احاول أحبك

...: آآآه يالزمن شلون رميتني جذي

اطالعه بعيون فيها حب وبنفس الوقت كراهيه ممزوجه بالحزن وبقلبها تقول: شذنبي اكون معاك و شذنبك انت معاي شذنبي اني اخونك بتفكيري وانت شذنبك اذا قلبي مو لك..

..يتحرك فوق السرير وتحس انه قعد من النوم وبسرعه تسوي روحها راقده

اطالعها وجنه شايف ملاك يتأمل ويها وبراءته.. يبوس راسها و يقوم يغسل..

ومع الظلمة الي كانت عايشتها بهالحظة كانت تحترق: ليتك تعذبني ولا انك تغرقني بحبك..

تفتح عيونها وتاخذ نفس عميق وتسي دمعة الم من عيونها ومع هالدمعه صبر

يدخل الغرفة و ينتبه انها قعدت يقرب منها: صبااااح الجوري يالجوري كله

تبتسم له وترفع خصلات من شعرها عن ويها: صباح النور

...: الله لايحرمنا هالأبتسامه الحلوة

تقوم تغسل وتروح تزهب الريوق له تناديه عشان ايي يفطر

ايي و يقعد بمكانه على الطاولة ومع قعدته تحاول تبدي معاه بروح يديدة روح ثانية تحاول تحبه فيها..

توه بمد يده عشان ياكل تمسكه: اليوم انا اوكلك

تسوي لها توست و توكله بيدها تشربه الحليب وتمسح شفايفه

يخلص ويغسل يروح يكمل لبس تيي لها تساعده

...: حبيبتي اوصلج معاي

...: لا مابي أأخرك ارووح بروحي .. مع ابتسمه

...: على راحتج عمري.. مشكورة على حبج لي

ويلمها و تبوسه ويطلع من البيت بأحلى شعور تاركها مع شعور كله تعذيب

مبروك مقدما حبيبة ألبي

تذكرون ريفيجتي الي قلت لكم عنه قبل فترة انها انخطبت وجذي

وحتى كتبت لكم قصة مخطوووبة بمناسبتها ...

هــــــا تذكرتون ؟!!

هالسبوع يوم الخميس ملجتهاااااا D:

وااااااي وناسه

طايحين فيها تخرع و اهيه مسكينة على نياتها

^_^

سوت لها سفرة عجم بس وللحين ما وصلتها

واهيها تحاتي

وحنا لازم نواسيها

نقول لها الظاهر بتوصل لما يوم الخميس بعد ما يطلعون المعازيم ...لووووول

عاد قالت تبي عسل حق السفرة

ويبنا العسل و سويناه ولكن كان في جرحى ومصابين

انا عني ثلاث اصابع احترقوا و انتفخوا و صاروا مثل

النفافيخ

تسوى علينا؟؟

يلا شنسوي بعد ذنبي انج صديقتي

('?')

لكن بتوحشيني تعودت عليج كل سبوع ابيتنا و لا ابيتكم

الحين وييييينج يا فلانه طالعه مع الخطيب

راحت علينا

:)

الله يوفقج ويهنييج

يالغالية

___________

كبرياء وردة

حبيبتي هالوردة لج ;)

ويعطيكم العافية

غرس او درز العود

لك مني...

غرز و درز العود هو موسم بالسنة ابفصل الربيع( واي ربيع يا حسرة )

فية تنمو الزروع و تثمر الورود وتتفتح الزهور

والي وده يزرع في بيته ماله الا بهالموسم يزرع وبتيي السنة اليايه

وان شاء الله كل شي مثمر

وهاذي صور من حديقتنا

وقولوا ما شاء الله (;

الله لايحرمني حبك و طيبتك

لك مني...

