أحبك بكل اللذي فيني

لك مني...

تمنيــت بمثل هاليوم تكون بيديــني
ألمك و أبوسك و بعيوني أحطك
تلتقي عيونا و تحضن بعضها
وبشوق و بحراره ما ودنا عيونا ترمش
وتسرق الفرح منا

حبيبي مشتاقة لك شوق ذبح كل الحب اللي فيني و فجره
مشتاقة لحنانك ايدينك و روعة روحك

مهنا أحبك بكل اللذي فيني
أحبك ولو تشوف حال الروح من دونك شلون مجروحه
أحبك بكل اللذي فيني
أحبك
ربي يخليك و يحفظك لي و يبعد عنا شر الحساد
آمين

احبك

لك مني...

اهوى كلامك في سكوتك
اعشق صمتك بعيونك
أحبك حب وعيوني هاذي تقضخني
اذوب بلمت ايدينك
احبك بجنون جنونك
....

...: حياتي زنوووبه
تفتح عيونها من النوم و تبتسم تطالعه و تغطي ويها مرة ثانية...
يوخر الكمبل ويطيح فيها بوس: ماتبيني تقومين هااااا اعلمج... ويكمل.....

يدخل الحمام يسبح و تقوم اهيه تطالع ويها بالمنظرة و تقول بقلبها: أحبه اعشقه يارب تحفظه لي وتحميه
تقوم تروح تغسل بالحمام الثاني و تروح المطبخ تجهز له الريوق" اي اهيه جذي معودته قبل الدوام تحضر له الريوق و توكله"
تروح تدق عليه الباب: عمري بوهنوووووي حياتي يلا ماماتي ما خلصت
توها بتفتح باب الحمام جان يلمها من وراها و يبوس راسها: خلصت و لبست و ناطرج تسكرين زرارات قميصي
تسحبه من ايده و اقعده عالسرير و تسكر له زرارات قميصه.. تمسح على شعره الصغير و تبوس جبينه...
...: يلا حبيبي جاهز ريوقك
يقعدون عالطاوله تصب له الحليب مثل مايحب بالجاي
واهوه يسوي له ولها صمونه..: حياتي مع طمام و خيار؟
تبتسم لهو تحط الكوب يمه: اي ياعمريوكلني مثل ماتحب
تقوم تشب الفحمه و ترد مكانها توكله الزيتون و الخيار.. اطالع الساعه 6 ونص
تقوم تحط البخور و تبخره و تييب العطور و ترش له: فديتك حياتي
يبوسها و توصله لباب: اوووه حياتي انطر
تروح ركض و تييب له العصير تحطه بيده و تقول له تسلي فيه بالطريج
يضحك عليها و يلمها: اعشقك
تبوس صدره و توخره عنها : يلا عمري لا تتأخر,,, ناطرتك اليوم بشوق و لهفه
يودعها و يروح دوامه و تفارق جسجها جسده بس روحهم وحده


أحبك ربي يتمم علينا ويحفظنا من العين

اسيرة حبك

لك مني...


ابقى انا بحبك اسيـــرة...
وتبقى انت بقلبي اسير...
مانفترق لو كل واحد منا بديرة...
احبك و تحبني والدنيا عندنا عيد..
حبيبي باجر العيال ايون وبحضنا يكبرون...
نعيش و نكبر وحبنا بالحشى ما يصغر...
أحبك حبيبي
وتحبنيانا حبيبتك

أحبك
أعشقك
أهواك

على بالك خليني

حالي

لك مني...

حبيبي ..
الحال في بعدك مايسر
جفا من العالم  والموت اقرب لي
كرهت نفسي بغيابك
حبيبي ارجع لحضني
ارجع لروحي و ان ماشالتك روحي
بجفن عيني اشيلك

حبيبي  احبك
 

شحال العيد من دون رمشة عيونك

لك مني...

عيدك مبارك صاحبي وين ما كنت
عيدك مبارك يلي تبارك من حولك فيك
..
تعال و شوف شسوا غيابك
وشحال العيد من دونك
..
حبيبي كثر مالتفت و شفت زولك اللي سكن بالي
زارتني الضيقة و انا بوسط اهلي و ناسي
..
حبيبي اقرب لعندي وين ما كنت
ولملم الضلوع البارده و بيدك دفاها
..
وقول لي حبيبي عيدي معاج
يسوى الدنيا ومافيها
..
احبك

كل عام و حبيبي بوهنووووووي بخير

كل عام وانتوا بخير

رد عليي حبيبي

لك مني...

حبيبي..
رد عليي حبيبي...
يا اغلى ناسي ..

لا تروح عني..
اخاف بالظلمـة اعيش..

حبيبي ارجوووووك خلك يمي..
يابعد هلي تكفى رد..

لا تخليني بهالدنيا و تروح..
حبيبي لا تخليني من بعدك اتووه..

حياتي يا دنياااي..
رد عليي..


ترا قلبي من الوحدة بموت..
حبيبي لا تروح...

حبيبي احبك لا تروح..
رد عليي حبيبي رد

دخيل عينك

لك مني...

