things by my hand/ paris's birthday

*

*

*

happy birthday
7abebty

paris

wish you all the best in your life

('?')

&

stay cool

oO

Ya36eecom el3afya

Swalfy oO 25r a5baree

قوة

شابات و شباب و شياب ;)

شلونكم عساكم طيبين ؟!

ادري مقصرة معاكم واايد بس اعذروني العتب عالظروف

الله يسلمكم يا محفوظين السلامة مثل ماتعرفون اني تخرجت و الظاهر من الفرحة و الوناسة

عطوني عين ( عين ما صلت عالنبي ) << الي يقول الأولى عالبحرين

بس طلعت النتايج مني انا طحت بالفراش مني ..

صخونة و بلاعيم << انفلونزا الخنازير

رحت المستشفى بعد عناء طويل ولا يصدموني بغرفة مكتوب عليها (( غرفة العزل ))

و باللون الأحمر !!!!

انا هني شكيت بروحي خلاص قلت اكيد فيني هالمرض

اعدت اعيط و اعيط

و لا بعدين يقولون لي لا عادي ماكو شي هاذي اجرءات للي تظهر عليهم اعراض المرض

الوالدة الله يسلمها هني عصبت و قعدت تصرخ مع الدكتورة : انتوا بلول تدرون شفيها عشان سيدة غرفة العزل و مادري شنو احنا و الله مافينا شي ...

وبعدها بجم يوم صرت احسن من __ ومافيني الا العافية

وايي بسوي روحي احسن ديزاينر و اقول بغير شكل البلوق مالي ولا اقلب الدنيا فوق حذر و اعفسة ولااااا مااعرف اردة بعدين مثل ما كان و ضاق خلقي و اقرر اني ما اكتب شي الا لما يرد مثل قبل :(

ولكن كتبت و بلوقي للحين ما تعدل

.

طبعا احنا خريجين و لازم لنا حفلة تخرج و قبلها اكو بروفة و انا نسيت موعد البروفة اقعد داك اليوم متأخرة و ابدل و طيرااااااااان عالصالة وصلت و لا ينادون اسمي و اروح اصف وياهم يعني عالوقت بالضبط

بعدها بجم يوم كانت حفلتنا التخرج كانت وااااايد حلوة و استانست و ااااايد كانت مرتبة بس بدت مبجر قبل الموعد و اهلي مايوم الا الحفلة بادية وكنت بصيح ادور امي و ابوي مولاقيتهم لكن الحمد الله اوصلوا بعد عشر دقايق و بعدها كرموني و كان قلبي يدق كنت خايفة يصير فيني شي مثل ما اشوف بالأفلام اتعرقل و اطيح عالدري و لا اتخربط ومادري من وين اركب لكن الحمد الله عدت على خير و قططنا الكبابيس

وتخرجت رسمي D:

وصورت مع الأهل و كل ريفيجاتي و المدرسات كلهم

لكن بوسط هالفرحة كانت في غصة غصة فراق ريفيجاتي بيوحشوني واااايد اموت فيهم حبايب ألبي و كلهم بعد جبدي لو بكيفي اظل طول عمري طالبة بس اظل معاهم ماتوقعت فراقهم صعب :)

و الي ضيق خلقي زود لما رديت البيت ريفيجتي دزت لي مسج تقول فية:

بودعكم انا اليوم وداع بشوق نلقاكم

ولاتجوني بعتب أو لوم انا ما اخترت فرقاكم

انا برضى بالمقسوم

ولكم و الله ما انساكم

بودعكم و انا ملزوم

فمان الله يرعاكم

___

حبيبتي الطيارة بتوحشيني واايد

.

ومع هالكلمات انا بختم بوستي الطويل

بس قولوا لي شتنصحوني فية صيدلة و لا دكتورة طب اسنان

؟؟؟

والله ييحفظكم من كل شر

و

يعطيكم العافية

تخرجت D:

واخيرا بعد عناء طويـــل

وسهر الليالي والهلوسه مع الكتب

تخرجت

.

تخرجت من M.S.S

وبجموع الحمد الله

بعد جم يوم حفلة التخرج

شكثر انا فرحاااانة مستانسة

الحمد الله

عقبالكم كلكم و عقبال عيالكم يا رب

('?')

وطبعا اكييييييد مبروك لكل القدساويين

فوز القادسية

والذي جاء عن طريق الضربات الترجيحية

و

عاشوا بني قااادس

يعطيكم العافية

كل سنة و انتي طيبة

لك مني...

بالفترة الي عدت كان عيد ميلاد شخص عزيز عليي واايد

و هم كان عيد ميلادي D:

وبهالمناسبة حبيت اكتب هالقصة و اهديها له لأن اهوه متابع وبشدة حق بلوقي

يعطيكم العافية

بكل احساس و رومنسية مع ضو الشموع و نور البدر و صوت الموج يداعب الرمل

يوصل جمال محتضن ايدين حبيبة ..

ساند حبيبة بوزنها الثقيل : شوي شوي عمري.. قربنا قربنا

حبيبة: انت ماتقول لي وين يايبني لو اييني الطلق مرة وحده

يقاطعها : حاسبي حبيبتي هني عتبة ..