يدخل البيت وتكون ناطرته بأحلى ابتسامه ارتسمت على شفاتها: هلاااااا يا قلبي يابعد جبدي

يلمها و يبوس راسها تشيل الغتره و العقال من على راسه: يعطيك العافية حبيبي

يقعد ويسحبها على ريله: الله يعافيج يالغالية قولي لي شلونج انتي؟؟

ويحط يده على بطنها: وشلون بوحمود معاج عسى ماتعبج اليوم؟؟

اطالعه و تضحك: مسرع ما سميته بوحمود شدراك يمكن بنية حلوة (رغم انها تدري انه ولد)

يمد يده لخدها ويكلمها بكل حب: يه يه وانا من قدي ليااااات لي بنية اموووووورة مثلج لا ومنو امها بعد حبيبة قلبي نوااااافة

تاخذ يده من على خدها و تشبكها بيدها وكلها حيااا تحاول كثر ماتقدر ماتبين خجلها: يلا يلا خل عنك العيااارة و قوم مسوية لك خوووش طبخه قوم اسبح و صل عالنبي و تعال عشان تاكل لك لقمة

وتقوم تمشي شوي شوي بوزنها الثقيل و ايي حمود حبيبها: فديت الخطواات انا يااااعمري يااعمري

تمشي عنه ولا تعطيه ويه واهوه شغال بالغزل فيها: فديت الطول انا وفديت الويه المورد.. عاد مايندرى الحمال محليييج و لا انتي حلوة من قبل

توقف ويوقف معاها وبعصبيه مصطنعه: شلون يعني حمودو ماتروح تصلي وتيي تاكل

واهوه مثل الياهل الصغير الخايف: لاا ماما انا صليت بالدواام

وتخزه واهوه يكمل الدور وينزل لعند ريلها ويسوي روحه بصيح: صدقينــي..

تيود (تمسك) يده وتسحبه لعندها فوق وتخليه يوقف: الله لايحرمني حبك و طيبتك..

وتبوس راسه و تمسك يده و يمشون للمطبخ جنهم ماشيين مع بعض للمطار لشهر العسل..

الله يديييم المحبه يا رب

صدفة

لك مني...

نادريركب سيارته الظهر راد البيت من الدوام بالسيارة قعد يدندن اغنيه مو ناسيكم..: وش الي جاب طاريكم و رجع لي الأمل فيكم رجعت من ثاني لجروحي بعد ما كنت ناسيكم.. حده مندمج مع الغنية

وقف لأن الأشارة حمره وقعد يلفلف براسه واهوه يغني: وانا الي لابغيت انسى و ادور غيركم مرسى

و انصدم ان البنت الي يمه بالسيد (الشارع الثاني) قاعده اطالعه و ميته علية ضحك

نادر انحرج واهيه بعد وبسرعة ابتسم له و اهوه بادلها الأبتسامه و يقول بقلبه: شرايج اتيين تقعدين وياي بعد..

وبس اشتغلت الأشارة نادر طار بالسيارة ولا درا عن الي يمه , وصل البيت تغذى ونام و قعد و راح بيقعد بالصاله مع امه و خواته , توه بينزل حس ان اكو حريم بالبيت تنحنح و غير طريجه للمطبخ

نادر: ميري منو عندنا؟

ميري:dana's friend sir

نادر: والله مادري شتقولين.. خل ابدل و اطلع ابرك

بدل نادر ملابسه وحمل عصاته و طلع بروح يلعب سنوكر وي ربعه

ركب السيارة وحط جنطة العصاة وفتح باب الطبيلة (الكراج) ولايشوف سيارة بويه نزل من السيارة و طلع برة وبعصبية: يااربي سيارة منو هاذي الحين.. والله اوادم

دق على ربعه و قال لهم يمرونه و قعد يدخن بالحوش

سمع صوت هرن و طلع وقبل ما يركب مع ربعه فش تواير السيارة الي موقفه على الطبيلة

راح و لعب و استانس و تعشى و رد البيت بالليل

نادر: قووووة يا اغلى ام و يا اغلى أخت بالدنيا

الكل: الله يقويك

الأم: وينك اليوم ما قعدت ويانه يا وليدي.. و تغمز حق بنتهاا و تكلم نادر: يوم يبناها لك ما قعدت ويانه

نادر الي فهم على امه و ضحك: اي اصلن ماابيها عندي غيرها مو دنوي.. وقعد يضحك اهوه و اخته

