الأحد، 12 يناير، 2014

First day

هلوووو..
اليوو كان بدايته قعدة من النووم متأخر ..تعرف شعور لما السرير يلزق فيك والفراش يحضنك لا تقوم.. بالضبط جذي..
بس قاومت و جاهدت و قمت..
طبعا بسرعة بسرعة بس دائما ما انسى وجبة فطووري الاهم والاحسن على طول.. ومن حسن حظي توفقت في البارك من دون ما الف ولا ادور.. اليوم شوي لوية بالنسبة لي رجعت طالبة تحمل دفتر و قلم فلازم ما انسى دفتري واكلي بيدي والشنطة و التلفون و مفتاحين واحد عشان ابطل الباب والثاني مال السيارة..
بس بفضل الله "ربي لك الحمد"وصلت الدوام عالوقت..
اشتغلت اليوم عالفلنتيان وجم شغلانه يعني بس هالأشيا طلعت عيوني برا وصارت 5 ونص وخلصت الدوام وبسرعه الم اغراضي واطير للسيارة عشان الحق موعد محاضرتي الشي اللي يضحك اني ضيعت المكان مو جني امس من الصبح جاية و مدورتنه المهم خلصت المحاضرة و عيوني توفت لان طول اليوم عيوني عالشاشة كرهت نفسي وخلاص اقتنعت بشي اسمه نظارة حماية بس والله جد بلبسها.. وصلت البيت سبحت صليت وكاني حاليا انسداح تايم اكتب و الشاشة مخفصة الاضاءة على اخر حد رأفة بعيوني..
واشوفكم على خير..

اخر شخص تكلمه باليوم هو الشخص اللي يصنع يومك هو الشخص اللي يستحق الشكر ويستاهل كل دقيقة من عمرك..

أحبكم كلكم .. تصبحون على حب و سعادة و بكرا اجازة اقضوها بحب و تفاؤل بعيدا عن شي اسمه خمول و كسل.. سامعتني روحي..
سلام

هناك 4 تعليقات:

InfoTech SEO يقول...

“Thanks for good work and u also like SEO Tutorial - Learn Full SEO Step by Step 100% Free all the best take care” .

Melodi يقول...

اخر شخص، وأول شخص.. اهم شخص

Zarin Farhan يقول...

I appreciate your blog post, beautifully expressed and well written.
I really enjoy examining on this internet site, it contains excellent articles. I appreciate your work.
Pakistani Talk Shows, Dramas Online, Drama Online, Pakistani Dramas, Urdu Columns, Hum TV Dramas, ARY Dramas, Pakistan News
Thanks

عبده العمراوى يقول...

شركة مكافحة حشرات بالجبيل