السبت، 28 مارس 2009

احاول أحبك



...: آآآه يالزمن شلون رميتني جذي

اطالعه بعيون فيها حب وبنفس الوقت كراهيه ممزوجه بالحزن وبقلبها تقول: شذنبي اكون معاك و شذنبك انت معاي شذنبي اني اخونك بتفكيري وانت شذنبك اذا قلبي مو لك..

..يتحرك فوق السرير وتحس انه قعد من النوم وبسرعه تسوي روحها راقده

اطالعها وجنه شايف ملاك يتأمل ويها وبراءته.. يبوس راسها و يقوم يغسل..

ومع الظلمة الي كانت عايشتها بهالحظة كانت تحترق: ليتك تعذبني ولا انك تغرقني بحبك..

تفتح عيونها وتاخذ نفس عميق وتسي دمعة الم من عيونها ومع هالدمعه صبر

يدخل الغرفة و ينتبه انها قعدت يقرب منها: صبااااح الجوري يالجوري كله

تبتسم له وترفع خصلات من شعرها عن ويها: صباح النور

...: الله لايحرمنا هالأبتسامه الحلوة

تقوم تغسل وتروح تزهب الريوق له تناديه عشان ايي يفطر

ايي و يقعد بمكانه على الطاولة ومع قعدته تحاول تبدي معاه بروح يديدة روح ثانية تحاول تحبه فيها..

توه بمد يده عشان ياكل تمسكه: اليوم انا اوكلك

تسوي لها توست و توكله بيدها تشربه الحليب وتمسح شفايفه

يخلص ويغسل يروح يكمل لبس تيي لها تساعده

...: حبيبتي اوصلج معاي

...: لا مابي أأخرك ارووح بروحي .. مع ابتسمه

...: على راحتج عمري.. مشكورة على حبج لي

ويلمها و تبوسه ويطلع من البيت بأحلى شعور تاركها مع شعور كله تعذيب


هناك 6 تعليقات:

@alhaidar يقول...

مساء الحب .. دون تعذيب

خديجة البهاويد يقول...

:"(
شسالفتكم هالايام تحبون قصص الحب الحزينة
الحين يوم قمت افهم الحب صح قام يفهمني غلط :)

Om MoD يقول...

أحاول أحبك ..

شعور صعب إنك تعيش مع شخص يحبك وما تحمله نفس الشعور ..

الله يكون بعون كل من عايش هالحاله ..

bhr.qadsaweya يقول...

أحمد الحيدر
مساء النور و السرور
لو مافي تعذيب.. مافي حب
تحياتي و يعطيك العافية

____

بتاح

:)) ان شاء الله الحب يفهمج و ينور عليج دنيتج حبيبتي :)
يعطيج ألف عافية

____

ام مود

الله لا يذوق احد هالشعور :))
ويهون على الي عايشينة و يسعدهم

وعساج دوم سعيدة ;)

يعطيج العافية يالغالية

كبرياء وردة يقول...

حرااااااااااااااااام

هذي عايشة بدون قلبها

تدوس عليه بكل لحظة :(

bhr.qadsaweya يقول...

كبرياء وردة

شفي شلون عاد
تقص على نفسها وتخون بتفكيرها

الله لايجعلنا من هالفئة يارب

يعطيج العافية يالوردة