صوت ياي...: يلا خالتي انا استأذن

الأم: توه الناس يا بنيتي تعشي ويانا

...: عشى و الخير يا خالتي

الأم: الله وياج حبيتي مع السلامة

نادر تفاجأ من البنية: يما يما منو هاذي

الأم: توك عندك غيرها والحين منو هاذي و مشت عنه

نادر يكلم اخته دينا: صج صج دنوي منو هاذي

دينا: عجبتك

نادر: لا والله عن البياخه و قولي لي منو هاذي

دينا: ريفيجة دانة ماتشوفها رايحه توصلها للباب

نادر راح يم الباب و لا اخته دانة بويه: دندن دندونه

دانة: هههههههه يا عاشق زماانك انته عيل اليوم تغني بعواطف جياشه هههههه

نادر:ههههههههه عنبوة سيدة قالت لج.. شكو ترز ويها وتطالعني

دانة: بتضحك ابلاش وما بطالعك.. يلا يلا تصبح على خير

نادر: وانتي من اهله

وصعد نادر داره واهوه قاعد يغني

دينا: ندووور احد قال لك صوتك حلو

نادرالي كمل الغنية و ما اهتم لها: ولي ولي

وعلى السرير قعد يدندن نفس الغنيه و تذكر الموقف الي صار معاه

وقعد يضحك: والله صج انا عليي فناتق.. عاد البنت حلوة ليش ما حاولت اكلمها لا لا شكلها ما عندها هالخرابيط .... وراح بسابع نومه

اليوم الثاني عالغذا

دانة اطالع اخوها: يما تصدقين البارحة عيال الفريج الي مايستحون فششوا توايرسيارة سارة

نادر الي تبلعم وقعد يسمع و اهوه ساكت

الأم: صج مايستحون

دانة: واهيه المسكينة استحت تدخل البيت مرة ثانيةعاد قعدت تنطر بالسيارة لما اخوها يه لها

الأم: مسكيينة ماعندها سالفة جان ادخلت

نادر يقول بقلبه: انا شسالفتي وي هالبنية

الأم: نادر يما اكل دياي

نادر: اي اي باكل باكل ويبتسم

بعد الغذا نادر سحب اخته دانة: دااااانواستسمحي لي من ريفيجتيج

دانة: ليش شمسوي انته اسم الله عليك

نادر: دانوو عن السخافة عاد

دانة: انا ماني امفشلة روحي زود معاها

نادر: خلاص خلاص عطيني رقمها ادز لها مسج انا ابرك منج.. خوات عالفاضي

وبالليل نادر اخذ رقم سارة من دانة وقال بدز مسج طالع الساعه و لا توها 10 قال خل ادق عليها وصج دق نادر على سارة: الو سارة

سارة: نعم

نادر:انا اخو دانة

سارة: هلا خير دانة فيها شي

نادر: لا والله بس حبيت اعتذر عن ..

سارة: لا مسموح بس مرة ثانية دور انتقام اهون من هذا

نادر: ما كان قصدي

سارة: حصل خير مو مشكلة.. شي ثاني؟

نادر: لا مع السلامة

وسكرت سارة الخط

ونادر قعد يفكر فيها .. ياربي شكثر اهيه مأدبة ماعطتني مجال حتى على طول تبي تسكر

وين عوويش اللزقة تشوف البنات شلون يتكلمون

ويرن التلفون يرفع نادر التلفون و لا عويش داقة..: صج عمرها طويل

سد التلفون بويها و سكر جهازه: مالي خلق ملاقتها.. وبعدين لمتى انا بظل جذي عمري 25 سنة جنة لازم اتزوج و استقركل ربعي تزوجوا و الي صار عنده يهال بس انا.. لا لا انا من باجر بكلم امي تخطب لي وبهد السوالف و الخرابيط

وباليوم الثاني نادر من الصبح قعد وراح الى امه : صبج الله بالخير يمة

الأم: هلا بوليدي.. علامك اليوم قاعد مبجر

نادر: اي و الله ما ياني نوم البارحه

الأم: خير شفيك

نادر: ما فيني شي ما علينة يما قولي لي ماودج تصيرين يدة

الأم: وبكل فرحه صج تبني اخطب لك وتلم ولدها

دانة: شفيييه ندوووور

نادر: ماكو شي ماكو شي وانتي بكل شي حاشره خشمج

دانة: خلصني قول لي اعتذر حق سويرة

نادر: اي اي بس خلصنا

الأم: شفيها سارونة

نادر: يلا يلا يما احنا بنطلع

و يمسك دانة من ايدها لعند الباب: سمعيني وياني وياج اتفتحين حلجج وتقولين شي حق امي

