الخميس، 15 يناير 2009

تحت المطر

لك مني...


بعد سنتين غيبة يدق عليها: انا تحت يم البيت..

تطلع ركض برا البيت تحت المطر من دون اي شعور تلمه من دون ماتعرف سبب غيبته و انقطاع اخباره.. كانت فرحانه و تبجي بنفس الوقت, نست كل شي بحضنه نست عذابها في غيابه و نسيت المها لفراقه كل الي كانت تفكر فيه ان صج, تلمسه بأيديينها صج!!

الي قاعد يصير صج اهوه الحين يمي.. هذا حبيبي.. هذا اهو.. هذا عذابي..

يسحبها و يرجعها للواقع يسحبها تحت الشجر: آسف و الله آسف.. كنت مجبور سامحيني

تحط اصابعها على شفايفه: مسموح.. مسموح.. مسموح يلي تتعذر, ما ابي اعرف انا ادري,

وتهز راسها وتبتسم و تمسح دموعها: ادري انك كنت تحبني ادري, وتخنقها العبره

اهوه: للحين احبج و بظل احبج صدقيني, و تشهق من البجي بحضنة

شال يده عنها و مسك ويهها: لاتبجين.. حبيبتي كل شي بيتصلح, ويبوس راسها شال الجاكيت عنه و حطاه عليها مسك ايدها و راح معاها عند الباب: ارتاحي الحين باجر بكون بينا كلام وايد, باس يدها و مشى..

اهيه الي نادته بصوت يقطع القلب و التفت لها و قال: عيونه

اهيه: قبل سنتين بنفس هاليوم و تحت المطر وعدتني نفس هالوعد نطرتك بس ما ييت.. نطرتك انا.. نطرتك

اهوه الي دمعت عيونه: سامحيني

ابتسمت له رغم الآلام الي طرت على بالها بهاللحظة ألم السنين الي مرت عليها وألم الفراق.. فترت معطيته ظهرها كانت تحاول تخفي جروحها تحاول تخفي حرقت قلبها وبصوت مبحوح: ارتاحي ؟؟.. تقول لي ارتاحي بعد ما قتلتني تقول لي ارتاحي.. خلني ابجي.. خلني اتعذب يمكن جروحي تتداوى و حرقت قلبي تنطفي
اهوه الي قعد يبجي تحت المطر و صرخ بصوت عالي: احبج
بدت اهيه تمشي و طاح الجاكيت من عليها شالته من غير ماتلتفت له
قعد يتكلم بصوت مخنوق يختلط فيه صوت البجي: بيي والله بيي
مشت للبيت و كان درب طويل تتذكر فيه كل الي صار بهالسنتين.. سنتين و اي سنتين كانوا دهر من عمرها وتوه راجع.. تتذكر شكثر اندلت عشان توصل له و تعرف عنه اي شي وشكثر كانت تبي تسوي عشانه بس كل الدروب كانت مسكره بويها..

نامت على ريحته لمت الجاكيت و كانت تعتصر من الألم و تقول راجع.. توه راجع كافي خلاص لاتذكرني انساني واعتبرني ماضي


النهاية


هناك 10 تعليقات:

Hashimoto يقول...
أزال المؤلف هذا التعليق.
bhr.qadsaweya يقول...

حاطه صورة و حاطه قصة ;)

شهالمتابعة توني نشرتها و لا كومنت

يعطيك العافية ومنور

Om MoD يقول...

اوووووف عجيبة ..

وموفقة حبيبتي ...ومشكورة على إهداء القصة لي :)

والصورة قمت الخطورة :)

بس شنو انتي رادة على منو ..التعليق اللي قبلج ممسوح :) ؟؟

كويتي يقول...

نصيحة شيلي الصورة ترى تاخذين آثام اللي يطالعونها

خصوصا انج حاطة فوق عن الامام الحسين و اكيد تدرين ان هالصورة ما تشرف اهل البيت كونج ماشية على مذهبهم

اهل البيت يقولون:
كونوا زينا لنا ولاتكونوا شينا علينا

و مع السلامة

bhr.qadsaweya يقول...

ام مود
بعد قلبي والله
وياج ان شاء الله

بالنسبة للصورة.. مادري؟؟

اي رد التعليق كان على هشام او هاشم و الله مادري نسيت اسمه بس الظاهر اهوه مسح تعليقه او انا بالغلط :)

ويعطيج العافية منورة

___

كويتي

احترم وجهة نظرك بالصورة
و صحيحة مية بالمية
بس ما راح اشيل الصورة عشان انا حاسته حيل عادية =)

وانا حاطته عشان اهيه تناسب القصة مو عشان شي

منور و يعطيك العافية

غير معرف يقول...

قصة حلوة و يسلمو هالايدي المبدعة

bhr.qadsaweya يقول...

جون
الله يسلمك يارب
وانت هم بلوقك حلو وايييد
منور البلوق بمرورك
يعطيك العافية

علي الملا يقول...

سيدتي ..
لقلمك جمال الرواية ..
ولقصر النص روح التماسك :)


المواصلة على الكتابة .. ترويض للقلم وتطويع للحروف
ولك المستقبل مفتوح وزاهر في هذا المجال ..

أسجل اعجابا هن ..
بالتوفيق

bhr.qadsaweya يقول...

علي الملا
منور =)
ومشكور على الكلام الطيب
يعطيك العافية

غير معرف يقول...

ashley
tisdale
العروس
عروس
موقع العروس
زفات  مكياج
عروس
مكياج العروس
تسريحات العروس
تسريحات عروس
أزياء
المحجبات

حوامل
مواليد
مجوهرات عروس
مجوهرات العروس
مجوهرات العروسة
اكسسوار العروس
اكسسوارات العروس
اكسوارات عروس
المكياج
مكياج
مكياج عيون
مكياج العيون
مجوهرات
العناية بالجسم
تسريحات
تسريحات شعر
تسريحات الشعر
تسر يحات
شنط
العاب
games
العاب بنات
جيمز