دخيــل عينك فيها خبيني,,
دخيــل قلبك فيه احضني,,
ودخيــل حضنك فيه موتني,,
وبضلوعك حبيبي جفني
انا اذا ماعشت بروحك
روحي تموت من دونك
وشلون تكون دنياي
ووش طعم الحياة بلياك
حبيبي دخيل عينك
انا كلي اتنفس هواك
احبك اعشقك اهوااك

بوهاني الغالي
أحبك لأخر نبضة من نبضات القلب

اعشق همسك و دفى لمسك

لك مني...


لك وحشة بروحي كسرت يا عمري ضلوعي ك كي

حبيبي و شلونك ؟!
وحشتني صوتك الدافي و همسك الوافي

حبيبي منشغل فيني و لا الهم شاغل بالك
انا يا عمري ما اقوى على فرقاك حتى ولو لحظة
لا تشوف الحال من دونك ابد ما ينطاق بالمره


عيني من الوله تدمع
خايفه عليك تحتاج للناس وانا مو يمك

حبيبي احبك
وانا بروحي لك كيانك و بيتك

اعشقك حيل
,,,
 يارب تكون بخير

انا و انت والدنيا ولا على بالنا

لك مني...

تشابكنا اليدين وعبرنا طريج فينيسيا

حرارة يده و قوتها ريحتني بشكل مو طبيعي..: حبيبي

...: عيونه

اطالع عيونه وودي المتلكها و اخشها: تسلم عيونك,, اعشقكــ

طالعني و يضحك و يقول : هذا اللي كنتي بتقولينه
مثل النظرة تميت عليها وسرحت بعيونه....: نسيت شكنت بقول ,, عيونك ذباااحه
حط يده على جتفي و قربني منه بخطوات سريعه ركبنا عتبات باب الشقة: محد غيرج الذباح
وصلنا و فتحنا باب الشقة وكالعادة نضحك منو بوصل عند الباب قبل يفتح لثاني الباب,, و كان اوهو الفايز
بس انا راضعه وي بليس على قولته "المفتاح كان عندي",,
ضحكت و طلعتهطالعني و قال: نصاااابه 
قربت فتحت الباب و قبل لا ادخل لميت ويه بيديني وبست خشمه العنونو,, مسكت ايده و سحبته وراي للصالة
سكر الباب و سحبني بقوة لصدره:انتي حقي احبج احبج احبج
شبكت ايديني ورا ظهره وطالعته بحب: منو يقول غير هالحجي 
طقاني على راسي و اوهو يضحك : ههه غصبن عليج 
تميت لامته و قلت: احبك مو غصبن عليي طيب مني احبك وحيل حييييل حيييييييييييييييييل

بدلنا و قعدنا عالقنفات انا قاعده و اوهو منسدح على ريولي يقلب بالقنوات و يتأفأف
العب بشعره و اطالع حركاته و ميت قلبي من الوناسه عليه" شكر اهبل حبيبي زووووووغة مثل اليهال يتأأف مافي شي يطالعه يفهمه"
شافني ابتسم طق خشمي بالرموت: على شنو تضحكين ام خشم 
قربت لراسه و بسته وسحبت البوسه لأذونه و عضيتها على خفيف: مستانسه عليك 
مسك شفايفي و دزهم على خفيف و ضحك: حبيبتي مفترسه ها,,,, قام على طوله وسدحني عالقنفه وانبطح عليي
طالعني بنظره شريرة و قال: اعلمج منو المفتترس.....



احبه 

انت حياتي وانت انا و انا انت

لك مني...

حياتي ..
تعودت تقرا كلماتي و تنتظرها بكل شوق وكل مرة ماتشوفني كاتبه شي تسألني ما نزلتي شي يديد؟؟
مو لانك ماتدري بس لان كلماتي وحشتك وما تبي تقول لي كتبي ...

احبك خةفك على مشاعري و احب اسلوبك الحلو و الذرب
حياتي
قلبي
ميهاااااوي
ماتدري شكثر انت مهم بحياتي
ماتدري شكثر حمدلله  انت نعمة من الرحمن
ماتدري شكثر اخاف عليك حتى من عيوني 
اي حتى من عيوني اخاف لا تغمض عيوني
اتغمض عيوني وانا للحين ما تمعنتك عدل
ما راح اقول  شبعت منك لان لو اعيش عمري ثلاث مرات و خمس لا يمكن اشبع منك

حياتي ابيك تعرف شي واحد انت انا  و انا انت
واللي  انا فيه الحين لأن انت موجود معاي من البداية
و الحين انا فيه و الللي ماخذني منك هدا انت سويته لي
انا تعبانه حيل لان الشي اللي عطيتني اياه اهوه اللي قاعد ياخذني منك !!

 احبك كلمة اقولها من صميم القلب

اتمنى تكون حياتنا اليايه مثل ايام بداية علاقتنا 
واتمنى من كل قلبي ان ربي يجمعنا و ينور دنيتنا بوجوده وذكره بينا و بجمعتنا حوالين بعض

احبك حيل حيل واعشقك حيل حيل