الأم: نادر شرايك بسارة

نادر : خلاص خلاص يما بعدين

دانة: ليش شصاير

الأم: ندور يبي يتزوج حبيبي وعاد انا قلت نخطب له سارة حلوة و صغيرة و تناسبه

دانة: اي عاد سارة تناسب نادر خصوصا اهوه متعود يعني يغني و يفشش تواير

نادر: يما سكتي بنتج ترا بهون يلا مع السلامة

الأم: ماتيوزين عن طبعج انتي زين نحشتي الولد

دانة: ماعليج يما قولي تبيني اجيس نبض البنية؟؟

الأم: مالت عليج بس مالت عليج انا اكلم امها انتي طلعي منها

وبعد جم يوم ام نادر كلمت ام سارة واتفقوا يزورونهم عشان يتعرفون عليهم

وبعد شهر صارت سارة من نصيب نادر وتزوجوا و حبوا بعض

وظل نادر يغني و يش الي جاب طاريكم حق سويرة ; )

النهاية

هارد لك للقادسية

و

مبروك للعربي الفوز 2/0

LOVE U DADY

لك مني...

قبل جم يوم ابو ريفيجتي توفى الله يرحمه و يغمد روحه الجنه شفت ريفيجتي شلون اهيه كانت تبجي ومتعذبة على فراقه ابوها الغالي ..

صج الله يصبرهم و يعينهم

قعدت افكر و احمد ربي الف مره ان ابوي موجود ويانه

وكنت احاول احط روحي مكانه بس صعب عليي اتخيل الموقف

الله لا اييب ذاك اليوم ولا يحط احد فيه

وقعدت اتذكر ابوي شلون يحبنا...

لما كنت صغيرة كنت دلوعة ابوي مع ان لاني اكبر وحده ولا كنت الأصغر و لا البنت الوحيده ..

اذكر لما كان يسافر كان لازم يدق ويسألني: زنوبي شنو تبين اييب لج

وكنت كل اقول له ابي لعبة ولما يرد من السفر كالعاده كنت اروح معاهم المطار و بالسيارة ارقد

ولا اشوف ابوي و اهوه ياي

اذكر مره كان ابوي راد من دبي

و ياب لي لعبة كبيرة حتى كانت اطول مني

واذا تصفقين لها كانت تغني ( الثعلب فاد فاد..)

طبعا على ايام اول كانت شي عجييييييب

وحدي استانست عليها لانها من عند ابوي

وانا احب الوالد اكثر من الوالده يمكن عشان مخلينا على راحتنا اكثر

وطبعا اذا امي كانت تصرخ عليي ما اتأثر

بس من ابوي بيتكلم معاي و انا مسوية شي غلط حتى لو ما صرخ كنت على طول ابجي

مادري يمكن تقولون دلوعه ولا شي

بس كلام الأبو وحنانه غير ,غير عن كلام الأم وحبها و حنانها

والله يخليهم لي و يخلي لكم امهاتكم و ابواتكم

ويصبرج يا حبيبتي على فراق ابوج

الله يرحمه

.

ويعطيكم العافية

نسانـــــي

نسانــــي

وذبل الورد في غيابه

نسانــــي

وراح بطريج لحبابه

نسانـــــي

وترك قليبي يدمي في غيابه

نسانـــــي

ومات الحب العايش بفؤاده

نسانـــــي

وعاش همه حياته

نسانـــــي

خاين العشرة ولاسأل ولا داره

انا ادري ماوده على الفرقى يتعدى

ولكن انجبر و الله..

كلام كنت اسلي نفسي به

تحت المطر

لك مني...

بعد سنتين غيبة يدق عليها: انا تحت يم البيت..

تطلع ركض برا البيت تحت المطر من دون اي شعور تلمه من دون ماتعرف سبب غيبته و انقطاع اخباره.. كانت فرحانه و تبجي بنفس الوقت, نست كل شي بحضنه نست عذابها في غيابه و نسيت المها لفراقه كل الي كانت تفكر فيه ان صج, تلمسه بأيديينها صج!!