يدخلون الشالية ويصك البلكونة ويسحب السكارف عن عيون حبيبتة

تتحلطم جمال شهال... وتنصدم بمكان خيال ورد جوري بكل مكان اليوم عيد ميلادها:آآآآه حبيبي عيد ميلادي انا؟؟

تلمة و تبوسه وتدمع عيونها : يابعد عمري .. مافي احلى منك بالكون كله

واهوه بكل فرحه: كل سنة و انتي طيبة يا اغلى ما خلق ربي

..اطالعه و عيونها كلها حب وبقلبها تلوم نفسها على تحلطمها عليه طول فترة حمالها : و انت طيب يانور عيوني مشكوور.. انا نسيت و انت مانسيت

..: ما انسى شي يخصج

...: يا حياتي انت

يمسح على شعرها ويطالع عيونها: احمد ربي ليل و نهار ان كتبج من نصيبي

تطالعه بعيون مستحيه و بخجل من معاملتها له بالفترة الي مرت و بكل حب يجازيها :... أحبك

وظلوا تحت النجوم الي تعانق بعضها و مع نسيم البحر يتبادلون احلى كلام الحب و العشق حتى طلوع الفجر

______

منـــ لسانــ حبيبيـــ ...

لك مني..

بينمـا كـنت بين أحضـان حبيبـتي الدافئه

أحسسـت إني ثمـل مع انني لم اشرب شيئا

كانت شفتيها تغويني فقد كانت اسنانها تتلامـع كأنها كمـن احتسى شيئا من النبيـذ

فأخذت شفتاي تخـونونـي وتقترب شيئا فشيء حتى وصلت إلي منبــع المنهل

ارتشفت الكثير الكثيــر لعلــي كنت اشبــع.. ولكننــي من جنس لا يشبــع

حرارة وجنتيــها احــرقتني فهذا ما اجبرني على التوقف

كمـا ان الغيرة لم تتـركني فقد بدأت خصـلات شعرها تـعانق عنقها وتتـدلى على كتفيهـا

فلم اجد الا ثغر شفــتاي يداعب محل تلك الخصلات ...

فأيقنت وقتــها فقط بـأنني فـي أحـلى حـالات الثــمول و الســكرة

________

كيدهن عظيم

ثلاث سنيــن

لك مني...

بعد فراق ثلاث سنوات, شافتة و طاحت عينها بعيونة..

شافها و شاف حبها له الي لطخاه والجرح الي جرحها اياها

خانتها دموعها و بدت تغورق عينها.. تبي تتحرك من هالمكان.. تبي توخر عن هالناس و عن هالزحمة و الأصوات الي كانت تقرب المسافة بينهم .. لكن ريلها ابد ما طاوعتها..

توها بدت تنساه توها بدت تصدق ان مو لها

بدى يقرب منها و بكل خطوة تشم ريحته اكثر تحس بتعطش روحها له

قرب و قرب لما وصل لعندها حس برجفتها حس بحرارة ويها حس بدموعها الي كان اهوه من يمسحهم تذكر وتذكر الأيام الي عدت كان حبيبها و روحها والحين مايقدر حتى يكلمها..

طافها ووقف وراها بدت ايده تقرب من ايدها و لسانه نطق اسمها من غير شعور

صوته و همسته اسمها من شفافه حركت احساسها الي مات حركت كل ذرة حب بقلبها

كانت الأفكار في بالها تتصارع تبي تلمها تبي تروي العطش الي داخلها تبي تبجي على صدره تبي تقول له ان اهيه مانستها وهم تبي تجرحه مثل ما جرحها تبي عذبة شوي من العذاب الي سقاها اياه..

نفسها كانت اعز, نفسها الي ذاقت طعم الموت من جرحه من اختياره الفراق

مشت ودموعها بدت اطيح.. جنها اهيه الي خطت واهيه الي عذبت

ثلاث سنين مرت وحبهم بالقلب باقي

لكن الظروف .. و آآه يالظروف

يهالكورس خلص عاد

قبل سبوع

بدينا اختبارات و الحمد الله اول اختبار كان حده اوكي و فاتحتها خير

لكن الأختبار الي بعده كلش مادري شصار

يبت درجة انقهرت عليها من قلب مو عشان الدرجه لنفسها عشان توقعت اني اييب احسن

لان الأختبار كان سهل وكنت دارسه عدل بس الله ما كتب

لكن الحمد الله على كل حال

حايشتني حالة ارق

من الأختبارات ما اقدر ارقد بالليل و اذا تغط عيوني

احلم بأختبارات صعبة و اني ما سويت زين اقعد من النوم اتقلب

ارجع اصلي عالنبي واقره آية الكرسي لحد ما ارقد

لكن ارد اقعد

ياربي مابخلص الكورس الا و روحي طالعه

ريفيجاتي من صوب و الدراسة من صوب

على آخر كورس كل وحدة تتهاوش مع الثانية و الي يتزاعلون

والي يوم تشوفينها معاج اوكي و يوم الثاني تقلب عليج

واااي حدي لايعه جبدي

_ __ _

قبل سبوع تقريبا كنا رايحين مسابقة مالت العاب القوى

وكل المدارس فيها يعني الي مو شايفه من سنين تشوفه

..

