhr.qadsaweya يقول...

smarties
دام الحياة مستمره اكيد الأمل موجود
ومهما زادت الظلمة اكيد بعده نور
تشكر عالمرور عزيزي

Pearl يقول...

ما اتخيلين شكثر حبيت القصص :)
و الأحاسيس الموجودة بالقصة أحسها حقيقية ..
و الامل دايما لازم يكون موجود .. بس مرات من قرادة الحظ ما يمشى على هوانا :)

bhr.qadsaweya يقول...

pearl
حبتج العافية عزيزتي
هههههه اذا مايمشي على هوانه اكييييد بنكون متضايقين و شايفين كل الدنيا مسكره ويهنا
انا توني اشوف تعليقاتج و آسفة على التأخير