الي قاعد يصير صج اهوه الحين يمي.. هذا حبيبي.. هذا اهو.. هذا عذابي..

يسحبها و يرجعها للواقع يسحبها تحت الشجر: آسف و الله آسف.. كنت مجبور سامحيني

تحط اصابعها على شفايفه: مسموح.. مسموح.. مسموح يلي تتعذر, ما ابي اعرف انا ادري,

وتهز راسها وتبتسم و تمسح دموعها: ادري انك كنت تحبني ادري, وتخنقها العبره

اهوه: للحين احبج و بظل احبج صدقيني, و تشهق من البجي بحضنة

شال يده عنها و مسك ويهها: لاتبجين.. حبيبتي كل شي بيتصلح, ويبوس راسها شال الجاكيت عنه و حطاه عليها مسك ايدها و راح معاها عند الباب: ارتاحي الحين باجر بكون بينا كلام وايد, باس يدها و مشى..

اهيه الي نادته بصوت يقطع القلب و التفت لها و قال: عيونه

اهيه: قبل سنتين بنفس هاليوم و تحت المطر وعدتني نفس هالوعد نطرتك بس ما ييت.. نطرتك انا.. نطرتك

اهوه الي دمعت عيونه: سامحيني

ابتسمت له رغم الآلام الي طرت على بالها بهاللحظة ألم السنين الي مرت عليها وألم الفراق.. فترت معطيته ظهرها كانت تحاول تخفي جروحها تحاول تخفي حرقت قلبها وبصوت مبحوح: ارتاحي ؟؟.. تقول لي ارتاحي بعد ما قتلتني تقول لي ارتاحي.. خلني ابجي.. خلني اتعذب يمكن جروحي تتداوى و حرقت قلبي تنطفي

اهوه الي قعد يبجي تحت المطر و صرخ بصوت عالي: احبج

بدت اهيه تمشي و طاح الجاكيت من عليها شالته من غير ماتلتفت له

قعد يتكلم بصوت مخنوق يختلط فيه صوت البجي: بيي والله بيي

مشت للبيت و كان درب طويل تتذكر فيه كل الي صار بهالسنتين.. سنتين و اي سنتين كانوا دهر من عمرها وتوه راجع.. تتذكر شكثر اندلت عشان توصل له و تعرف عنه اي شي وشكثر كانت تبي تسوي عشانه بس كل الدروب كانت مسكره بويها..

نامت على ريحته لمت الجاكيت و كانت تعتصر من الألم و تقول راجع.. توه راجع كافي خلاص لاتذكرني انساني واعتبرني ماضي

النهاية

يـــــــــا حسين.. يــــــــا مظلوم

صور من ليالي عاشوراء

للموت للموت نعشق محرم فاليعتلي الصوت

ماشفنا بعد معرس يمشي من غير زفافه.. غير ابن الحسن

القاسم

عباس يا عيوني ترضى يدلوني و لشام يهدوني

مابين عدوان و كفر

العباس

شفتوا احد ذبحوا على صدره رضيعه جدام عينه اتعثرت سهم المنية,

يوم اللذي شفته يلوح ذوب حشاي شلته ورحت للقوم اطلب الماي

جاه السهم من حرمله وتعثر حداي يديه على رقبتي لواها شبح لياا

....

لكم يا شيعة تحملت هاذي المصايب حتى حريمي تسلبت بالغابرية

العطش العطش يا عمتااه

العطش العطش يا ابو فاضل

اننا للموت عشاق الحسين

,,

الليلة الحسين يودع عيلته

لعنة الله عليكم

,,

وبجذي مع آخر اصوات الطبول و التطبيرات خلصت عاشوراء

والله مايعيده الا على طويل العمر

يعطيكم العافية

____________

مبروك يا جمهور الأزرق

وهارد لك لنا

^_^

كليــــــــــــــــــناهم.. خليجي19

لك مني...

كليناهم كلاهم الذيب الحمر

3-1

هارد لك للعراق

يعطـــيكم العـــافية

.........