شفت ريفيجتي الي كنت واااايد كلوز معاها

كنت على طول معاها بس بسبة شي كل وحده راحت بتخصص ومسار

وماعدت معها مثل قبل لكن اهيه تدري شكثر انا اعزها ,احبها واهيه بعد بالمثل

لكن سويت حركة بايخه مادري اذا انا الي غلطت و لا اهيه

اول ما شفتهh صديتها

و ريفيجتي الثانية يات تسلم عليي

بعدها مشينة ودخgنا داخل استاذ البحرين

وطبعا اهيه سوت روحها ما شافتني

مع ان ريفيجتي الثانية قالت لي ان فلانة شافتج من بعيد و على طول قالت لي ..فلانة تحجبت لا

((اهيه شافتني شلة ماتيي تسلم عليي؟!!))

وبعدين بالمدرجات اهيه عدت و لا جنها تشوفني عقب رحت انا سلمت عليها

المهم رجعت البيت حدي منقهره

مو عشانها اهيه عشان اختها الي لما شافتني يات و لمتني و قالت لي شافتج اختي

ابتسم ابتسامة برود و هزيت راسي

..

لكن ميخالف يوم الخميس اكو يمعة بنات واكيد بشوفها

و اردها لها ان شاء الله

('?')

ويعطيكم العافية

احاول أحبك

...: آآآه يالزمن شلون رميتني جذي

اطالعه بعيون فيها حب وبنفس الوقت كراهيه ممزوجه بالحزن وبقلبها تقول: شذنبي اكون معاك و شذنبك انت معاي شذنبي اني اخونك بتفكيري وانت شذنبك اذا قلبي مو لك..

..يتحرك فوق السرير وتحس انه قعد من النوم وبسرعه تسوي روحها راقده

اطالعها وجنه شايف ملاك يتأمل ويها وبراءته.. يبوس راسها و يقوم يغسل..

ومع الظلمة الي كانت عايشتها بهالحظة كانت تحترق: ليتك تعذبني ولا انك تغرقني بحبك..

تفتح عيونها وتاخذ نفس عميق وتسي دمعة الم من عيونها ومع هالدمعه صبر

يدخل الغرفة و ينتبه انها قعدت يقرب منها: صبااااح الجوري يالجوري كله

تبتسم له وترفع خصلات من شعرها عن ويها: صباح النور

...: الله لايحرمنا هالأبتسامه الحلوة

تقوم تغسل وتروح تزهب الريوق له تناديه عشان ايي يفطر

ايي و يقعد بمكانه على الطاولة ومع قعدته تحاول تبدي معاه بروح يديدة روح ثانية تحاول تحبه فيها..

توه بمد يده عشان ياكل تمسكه: اليوم انا اوكلك

تسوي لها توست و توكله بيدها تشربه الحليب وتمسح شفايفه

يخلص ويغسل يروح يكمل لبس تيي لها تساعده

...: حبيبتي اوصلج معاي

...: لا مابي أأخرك ارووح بروحي .. مع ابتسمه

...: على راحتج عمري.. مشكورة على حبج لي

ويلمها و تبوسه ويطلع من البيت بأحلى شعور تاركها مع شعور كله تعذيب

مبروك مقدما حبيبة ألبي

تذكرون ريفيجتي الي قلت لكم عنه قبل فترة انها انخطبت وجذي

وحتى كتبت لكم قصة مخطوووبة بمناسبتها ...

هــــــا تذكرتون ؟!!

هالسبوع يوم الخميس ملجتهاااااا D:

وااااااي وناسه

طايحين فيها تخرع و اهيه مسكينة على نياتها

^_^

سوت لها سفرة عجم بس وللحين ما وصلتها

واهيها تحاتي

وحنا لازم نواسيها

نقول لها الظاهر بتوصل لما يوم الخميس بعد ما يطلعون المعازيم ...لووووول

عاد قالت تبي عسل حق السفرة

ويبنا العسل و سويناه ولكن كان في جرحى ومصابين

انا عني ثلاث اصابع احترقوا و انتفخوا و صاروا مثل

النفافيخ

تسوى علينا؟؟

يلا شنسوي بعد ذنبي انج صديقتي

('?')

لكن بتوحشيني تعودت عليج كل سبوع ابيتنا و لا ابيتكم

الحين وييييينج يا فلانه طالعه مع الخطيب

راحت علينا

:)

الله يوفقج ويهنييج

يالغالية

___________

كبرياء وردة

حبيبتي هالوردة لج ;)

ويعطيكم العافية

غرس او درز العود

لك مني...

غرز و درز العود هو موسم بالسنة ابفصل الربيع( واي ربيع يا حسرة )

فية تنمو الزروع و تثمر الورود وتتفتح الزهور

والي وده يزرع في بيته ماله الا بهالموسم يزرع وبتيي السنة اليايه

وان شاء الله كل شي مثمر

وهاذي صور من حديقتنا

وقولوا ما شاء الله (;